Tag: တိုၼ်ႇလႅင်း

ႁဝ်းဢမ်ႇၸႂ်ႈၵူၼ်းၶႅၼ်ႇၼႃ ၵူၺ်းၵႃႈ မၼ်းၸမ်ပဵၼ်တေလႆႈႁဵတ်း ႁဝ်းဢူၼ်ႈဢွၼ်ႇဢမ်ႇလႆႈၼၼ်ႉယဝ်ႉ။ ႁဝ်းဢမ်ႇၶႂ်ႈပဵၼ်ၵူၼ်းၵေႃႉဢၼ်ၵႅၼ်ႇၶႅင်ယူႇတႃႇသေႇ ၵူၺ်းၵႃႈၶူင်းၵၢင်ၼႆႉၵေႃႈဢမ်ႇလႆႈၸႂ်လီတေႃႇႁဝ်းသေၵႃႈႁိုဝ်လူး။ ဢမ်ႇမီးပိုၼ်ႉတီႈႁႂ်ႈႁဝ်းၼင်ႈလႆႈၼိမ်ၼိမ်သေ ပႂ်ႉႁႂ်ႈပိူၼ်ႈမႃးၸွႆႈ၊ ဢမ်ႇမီးတွမ်ႇတႃႇႁႂ်ႈႁဝ်းလိုဝ်ႈသေထွႆဢွၵ်ႇမႃး လူၺ်ႈဢမ်ႇလႆႈမႅၵ်ႇႁပ်ႉသင်။ ႁဝ်းဢဝ်ၶၢမ်ႈပူၼ်ႉလွင်ႈဢၼ်ဢမ်ႇဝူၼ်ႉဝႃႈတေဢဝ်ပူၼ်ႉမၼ်းမႃးလႆႈ ထူပ်းပၼ်ႁႃဢၼ်ဢမ်ႇႁူႉဝႃႈတေလႆႈႁပ်ႉမိုဝ်းၸိူင်ႉႁိုဝ်၊...

ထိုင်ၼင်ႇၵၢင်ၶမ်ႈမႃး ၶမ်းႁွမ်လႄႈတင်းလုၵ်ႈ ဢွၼ်ၵၼ်ႁၢင်ႈၶိူင်ႈႁၢင်ႈၽၢင်သေ ပႆၵႂႃႇၸွမ်းပွႆး လုၵ်ႈဢွၼ်ႇၼႆၵေႃႈ ပေႃးႁၼ်တၢင်းလဵၼ်ႈၼႆတုၵ်းၶႂ်ႈလႆႈယဝ်ႉ ဢမ်ႇသိုဝ်ႉပၼ်သမ်ႉႁႆႈထႅင်ႈ ၸၢင်ႈတေႁဵတ်းႁိုဝ် ႁၼ်ၵေႃႈၵႃႈလႆႈသိုဝ်ႈပၼ်ယဝ်ႉဢိူဝ်ႈလေႃႇ...

“လွင်ႈႁဝ်းလႄႈတင်းၶဝ်ၼၼ်ႉ..မၼ်းသုတ်းသဵင်ႈၵႂႃႇၸဵမ်မိူဝ်ႈသီႇပီပူၼ်ႉယဝ်ႉ” “တိူၵ်ႈတီႈႁၵ်ႉယူႇ…ၵွပ်ႈသင်လႄႈသူလိူၵ်ႈတေယၢၼ်ၽၢတ်ႇၶဝ်တႃႇသေႇလႃႇ..ႁဝ်းဢမ်ႇပွင်ႇၸႂ်သူတေႉယဝ်ႉ” “တေပဵၼ်ယွၼ်ႉႁဝ်းၵူဝ်ယူဝ်ႉ…ႁဝ်းၸူမ်ယူႇၸွမ်းတၢင်းဝူၼ်ႉဢၼ်ဝႃႈ…ၵူဝ်လုၵ်ႈမီးပေႃႈပဵၼ်သိုၵ်း…ၵူဝ်လုၵ်ႈတေမိူၼ်ႁဝ်း..ဢမ်ႇလႆႈႁၼ်ၼႃႈပေႃႈ…ၽိူဝ်ႇႁူႉတူဝ်ၵေႃႈႁဝ်းပေႃးႁဵတ်းႁႂ်ႈလုၵ်ႈႁဝ်းပဵၼ်ၸိူင်ႉၼၼ်ၵႂႃႇၼၼ်ႉၼႃႇ…ႁဝ်းၸင်ႇလႆႈဢွၼ်ၶဝ်မႃးတီႈၼႆႈယဝ်ႉ..” “မီးပေႃႈပဵၼ်သိုၵ်းမၼ်းဢမ်ႇလီတီႈလႂ်လႃႇ…သင်ဢမ်ႇသင်မၼ်းၵေႃႈပဵၼ်ပေႃႈလႆႈယူႇလူး..” “ယွၼ်ႉႁဝ်းယၢမ်ႈထုၵ်ႇပေႃႈပွႆႇပႅတ်ႈလႄႈ…ၸင်ႇလႆႈမီးတၢင်းဝူၼ်ႉၽင်ၸႂ်မႃးယူဝ်ႉ” “ၵူၺ်းၵႃႈမၼ်းဢမ်ႇၸႂ်ႈတၢင်းၽိတ်းလုၵ်ႈဢွၼ်ႇလူး…ႁဝ်းဝႃႈသူဝူၼ်ႉၽိတ်းလႄႈႁဵတ်းၽိတ်းတေႃႇလုၵ်ႈသူႁႅင်းၼႃႇယဝ်ႉ…တိူၵ်ႈတီႈၶဝ်ထုၵ်ႇလီလႆႈယူႇၸွမ်းပေႃႈယူႇယဝ်ႉ…သူႁၼ်ၶဝ်ပဵၼ်ၵူၼ်းၸိူင်ႉႁိုဝ်လႃႇ…ပဵၼ်သိုၵ်းၵေႃႈမေႃဢဝ်ပုၼ်ႈၽွၼ်းယူႇၵူၺ်းဢိူဝ်ႈ…” “ႁဝ်းဝႃႈမၼ်းတူၵ်းလိုၼ်းယဝ်ႉၼႃႈ…” “ၶဝ်ယင်းတိုၵ်ႉပႂ်ႉသူယူႇတႃႇသေႇဢိူဝ်ႈ…တေႃႈၼင်ႇတေတေႇၼႃႈႁိူၼ်း…မၼ်းယင်းမႃးၼင်ႈၵိၼ်လဝ်ႈသေႁႆႈယူႇတီႈႁိူၼ်းႁဝ်းယဝ်ႉ..” ၶမ်းႁွမ်ၼင်ႈၼိမ်ယဵၼ်ဢမ်ႇတၵ်းသဵင်ယဝ်ႉ။ ၸၢႆးၶိူဝ်းၵေႃႈႁွတ်ႈမႃးတီႈသႅင်ႇၼၼ်ႉသေ “ဢမ်ႇၸႂ်ႈၶမ်းႁွမ်ႁိုဝ်လႃႇၼႆႉ…” “မႂ်ႇသုင်ၶႃႈ..” “မႂ်ႇသုင်ၼႃ…မႃးမိူဝ်ႈလႂ်လႃႇ…မႃးလိုဝ်ႈတီႈလႂ်” တင်းႁွပ်ႇလုၵ်ႈဢုမ်ႈပၼ်ယိင်းသႅင်သေတၵ်ႉလၢတ်ႈတေႃႇၶမ်းႁွမ်ၵႂႃႇမိူဝ်ႈလဵဝ်ၵၼ်။ “မႃးယူႇတီႈႁိူၼ်းဢူၺ်းၵေႃႉ…” “တေႇၼႃႈႁိူၼ်းၵၼ်မႃးႁိုင်ယဝ်ႉႁႃႉၼႆႉ” “ဝၢႆးသေႁဝ်းၵႂႃႇၶိုၼ်ႈႁဵၼ်းႁူၵ်းလိူၼ်မႃးၵေႃႈ…မၼ်းယွၼ်းတေႇၸွမ်းႁဝ်းၵမ်းလဵဝ်ယဝ်ႉဝႃႈ” ၶမ်းႁွမ်ၵေႃႈယုမ်ႉယုမ်ႉၼႄၵႂႃႇ ၸၢႆးၶိူဝ်းၸင်ႇထၢမ်ၵႂႃႇၼင်ႇဢမ်ႇႁူႉလွင်ႈသင်ၼၼ်ႉသေ “သူလူးမီးၼႃႈႁိူၼ်းယဝ်ႉႁႃႉ!...ဢမ်ႇလႆႈငိၼ်းၶၢဝ်ႇႁိုင်ၼႃႇယဝ်ႉ” ၶမ်းႁွမ်ယုမ်ႉၵႂႃႇသေ “လုၵ်ႈဢွၼ်ႇတေတွင်ႉမႆႈၶဝ်ႈယဝ်ႉယူဝ်ႉ…သင်ႇတၢင်းၵိၼ်ၵၼ်ၵွၼ်ႇလႄႈ” လုၵ်ႈဢွၼ်ႇၵေႃႈပႆမႃးတၢင်းၶမ်းႁွမ်ၶဝ်ၼၼ်ႉသေ ၶမ်းႁွမ်ၵေႃႈသင်ႇတၢင်းၵိၼ်ၵႂႃႇတီႈၸဝ်ႈသႅင်ႇႁႂ်ႈႁဵတ်းပၼ်ယူႇ။ တွၼ်ႈတႃႇလုၵ်ႈဢွၼ်ႇတႄႉ ဢဝ်ဢၼ်ၸဵဝ်းယဝ်ႉမၼ်းပၼ်ၵိၼ်ပႂ်ႉထႃႈယဝ်ႉ။ “လုၵ်ႈသူႁႃႉ!!..ဢမ်ႇၸႂ်ႈၼေႃႇမိူင်းႁိုဝ်လႃႇၵေႃႉယႂ်ႇၼၼ်ႉ…ပေႃးဢမ်ႇၶႂ်ႈတွင်းတေႉလူင်”...

