ပၢႆးပၺ်ႇၺႃႇ

“ပၢႆးပၺ်ႇၺႃႇ” ဢူဝ်ႉ! ပၢႆးပၺ်ႇၺႃႇၼႆႉ လမ်ႇလွင်ႈတႃႇၵူၼ်းႁဝ်း ၵူႈၵေႃႉတႄႉယဝ်ႉ။ ပၢႆးပၺ်ႇၺႃႇ ၼႆႉပဵၼ် ၵၢၼ်သွၼ် ၊လွင်ႈႁဵၼ်းဢဝ်တၢင်းႁူႉ ၊ၼမ်ႉၵတ်ႉတၢင်းမေႃ ၊ၵႃႈၶၼ် ၊လွင်ႈယုမ်ႇယမ် လႄႈငဝ်ႈၶၢမ်ႇပိုၼ်ႉ ၵူႈလွင်ႈ” ယူႇယဝ်ႉ။

ပၢႆးပၺ်ႇၺႃႇၼႆႉ ပဵၼ်ငဝ်ႈႁၢၵ်ႈ ၵူႈဢၼ် ၵူႈလွင်ႈ တႃႇတေႁဵတ်းႁႂ်ႈၵူၼ်းႁဝ်း ပေႃးတေထူပ်း လွင်ႈဢွင်ႇမၢၼ် ၊တႃႇတေၶဝ်ႈဢွၵ်ႇ တူင်ႇဝူင်းၵူၼ်း ၊တႃႇတေမေႃၶဝ်ႈႁူမ်ႈႁဵတ်းသၢင်ႈၵၢၼ်ငၢၼ်း ၊တႃႇႁႂ်ႈၵူၼ်း ၵူႈၵေႃႉ မေႃမီးပၢႆး ဝူၼ်ႉၽႄႈသၢင်ႈ ၊ၼင်ႇႁိုဝ်တေမေႃပူၵ်းပွင်တူင်ႇဝူင်းၵူၼ်း ၊မေႃဝူၼ်ႉထတ်း သၢင်ဢၼ်လႂ်လီဢမ်ႇလီ ၊ၼင်ႇႁိုဝ်တေမေႃမူၼ်ႉမေး တီႈယူပ်ႈယွမ်းတူဝ်ၵဝ်ႇ လႄႈမူၼ်ႉမႄးပၼ်တီႈယူႇတၼ်းသဝ်း တူင်ႇဝူင်းတူဝ်ၵဝ်ႇယူႇယဝ်ႉ။

ပၢႆးပၼ်ၺႃႇၼႆႉ တီႈၵေႇသုတ်း ၸွႆႈပူၵ်းပွင် ပၼ်လွင်ႈၶိုၼ်ႈယႂ်ႇ တူဝ်ၵဝ်ႇ ၊လႅၵ်ႈလၢႆႈပၼ်ပၢႆးဝူၼ်ႉ ၊လွင်ႈႁဵတ်းသၢင်ႈ ၊ၼမ်ႉၸႂ်ၵူၼ်း ၊လွင်ႈၵၢၼ်ငၢၼ်း ၊လွင်ႈတၢင်းႁူႉ ၊ပၢႆးဝူၼ်ႉလီ ၊မေႃဝူၼ်ႉမေႃသွၼ်ႇ ၊မေႃပွင်ႇၸႂ်ၼိူဝ်ပိူၼ်ႈ ၊မီးလွင်ႈယုမ်ႇယမ်တူဝ်ၵဝ်ႇမႃး ၊ႁတ်းလၢတ်ႈႁတ်းၸႃ ၊ႁတ်းပူၵ်းပွင် ၊ႁတ်းၸီႉၸမ်ႈမူၼ်ႉမႄး တီႈၽိတ်းထုၵ်ႇ ၶွင်ပိူၼ်ႈပႃးယဝ်ႉ။

ၽွၼ်းလီၵၢၼ်မီးပၢႆးပၺ်ႇၺႃႇ

ပေႃးဝႃႈမီး ပၢႆးပၺ်ႇၺႃႇပေႃးဝႃႈၼႆ တႃႇၵူၼ်းၵေႃႉၼိုင်ႈ တေယူႇၵႂႃႇ ၸႂ်ႉၸၢတ်ႈပၢၼ်ၵႂႃႇၼၼ်ႉ ပဵၼ်လွင်ႈငၢႆႈ တႃႇၸၢတ်ႈပၢၼ် ၽႂ်မၼ်းယဝ်ႉ။ ထႅင်ႈလွင်ႈၼိုင်ႈၵေႃႈ ႁဵတ်းၵၢၼ်သင်ၵေႃႈငၢႆႈ ၊မီးၼႃႈမီးတႃ ၼႂ်းတူင်ႇဝူင်း ၊ၵႂႃႇလႂ်မႃးလႂ်ၵေႃႈ တေဢမ်ႇမီးလွင်ႈၶီၸႂ်သင် ၊တေဢမ်ႇပေႃးလႆႈပိုင်ႈဢိင်ပိူၼ်ႈ ၊ တႃႇတေဢွၼ်ႁူဝ် ၸိူဝ်းၼႆႉၵေႃႈ တေလႆႈမီးပၢႆးပၺ်ႇၺႃႇပႃးယဝ်ႉ။

