လွင်ႈဢၼ်ႁဝ်းတူၺ်းႁၼ်ဝႃႈ မၼ်းယူဝ်းယူဝ်းၼႆၵူၺ်းၼၼ်ႉ တေပဵၼ်ဢၼ်ၽႂ်သေၵေႃႉမွင်းပႂ်ႉယူႇ တၢင်းယုမ်ႉဢွၼ်ႇ၊ လွင်ႈတူင်ႉတၵ်ႉဢွၼ်ႇ မၢင်ပွၵ်ႈၵူၼ်းႁိမ်းၶၢင်ႈႁဝ်းၵေႃႈ ဢဝ်ၵႂႃႇဝူၼ်ႉၸွမ်းမၼ်းလႆႈတင်းဝၼ်းၵွၼ်ႇယဝ်ႉ။
လွင်ႈသႂ်ႇၸႂ်သူၼၼ်ႉ ဢမ်ႇၸႂ်ႈဝႃႈၽႂ်တေမီးမိူၼ်မၼ်းလႆႈ သူတေဝႃႈၸဝ်ႈၵဝ်ႇပဵၼ်ၼႆၵူၺ်း တွၼ်ႈတႃႇၽႂ်သေၵေႃႉၼၼ်ႉ မၼ်းပဵၼ်လွင်ႈဢုၼ်ႇၸႂ်ဢၼ်ႁႃယၢပ်ႇဝႆႉယဝ်ႉ။
ပဵၼ်တူဝ်ၸဝ်ႈၵဝ်ႇၵူၺ်းၼၼ်ႉ မၼ်းမီးမွၵ်ႇၼႃႈဢၼ်ဢမ်ႇမီးၽႂ်မိူၼ်လႆႈ ၵူၼ်းၵေႃႉဢၼ်ႁၵ်ႉႁဝ်းယွၼ်ႉပဵၼ်တူဝ်ႁဝ်းၼႆႉယဝ်ႉ ပဵၼ်ၵူၼ်းၵေႃႉဢၼ်ယူႇၸွမ်းယဝ်ႉလူမ်ၸႂ်လိူဝ်ပိူၼ်ႈ။
လွင်ႈသႂ်ႇၸႂ်လဵၵ်ႉလဵၵ်ႉဢွၼ်ႇ ဢမ်ႇလႆႈဝူၼ်ႉသင်သေတႃႉ တေၸၢင်ႈပဵၼ်လွင်ႈယႂ်ႇတွၼ်ႈတႃႇၽႂ်သေၵေႃႉ၊ ၸိူင်ႉၼင်ႇထၢမ်ဝႃႈ ၵိၼ်ၶဝ်ႈယဝ်ႉႁႃႉ၊ ထိုင်ႁိူၼ်းယဝ်ႉလၢတ်ႈၽွင်ႈၼႃႈ မၼ်းဢမ်ႇၸႂ်ႈလွင်ႈလဵၵ်ႉတွၼ်ႈတႃႇၵူႈၵေႃႉ။
ဢၼ်ယူႇယဵၼ်ယဵၼ်ႁိမ်းၸမ်ၼၼ်ႉၵေႃႈ မီးတီႈပွင်ႇဝႃႈ ဢမ်ႇၶႂ်ႈလႆႈၵႂၢမ်းလၢတ်ႈႁၢင်ႈလီၼႃႇ ႁႂ်ႈႁူႉဝႃႈသူမီးယူႇတီႈၼၼ်ႈၵူၺ်းၵေႃႈလႆႈယဝ်ႉ။
လွင်ႈဢၼ်သူဝူၼ်ႉဝႃႈ ၽႂ်ၵေႃႈႁဵတ်းလႆႈ ၸၢင်ႈပဵၼ်လွင်ႈဢၼ်မီးၵႃႈၶၼ်တွၼ်ႈတႃႇၽႂ်သေၵေႃႉ ဢမ်ႇဝႃႈပဵၼ်လွင်ႈဢူၼ်ႈဢွၼ်ႇ၊ လွင်ႈတင်ႈၸႂ်၊ လွင်ႈသိုဝ်ႈယူဝ်း မၼ်းဢမ်ႇလႆႈထူပ်းႁၼ်တီႈၵူၼ်းၵူႈၵေႃႉလေႃႇၼႃႈ။
လွင်ႈပဵၼ်သၽႃႇဝသူၼၼ်ႉ ႁဵတ်းႁႂ်ႈၵူၼ်းႁိမ်းၸမ်မီးလွင်ႈယဵၼ်ၸႂ်ၸွမ်း ယူႇၸွမ်းယဝ်ႉ ဢမ်ႇလႆႈၶတ်းၸႂ်တႅၵ်ႈဝႃႈၽႂ်လီလိူဝ်ၽႂ် ၼႆႉယဝ်ႉပဵၼ်ၵႃႈၶၼ်ဢၼ်ၸႅတ်ႈၸၢင်ႇ။
သူဢမ်ႇလူဝ်ႇႁဵတ်းသင်ႁႂ်ႈၶိုၵ်ႉၶႅမ်ႉ ပဵၼ်တူဝ်သူဢၼ်ပဵၼ်ယူႇၼႆႉၵေႃႈလႆႈယဝ်ႉ၊ မၢင်ၵေႃႉယိၼ်းၸူမ်းလွင်ႈလဵၵ်ႉလဵၵ်ႉဢွၼ်ႇ ဢၼ်သူမီး ဢမ်ႇၸႂ်ႈလွင်ႈဢၼ်သူတင်ႈၸႂ်ႁႂ်ႈမၼ်းလိူဝ်။
ယႃႇလိုမ်းဝႃႈ သူမီးၵႃႈၶၼ်တႃႇသေႇယဝ်ႉ ဝၼ်းဢၼ်သူဝူၼ်ႉဝႃႈဢမ်ႇမီးၵႃႈၶၼ်သင်ၼၼ်ႉ တေမီးၽႂ်သေၵေႃႉ မီးတၢင်းသိူဝ်းလႆႈ ယွၼ်ႉမီးသူယူႇဝႆႉ။
ႁူႉဝႆႉလႄႈ လွင်ႈယူဝ်းယူဝ်းဢွၼ်ႇသူၼၼ်ႉ မၼ်းမီးၵႃႈၶၼ်လိူဝ်သေဢၼ်သူဝူၼ်ႉၵွၼ်ႇယဝ်ႉ မီးၽႂ်သေၵေႃႉတူၺ်းႁၼ်သူပဵၼ်ၸိူင်ႉၼၼ်ဝႆႉယူႇဢိူဝ်ႈၼႃႈ။
ပိၼ်ႇ – ငဝ်မွင်မိုတ်းမူဝ်း