ၼိူဝ်သဵၼ်ႈတၢင်းၵူၼ်းပႆထၢၼ်ႈပေႃးၵိုၼ်းဢိုၵ်ႉဢိုၵ်ႉ ပေႃႈမႄႈၵူၼ်းမိူင်းၼုင်ႈသုပ်းသႂ်ႇသိူဝ်ႈၶူဝ်းတႆး ဢွၼ်ၵၼ်ပႆၵႂႃႇတၢင်းပၢင်ပွႆး ၵူၼ်းသိုၵ်းၶဝ်ၸႅၼ်ႇထႅဝ်ၵၼ် ပႆၵႂႃႇၸွမ်းသဵင်တွႆႇတိုင်ႈတူႇရိယႃႇ ၵႂႃႇၵွင်ၵၼ်ယူႇၼႂ်းပၢင်ႇၼၼ်ႉ ၵူၼ်းထၢၼ်ႈပေႃးတဵမ်ဝႆႉယူႇ။ လႅင်းမိူင်းၼၼ်ႉတႄႉၵေႃႈ ၼုင်ႈၶူဝ်းသိုၵ်းတဵမ်ၸုမ်ႇသေ ႁေႃႈလူတ်ႉသူင်ႇၸဝ်ႈသိုၵ်းၸွမ်ၶိူဝ်းသေယဝ်ႉ...

ႁိုင်ယူႇဢမ်ႇတၢၼ်ႇၶမ်းႁွမ်ၵေႃႈသုတ်ႉတူဝ်ဢွၵ်ႇမႃး ၵူမ်ႈၼႃႈၵႂႃႇပႅတ်ႈဢိတ်းၼိုင်ႈယဝ်ႉ “ႁဝ်းၵေႃႈမီးလွင်ႈၶႂ်ႈလၢတ်ႈႁႂ်ႈပဵၼ်ၶေႃႈလိုၼ်းသုတ်း…” လႅင်းမိူင်းသုတ်ႉတူဝ်ဢွၵ်ႇႁၢင်ႇသေ ၶမ်းႁွမ်ဢမ်ႇပၼ်ႁႂ်ႈလႅင်းမိူင်းလႆႈတွပ်ႇ မၼ်းၸင်ႇသိုပ်ႇလၢတ်ႈထႅင်ႈ “ႁဝ်းပေႃးမွၵ်ႈၼႆႉၵူၺ်းလႃႈ…” ၵႂၢမ်းၶေႃႈၼႆႉၵေႃႈ ယွၵ်ႈတုမ်ႉၸႂ်သမ်ႉပေႃးၵႅၼ်းလူင်မႃးၵမ်းလဵဝ် “ႁဝ်းမႃးႁဵတ်းပုၼ်ႈၽွၼ်းႁဝ်းႁႂ်ႈတဵမ်တီႈလႄႈ…လွင်ႈႁဝ်းၼၼ်ႉမိူဝ်ႈမၼ်းဢမ်ႇသိုပ်ႇလႆႈထႅင်ႈယဝ်ႉၵေႃႈ…ႁႂ်ႈမၼ်းသုတ်းၵႂႃႇတီႈၼႆႈသေ…သူၵေႃႈပဵၼ်သိုၵ်းတေလႆႈဢွၵ်ႇတၢင်းၵႂႃႇတီႈဢၼ်ႁဝ်းဢမ်ႇၸၢင်ႈၸွမ်းထိုင်လႆႈ…ႁဝ်းၵေႃႈပဵၼ်မေႃသွၼ်…တီႈဢၼ်သူဢမ်ႇၸၢင်ႈယူႇႁူမ်ႈၸွမ်းလႆႈ…ႁဝ်းဢမ်ႇၶႂ်ႈပၼ်ၵႂၢမ်းမၼ်ႈလႄႈဢမ်ႇၶႂ်ႈဝႆႉတၢင်းမုင်ႈမွင်းသင်ယဝ်ႉၼႃႈ…ၶၢဝ်းယၢမ်းဢၼ်ႁဝ်းမီးၼၼ်ႉ…ႁဝ်းၵေႃႈလႆႈၸႂ်ႉၸွမ်းၵၼ်တဵမ်တီႈယဝ်ႉ…မိူဝ်ႈသူဢမ်ႇယူႇယဝ်ႉ..ႁဝ်းၵေႃႈတေလႆႈၸႂ်ႉၸၢတ်ႈပၢၼ်ႁဝ်းၵႂႃႇႁင်းႁဝ်း…သူၵေႃႈတေလႆႈၸႂ်ႉၸၢတ်ႈပၢၼ်သူၵႂႃႇထႅင်ႈ..