ၽွၼ်းႁၢႆႉၵၢၼ်ဢမ်ႇမီးပၢႆးပၺ်ႇၺႃႇ

ၵူၼ်းၼိုင်ႈၵေႃႉၼႆႉ သင်ဢမ်ႇမီး ပၢႆးပၺ်ႇၺႃႇ ပေႃးဝႃႈၼႆၸိုင် တေႁဵတ်းသၢင်ႈၼႃႈၵၢၼ်ၵေႃႈပဵၼ်လွင်ႈယၢပ်ႇ ၊လၢတ်ႈၸႃၵေႃႈတေဢမ်ႇပေႃးႁတ်း ၊တေမီးလွင်ႈၵူဝ်ၼႂ်းၸႂ် ၊တႃႇတေဢွင်ႇမၢၼ်ၼႂ်းၼႃႈၵၢၼ်ၵေႃႈတေဢမ်ႇမီး ၊ႁဵတ်းသင်ၵေႃႈတေထိူင်း ၊ၵၢၼ်ၶဝ်ႈဢွၵ်ႇတူင်ႇဝူင်းၵေႃႈတေယူပ်ႈယွမ်း ၊ႁဵတ်းၼႃႈၵၢၼ်ၵေႃႈ တေဢမ်ႇပေႃးႁၼ်ၼမ်ႉတွၼ်း ၊သင်မီးပၼ်ႁႃမႃးၵေႃႈ တေၵႄႈၶၢႆပၼ်ႁႃယၢပ်ႇ ၽွၼ်းႁၢႆႉၵၢၼ်ဢမ်ႇမီး ပၢႆးပၺ်ႇၺႃႇၼႆႉ တေၸၢင်ႈထူပ်း လွင်ႈယၢပ်ႇၸိူဝ်းၼႆႉယဝ်ႉ။

လွင်ႈတၢင်းၵၢၼ်မီးပၢႆးပၺ်ႇၺႃႇ { 6 }

1.သူတေႁဵတ်းၵၢၼ်ငၢၼ်းလႆႈလီ

2.သူတေမေႃဝၢင်းၽႅၼ်

3.သူတေမီးၼမ်ႉၵတ်ႉတၢင်းမေႃ

4.သူတေမေႃၸတ်းၵၢၼ်

5.သူတေမေႃထတ်းထွင်

6.သူတေမေႃၵႄႈၶၢႆပၼ်ႁႃ

လွင်ႈတၢင်းၸိူဝ်းၼႆႉ ပဵၼ်ၼမ်ႉၵတ်ႉ ၵၢၼ်ပၢႆးပၺ်ႇၺႃႇ ဢၼ်တေၸၢင်ႈၸွႆႈထႅမ်သူ ၼႂ်းၸူဝ်ႈပၢၼ်

ယွၼ်ႉၼၼ်ၵူၼ်းၵူႈၵေႃႉထုၵ်ႇလီႁူႉ လႄႈႁၼ်ထိုင်ၵႃႈၶၼ် ပၢႆးပၺ်ႇၺႃႇသေ ၵူႈၵေႃႉထုၵ်ႇလီဢွၼ်ၵၼ် ႁႃလဵပ်ႈႁဵၼ်းယူႇဢေႃႈ

