တွၼ်ႈတႃႇၵေႃႉသုမ်းႁၵ်ႉ

ငိုၼ်းသႅင်ဢၼ်ယူႇၸွမ်းသႅင်ပိုၼ်းတင်းဝၼ်းယဝ်ႉ ဢမ်ႇလႆႈႁၼ်ၸွမ်သႅင်ၵပ်းသိုပ်ႇမႃးၼႆၵေႃႈ သၢႆတႃမၼ်း ၵမ်းၵမ်းယၵ်ႉတူၺ်းၾူၼ်းယူႇတိၵ်းတိၵ်းယဝ်ႉ။ “ဝၼ်းမိူဝ်ႈၼႆႉလႆႈလႄႇၸွမ်းၵၼ် ၵျေႃႇတေႉယဝ်ႉၼေႃ” ငိုၼ်းသႅင်ယုမ်ႉဢိတ်ႉၼိုင်ႈယဝ်ႉ “ၼၼ်ႉယဝ်ႉၶႃႈ” “ႁၼ်တူၺ်းၾူၼ်းယူႇၸဵမ်ၵႆႈ မီးသင်လႃႇ မီးၵူၼ်းမွင်းယူႇႁႃႉ” “ဢမ်ႇလႅပ်ႈမီးၽႂ်မွင်းၶႃႈ” “ၼၼ်ႁႃႉ..” “ဝၼ်းၼၼ်ႉတၼ်းလႆႈထၢမ် ၵူၺ်းၵႃႈ...

သွင်ၵေႃႉၸုၵ်းတေႃႇၼႃႈၵၼ် ယၵ်ႉတူၺ်းယူႇတင်းႁိုင် ထိုင်တီႈၽႂ်ပေႃးဢမ်ႇၸၢင်ႈတၵ်ႉၽႂ်လႆႈယဝ်ႉၼႃႇ။ “ၼွင်ႉ!..” “ၶူး..” လႆႈႁွင်ႉထူပ်းၵၼ်ၵႂႃႇတီႈသႅင်ႇၼမ်ႉဝၢၼ်တီႈၼိုင်ႈ ဢမ်ႇႁူႉတေတႄႇလၢတ်ႈဢုပ်ႇၵၼ်ၵႂႃႇတီႈလႂ် ၼိမ်ယဵၼ်ဝႆႉယူႇၽႂ်မၼ်း “ယူႇလီယူႇၼေႃႈ” “ဢေႃႈ” ငိုၼ်းသႅင်ၵေႃႈ သမ်ႉဝႃႈမီးလွင်ႈၶမ်ၸႂ်တင်းၼမ် မီးၶေႃႈထၢမ်တင်းၼမ်ၶမ်ၸႂ်ဝႆႉယူႇၼႆၵေႃႈ မိူဝ်ႈလႆႈႁူပ်ႉတေႃႇၼႃႈၶဝ်ၼၼ်ႉ ဢမ်ႇမီးသင်တႃႇတေလၢတ်ႈသေမဵဝ်းယဝ်ႉ...

တီႈၼႂ်းႁွင်ႈပၢင်ၵုမ် သဵင်ၾူၼ်းငိုၼ်းသႅင်မေႃးမႃးလႄႈ ၸွမ်သႅင်ႁပ်ႉယဝ်ႉ ၼႅတ်ႈၵိုတ်းပၢင်ၵုမ်သေ ဢွၵ်ႇႁွင်ႈပၢင်ၵုမ်ၵႂႃႇဝႆးဝႆးယဝ်ႉၼႃႇ။ ၵူၼ်းၼႂ်းဝၢၼ်ႈၵေႃႈဢွၼ်ၵၼ်မႃးၸွႆႈမႃးထႅမ်ၵၼ် မိူဝ်ႈဝႃးတိုၵ်ႉပဵၼ်ပၢင်ၶႅၵ်ႇယူႇၵေႃႈ မိူဝ်ႈၼႆႉတႄႉ ပဵၼ်ပၢင်မႃႇသႃႇၵႂႃႇယဝ်ႉ။ ငိုၼ်းသႅင်တႄႉဢမ်ႇႁူႉတေႁဵတ်းသင်ယဝ်ႉ...