ႁဝ်းပေႃးမွၵ်ႈၼႆႉၵူၺ်းယဝ်ႉလႃႈ..” ၶမ်းႁွမ်လုပ်ႈၼႃႈလႅင်းမိူင်းဢၼ်ငဝ်မွင်ၼင်ႇလုၵ်ႈဢွၼ်ႇၼၼ်ႉယဝ်ႉ။ လႅင်းမိူင်းလၢတ်ႈသဵင်ဢူၼ်ႈမေႃးယူႇၼႂ်းၵူင်ၶေႃးမၼ်းၼၼ်ႉ “မၼ်းတေႁဵတ်းႁႂ်ႈႁဝ်းဢမ်ႇႁၵ်ႉၵၼ်လႆႈယူႇႁႃႉ မၼ်းတေႁဵတ်းႁႂ်ႈႁဝ်းတတ်းၶၢတ်ႇၵၼ်လႆႈတေႉႁႃႉ” “ဢမ်ႇၼႃ…ႁဝ်းယင်းတိုၵ်ႉႁၵ်ႉယူႇ..သူၵေႃႈႁၵ်ႉႁဝ်း…ႁဝ်းႁူႉလီယူႇ” “ယွၼ်ႉသင်လႃႇ…” “ယွၼ်ႉလွင်ႈႁၢင်ႇၵႆၼၼ်ႉမၼ်းမေႃလႅၵ်ႈလၢႆႈ..” “ပေႃးဢမ်ႇပဵၼ်မႃးၸိူင်ႉၼၼ်လူး..” “သင်ဝႃႈဝၼ်းၼၼ်ႉထိုင်မႃးၵွၼ်ႇလႄႈ…မိူဝ်ႈၼႆႉႁဝ်းၽၢတ်ႇၵၼ်ၵႂႃႇလူၺ်ႈလီ…မိူဝ်းၼႃႈမႃးႁဝ်းၵေႃႈတေဢမ်ႇလႆႈဝူၼ်ႉၽိတ်းတေႃႇၵၼ်…တေဝႃႈႁဝ်းႁၼ်သုၼ်ႇတူဝ်ၵေႃႈဢမ်ႇပဵၼ်သင်ၼႃ” “သမ်ႉဝႃႈပုၼ်ႈၽွၼ်းမၼ်းလမ်ႇလွင်ႈသေတႃႉ…တၢင်းႁၵ်ႉၵေႃႈလမ်ႇလွင်ႈမိူၼ်ၵၼ်…ၵူၼ်းၵေႃႉဢၼ်တေပၼ်ႁႅင်းၸႂ်…ဢၼ်တေႁဵတ်းႁႂ်ႈၶႂ်ႈမီးသၢႆၸႂ်သိုပ်ႇယူႇၵႂႃႇ…ဢၼ်ၶႂ်ႈတူၺ်းထိုင်လုမ်းလႃးပၼ်…ၶႂ်ႈၵႅတ်ႇၶႄပၼ်…မၼ်းႁဵတ်းႁႂ်ႈပဵၼ်ႁႅင်းဢီးႁႂ်ႈၶႂ်ႈယူႇၵႂႃႇၼၼ်ႉယဝ်ႉ…သင်ဢမ်ႇမီးမၼ်း…မၢင်ၽဝ်ႇၵၢၼ်မၢင်မဵဝ်းႁဝ်းတေဢမ်ႇႁဵတ်းလႆႈၵေႃႈပဵၼ်လႆႈ…ႁဝ်းယုမ်ႇဝႃႈ…တၢင်းႁၵ်ႉၼၼ်ႉမၼ်းယူႇၼိူဝ်ပုၼ်ႈၽွၼ်း…ယွၼ်ႉတၢင်းႁၵ်ႉသေ…မၼ်းႁဵတ်းႁႂ်ႈႁဝ်းလႆႈထူပ်းသူထႅင်ႈပွၵ်ႈၼိုင်ႈ…တၢင်းႁၵ်ႉလႄႈၼႃႈၵၢၼ်…မၼ်းၵႂႃႇၸွမ်းၵၼ်လႆႈယူႇၼႃ…” “ၵေႃႈၼၼ်ႉယဝ်ႉ…မိူဝ်ႈၽုၵ်ႈသူပေႃးတေလႆႈၵႂႃႇယဝ်ႉလူး…ဢမ်ႇႁူႉဝႃႈတေလႆႈၶိုၼ်းပွၵ်ႈမႃးထႅင်ႈမိူဝ်ႈလႂ်…ၵွပ်ႈၼၼ်…သူၵေႃႈၸႂ်ႉၶၢဝ်းယၢမ်းသူႁႂ်ႈလီလႄႈ…ႁဝ်းၵေႃႈတေၸႂ်ႉၶၢဝ်းယၢမ်းႁဝ်းႁႂ်ႈလီမိူၼ်ၵၼ်” လႅင်းမိူင်းၵူမ်ႈၼႃႈတိူဝ်ႉၸႂ်သေယဝ်ႉ “ႁဝ်းယွမ်းၼွမ်းၼႃႈ..