ပၢႆၵမ် – Ñâŵ Ťâî

တိုၼ်ႇလႅင်း တွၼ်ႈသၢဝ်းႁႃႈ

ယၢမ်းၵၢင်ၼႂ် ၶမ်းႁွမ်ၵေႃႈလုၵ်ႉၸဵမ်ၸဝ်ႉသေ ႁၢင်ႈႁႅၼ်းၶူဝ်းတႃႇမိူဝ်းဝဵင်းယူႇ… “ၶမ်းႁွမ်ပေႉႁဵတ်းသင်ၸဵမ်ၸဝ်ႉလႃႇ…” “မိူဝ်ႈၼႆႉႁဝ်းတေမိူဝ်းဝဵင်း…” “ဢွၵ်ႇၸႂ်သင်မိူဝ်းဝဵင်းၸဵမ်ၸဝ်ႉၸိူင်ႉၼႆ…မီးပၢင်ၵုမ်ႁႃႉ…ႁႂ်ႈႁဝ်းမိူဝ်းၸွမ်းၼႄႇ…” “ဢမ်ႇ!!…ႁဝ်းတေမိူဝ်းသိုဝ်ႉတၢင်းၵိၼ်တၢင်းယႅမ်ႉ…ႁဝ်းဝူၼ်ႉဝႃႈတေၵိၼ်လဵင်ႉပၼ်…ၸုမ်းလႅင်းမိူင်းၶဝ်…ဢၼ်ဢွၼ်ၵၼ်မႃးၸွႆႈႁဝ်းမိူဝ်ႈဝႃးၼၼ်ႉ…” “ဢဝ်လူတ်ႉမိူဝ်းႁင်းၵူၺ်းႁႃႉ…” “ယႃႇမႆႈၸႂ်…လုၵ်ႈႁဵၼ်းႁဝ်းမိူဝ်းၸွမ်းယူႇ…ၸွႆႈမိူဝ်းလၢတ်ႈပၼ်ႁႂ်ႈၶဝ်လူင်းမႃးၽွင်ႈ…ႁဝ်းတေၸဵဝ်းမႃးယူႇၼႃႈ…” ယိင်းသႅင်ၵေႃႈယဵၼ်ၵႂႃႇ သမ်ႉပေႃးဢမ်ႇၸၢင်ႈလၢတ်ႈသင်ယဝ်ႉ ယွၼ်ႉၶေႃႈသင်ႇ လႅင်းမိူင်းဢမ်ႇပၼ်လၢတ်ႈႁႂ်ႈလၢတ်ႈလႄႈ ၶႂ်ႈလၢတ်ႈတၢၼ်ႇႁိုဝ်ၵေႃႈ ၵႃႈလႆႈယဵၼ်ႉၸႂ်ဝႆႉၵူၺ်း။ “ဢေႃႈ… ဢိုမ်ႈ!…ႁဝ်းတေလၢတ်ႈပၼ်လႂ်…” ၶမ်းႁွမ်ဢွၵ်ႇႁိူၼ်းမိူဝ်းၵႂႃႇလူၺ်ႈတီႈမီးတၢင်းသိူဝ်း...

တိုၼ်ႇလႅင်း တွၼ်ႈသၢဝ်းသီႇ

ၵင်ဝၼ်းၸၢႆႉတူၵ်းယဝ်ႉ လႅင်းမိူင်းဢဝ်ႁႅင်းၵူၼ်းသေမႃးလွမ်ႉဝႆႉယူႇ… ၶၢဝ်ႇဢၼ်ၼႆႉ ႁွတ်ႈၵႂႃႇၽၢႆႇၼိူဝ်ယဝ်ႉ။ ၽၢႆႇတၢင်းၼိူဝ်ၵေႃႈ ပဵၼ်လွင်ႈဢၼ်ဢမ်ႇႁၢၼ်ႉၸႂ်တေႉတေႉ ယွၼ်ႉလွင်ႈဢၼ်လႅင်းမိူင်းတႅပ်းတတ်းႁဵတ်းၵႂႃႇႁင်းၵူၺ်းၼႆႉ မၼ်းၸၢင်ႈတုမ်ႉတိူဝ်ႉထိုင်ၶေႃႈတူၵ်းလူင်း ၵၢၼ်ငမ်းယဵၼ်တင်းသွင်ၽၢႆႇလႆႈယဝ်ႉ။...

လႅတ်ႇဢုၼ်ႇယၢမ်းၸဝ်ႉ တွၼ်ႈသၢမ်

မိူဝ်ႈၸမ်ထိုင် ပွႆးဝၼ်းၸိူဝ်ႉၸၢတ်ႈ ၽွင်းၶိူဝ်းမိူင်းၶဝ်ၵႂႃႇႁၢင်ႈၶိူင်ႈ ၶဵင်ႇပၢင်မူၼ်ႈသိူဝ်းယူႇတီႈ ပၢင်ႇမၢႆ-2 ပၢင်ႁူမ်ႈၸဝ်ႈသိူဝ်ၶၼ်ႇၾႃႉ ဢၼ်မီးပႃး ၵူၼ်းသိုၵ်းၶဝ်ၽွၼ်ႉၵၢၼ်ယူႇၼၼ်ႉ ၸင်ႇသမ်ႉမီးၵူၼ်းလႅပ်ႈယၢမ်ႈႁၼ်ဝႆႉ...