ၶမ်းႁွမ်” “ဢမ်ႇၸႂ်ႈတၢင်းၽိတ်းသူလႄႈဢမ်ႇၸႂ်ႈတၢင်းၽိတ်းၽႂ်…ပဵၼ်ၵွပ်ႈဝၢၼ်ႈမိူင်းႁဝ်းၼႆႉမၼ်းဢမ်ႇၵတ်းယဵၼ်ၼၼ်ႉၵူၺ်း…” လႅင်းမိူင်းၶဝ်ၵေႃႈ...

မိူဝ်ႈႁဝ်းယင်းၵေႃႉလဵၵ်ႉလဵၵ်ႉ ဝၢၼ်ႈမိူင်းသုၵ်ႉယုင်ႈဢူၼ်ၵဝ်း ၼႃႈႁိူၼ်းႁဝ်း ၵူၼ်းမိူင်းႁဝ်း ႁိုဝ်လႆႈယူႇသႃႇ ၵႂႃႇလႂ်ၵေႃႈၵူဝ် ႁႃႁဵတ်းၵိၼ်ၵၢၼ်ၵေႃႈယၢပ်ႇ ပေႃးမၢၼ်ႈၶဝ်ႈဝၢၼ်ႈမႃးၵေႃႈ ၺႃးႁၢပ်ႇၶျေႃး...

ယၢမ်းၵၢင်ၶမ်ႈ သဵင်ယဵၼ်ယဵၼ် ယိင်းသႅင်ၵေႃႈဢဝ်တၢင်းၶူဝ်းမၼ်းမႃးႁႅၼ်းယဝ်ႉ။ ၶမ်းႁွမ်လႆႈႁၼ်သေ “သူတေၵႂႃႇလႂ်လႃႇ…” “ဢေႃ…မိူဝ်ႈၸဝ်ႉ…ႁူဝ်ၼႃႈမႃးလၢတ်ႈႁႂ်ႈႁဝ်းၵႂႃႇသိုပ်ႇႁဵၼ်းထႅင်ႈၼႆဝႃႇ…ႁဝ်းၵေႃႈသူၼ်ၸႂ်သေ…လႆႈတူၵ်းလူင်းၸွမ်းလႄႈ…မၼ်းၵေႃႈႁႂ်ႈႁဝ်းမႃးႁႅၼ်းၶူဝ်းပႂ်ႉထႃႈၼၼ်ႉယိုင်…” “ၶဝ်မႃးတီႈၼႆႈသေႁႃႉ…ႁဝ်းဢမ်ႇလႆႈႁၼ်ၶဝ်လႃႇ” ယိင်းသႅင်ယၵ်ႉတူၺ်းၶမ်းႁွမ်သေ “သူသွင်ၵေႃႉမီးလွင်ႈႁင်ၵၼ်လႃႇ” “ၸၢင်ႈၵႂႃႇမီးလွင်ႈသင်...” “ဢေႃႈၶႃႈ…လီယုမ်ႇၼႃႇၶႃႈ” “ႁဝ်းပၼ်ႁႅင်းယူႇၼႃႈ…ၶတ်းၸႂ်လႄႈ…တႃႇတေမီးတိုဝ်ႉတၢင်းၸိူင်ႉၼႆၼႆႉဢမ်ႇငၢႆႈငၢႆႈ…” “မႃးႁႃလၢႆႈၵႂၢမ်းယူႇ…ဢမ်ႇသေလၢႆၵၼ်သေဢိတ်းႁႃႉ…” “ႁဝ်းတေသေလၢႆႁဵတ်းသင်…မၼ်းပဵၼ်တိုဝ်ႉတၢင်းလီတွၼ်ႈတႃႇသူၵမ်းလဵဝ်…ႁဝ်းယိုင်ႈၶႅၼ်းပၼ်ႁႅင်းၼမ်ၼမ်ၵမ်းလဵဝ်ၼၼ်ႉယဝ်ႉ…တႃႇတေမီးတိုဝ်ႉတၢင်းသေလႆႈၵႂႃႇႁဵၼ်းၸိူင်ႉၼႆ…ဢမ်ႇလႃႈလီႈမီးလူး…မိူဝ်ႈမီးတိုဝ်ႉတၢင်းၼၼ်ႉ…ၶတ်းၸႂ်ဝၵ်ႉတၢဝ်းဢဝ်လႄႈ…ယိုင်ႈလႆႈႁဵၼ်းႁူႉၼမ်ၵႃႈႁိုဝ်…ယိုင်ႈတူဝ်ထူပ်းၼမ်ၵႃႈႁိုဝ်…မၼ်းတေမႃးၽိူမ်ႉထႅမ်ပၼ်ၼမ်ႉၵတ်ႉႁဝ်းမွၵ်ႈၼၼ်ႉယဝ်ႉ…ႁဵၼ်းၵႂႃႇယဝ်ႉၵေႃႈ…ယႃလိုမ်းဢဝ်မႃးၸႂ်ႉတိုဝ်းႁႂ်ႈပဵၼ်ၽွၼ်းလီၶိုၼ်းၼင်ႇၵဝ်ႇၼႃႈ…” “ဢေႃႈၶႃႈ…မေႃသွၼ်ႁဝ်း…တႃႉသေဝႃႈၵူၼ်းႁူႉၸႂ်ၵၼ်…ၸိုင်ပေႉမေႃလၢတ်ႈမိူၼ်ၵၼ်ၼေႃ…ႁဝ်းၵႂႃႇယဝ်ႉ…ပေႃးတေတေႇၼႃႈႁိူၼ်းၼႆၵေႃႈ…ယႃႇလိုမ်းတူၵ်ႇလၢတ်ႈမွၵ်ႇၼႄၵၼ်ၽွင်ႈၼႃႈ…” “ယူဝ်ပဵၼ်သူၵူၺ်းယင်းဢမ်ႇႁူႉ…ၸူဝ်ႈၶၢဝ်းၶိဝ်းၼႆႉ…မိူၼ်ၵႆႉႁၼ်မေႃယႃၸၢႆးၶိူဝ်းၵႆႉမႃးႁဵတ်းၵၢၼ်ဝႆႉၼေႈ…” “ယႃႇလႃႈလီႈလၢတ်ႈၼႃႇလႄႈ…ႁဝ်းၵေႃႈပေႃးတေၵႂႃႇယဝ်ႉ…ယူဝ်ၶဝ်တေဢဝ်မေးပႅတ်ႈႁဝ်းယင်းဢမ်ႇႁူႉ…” “လၢတ်ႈမႃးၸိူင်ႉၼႆ…ၶႂ်ႈဝႃႈမီးၸႂ်ယူႇၽွင်ႈၸွင်ႇၸႂ်ႈႁိုဝ်…” “ယူႇတီႈသူဝူၼ်ႉ…ႁဝ်းဢမ်ႇလၢတ်ႈတေႃႇသူယဝ်ႉ…” ယၢမ်းၵၢင်ၼႂ်တႃဝၼ်းၵေႃႈဢွၵ်ႇ မွၵ်ႇၵုမ်ႈၵေႃႈပၢင်ႇ သဵင်ၼူၵ်ႉသဵင်ၼူဢူၼ်ၼၼ်ႈမေႃးပၼ်း  သဵင်ၵႃးလင်မေႃးမႃးၵိုတ်းယူႇတီႈၼႃႈႁိူၼ်း။ ၸၢႆးၶိူဝ်းတင်းလႅင်းမိူင်းၵေႃႈ...

မိူဝ်ႈမိူဝ်းႁွတ်ႈႁိူၼ်းၼၼ်ႉ ၾႆးပေႃးလပ်းသိင်ႇၽိတ်းၽိတ်း ႁွင်ႉယိင်းသႅင်ၵေႃႈဢမ်ႇယူႇ “မၼ်းၵႂႃႇလႂ်ယဝ်ႉလႃႇၼႆႉ!” မိူဝ်းပိုတ်ႇၾႆးသေ ႁၼ်တိူၵ်ႈယႃလၢင်ႉၸဵပ်းယိင်းသႅင်ၼၼ်ႉၵေႃႈ ၽုၺ်ႇမႃးယဝ်ႉ လင်လႅင်းမိူင်းၼၼ်ႉၵေႃႈမီးလိူတ်ႈၸိုမ်ႉယမ်းလႅင်ဢွၵ်ႇမႃးဝႆႉ ႁႂ်ႈလႅင်းမိူင်းထွတ်ႇသိူဝ်ႈယဝ်ႉ။ ၶမ်းႁွမ်လႆႈႁၼ် လိူတ်ႈလႅင်ၸိုမ်ႉယမ်းပေႃးတဵမ်ၽႅၼ်ႇႁေႃႇၸဵပ်းလႄႈ...

သီၼႃႈလႅင်းမိူင်းဢဝ်တေႉဢဝ်ဝႃႈမႃးသေ “ၶမ်းႁွမ်!!..ႁဝ်းဢမ်ႇလႆႈယဝ်ႉသူလဵၼ်ႈၼႃ” “ႁဝ်းၵေႃႈဢမ်ႇလႆႈယဝ်ႉမိူၼ်ၵၼ်..ဝူၼ်ႉဝႃႈလွင်ႈၶေႃးၶၢတ်ႇဝၢတ်ႇတၢႆၼႆႉပဵၼ်မဵဝ်းယဝ်ႉၵၼ်လဵၼ်ႈၵေႃႈဢမ်ႇၸႂ်ႈ” “ယူႇၼႂ်းပၢင်တိုၵ်း…ႁဝ်းၵေႃႈဢမ်ႇႁူႉဝႃႈႁဝ်းတေတၢႆမိူဝ်ႈလႂ်…မိူဝ်ႈဢွၼ်တၢင်း…ႁဝ်းၵေႃႈဢမ်ႇၵူဝ်ဝႃႈတေတၢႆမိူဝ်ႈလႂ်…တၢႆမိူဝ်ႈလႂ်ၵေႃႈတၢႆမိူၼ်ၵၼ်ၵူၺ်း…တၢႆတွၼ်ႈတႃႇၸိူဝ်ႉၸၢတ်ႈ…ပုၼ်ႈတႃႇၸိူဝ်ႉၶိူဝ်း…ႁဝ်းၽွမ်ႉတႃႇတေလူႇၼိူဝ်ႉလိူတ်ႈလႆႈတႃႇသေႇၼၼ်ႉယဝ်ႉ…ၵူၺ်းၵႃႈ…မိူဝ်ႈႁူႉၸၵ်းသူ…ႁဵတ်းႁႂ်ႈႁဝ်းၶႂ်ႈမီးသၢႆၸႂ်ၶႂ်ႈသိုပ်ႇယူႇထႅင်ႈၼၼ်ႉယဝ်ႉ…ၸွင်ႇႁူႉႁိုဝ်…မိူဝ်ႈမၢၵ်ႇၵွင်ႈယိုဝ်းၶဝ်ႈမႃးထိုင်ၼႂ်းၼိူဝ်ႉႁဝ်းၼၼ်ႉ…မၼ်းၸဵပ်းမိူၼ်ႁဝ်းတေယဵၼ်ႉၸႂ်ဢမ်ႇလႆႈ…မိူၼ်ႁဝ်းတေတၢႆၵႂႃႇပႅတ်ႈယဝ်ႉ…” ၶမ်းႁွမ်ၼိမ်ယဵၼ်သေထွမ်ႇယူႇ “သူႁဵတ်းႁႂ်ႈႁဝ်းၶႂ်ႈမီးသၢႆၸႂ်ယူႇၵႂႃႇထႅင်ႈ…တွၼ်ႈတႃႇတေလႆႈမႃးတူၺ်းထိုင်…ၵႅတ်ႇၶႄပၼ်သူ…သမ်ႉဝႃႈႁဝ်းတေၸဵပ်းသႅပ်ႇ…တေယဵၼ်ႉၸႂ်ဢမ်ႇလႆႈ…ၶႂ်ႈတၢႆၼႃႇၼႆသေတႃႉၵေႃႈ…မိူဝ်ႈဝူၼ်ႉႁၼ်သူၼၼ်ႉ…ႁဵတ်းႁႂ်ႈႁူဝ်ၸႂ်ႁဝ်းတဵၼ်ႈတွတ်ႇမႃးၶိုၼ်းလႆႈၼၼ်ႉယဝ်ႉ…ႁဝ်းၵေႃႈဢမ်ႇႁူႉဝႃႈတေပဵၼ်ၸိူင်ႉၼႆ…ႁဝ်းၵေႃႈဢမ်ႇႁူႉဝႃႈသင်ႁဝ်းပွၵ်ႈမႃးၶိုၼ်း…တေႁဵတ်းႁႂ်ႈသူဢမ်ႇၵတ်းယဵၼ်ၸႂ်…” “ၶမ်ႈယဝ်ႉ…ၸွင်ႇတေမိူဝ်းယူႇႁိုဝ်” ဢဝ်လႅင်းမိူင်းယုမ်ႉဢွၵ်ႇမႃးသေယဝ်ႉ။ “ဢိုမ်ႈ!” လႅင်းမိူင်းယုမ်ႉယဝ်ႉ မႃးၼူဝ်းလူတ်ႉၶိူင်ႈသေ ၶမ်းႁွမ်ၵေႃႈၶီႇသွၼ်ႉလင်မိူဝ်းၵႂႃႇ မိုဝ်းဢွၼ်ႇသွင်ၶွၼ် သွတ်ႇၵွင်ႉဢဝ်ဢဝ်လႅင်းမိူင်းဝႆႉသေ ၼႃႈဢွၼ်ႇမၼ်းၵေႃႈသမ်ႉပေႃးထိၸပ်းလင်လႅင်းမိူင်းမိူဝ်းၵႂႃႇ ၼင်ႇလုၵ်ႈဢွၼ်ႇၵူဝ်တူၵ်းလူတ်ႉၼၼ်ႉယဝ်ႉ။ “ၵူဝ်ႁႃႉ!” “ဢိုမ်ႈ..” “မီးႁဝ်းယူႇၼႃႈ..ဢမ်ႇပဵၼ်သင်ၼႃ” “ၸိုင်ဝႃႈပေႃးထူပ်းႁဝ်းၼႆ မီးလွင်ႈတေလၢတ်ႈၼႆဢမ်ႇႁိုဝ်လႃႇ” “လႆႈငိၼ်းယူႇႁႃႉ..” “ဢိုမ်ႈ..ငိၼ်းပႃးသဵင်ႁႆႈၵွၼ်ႇယဝ်ႉ” “သူၵေႃႈတူၺ်းႁဝ်းႁႆႈသေယဝ်ႉဢိူဝ်ႈၼႆ...

တွင်ႉၾႃႉၸိုၼ်ႈသႂ် သၢႆလူမ်းထူဝ်းထွင်း ၽွင်းမိူဝ်ႈၶမ်းႁွမ်တေပွၵ်ႈမိူဝ်းၶိုၼ်းၼၼ်ႉ ၸင်ႇၸူဝ်းဢဝ်တင်းၼေႃႇမိူင်းသေ ဝႄႉတီႈလၢၼ်ႉမႄးလူတ်ႉၸၢႆးၶမ်းၼၼ်ႉယူႇ ၸၢႆးၶမ်းၵေႃႈ မိူဝ်ႈႁၼ်ၶမ်းႁွမ်မႃး ၼႅတ်ႈမႃးတူင်ႉတၵ်ႉၸူးၵမ်းလဵဝ်။ “မႃးဝႄႉႁဝ်းသေၶႃႈလႃႇၼႆႉ ၶဝ်ႈၵႂႃႇၼင်ႈတၢင်းၼႂ်းၵွၼ်ႇလႄႈ” ၼေႃႇမိူင်းတႄႉၵေႃႈ...

မိူဝ်ႈႁၼ်ၸိူင်ႉၼၼ်ယဝ်ႉၵေႃႈ မေႃယႃဢွၼ်ၵၼ်မႃးတူၺ်းၵမ်းလဵဝ် လႆႈႁၼ်ႁွႆးယိုဝ်းတၢင်းလင် လိူတ်ႈလႆလူင်းပေႃးဢမ်ႇၵိုတ်းဢမ်ႇလိုဝ်ႈ  လႅင်းမိူင်းတႄႉဢမ်ႇႁူႉတူဝ်ယဝ်ႉ။ ၸွမ်းလူၺ်ႈမေႃယႃဢၼ်လႆႈႁၼ်ႁူဝ်ၼႃႈၶဝ်ပဵၼ်ၸိူင်ႉၼၼ်ယဝ်ႉ ၼင်ႇႁိုဝ်တေၸွႆႈဢသၢၵ်ႈႁူဝ်ၼႃႈၶဝ်လႆႈၼၼ်ႉ တင်းၶိူင်ႈၸႂ်ႉယႃႈယႃသေ ႁိပ်ႈၼႅတ်ႈယူတ်းယႃပၼ်...

သဵင်ၵွင်ႈသဵင်မၢၵ်ႇလင်မေႃးပၼ်း ယွၼ်ႈႁူၺ်ႈယွၼ်ႈလွႆဢမ်ႇထၢတ်ႇဢမ်ႇဝၢႆးလႆႈ ၵမ်ႉလင်မေႃး တီႈၼိုင်ႈယဝ်ႉတီႈၼိုင်ႈ မၢၵ်ႇၵွင်ႈဢမ်ႇလိူၵ်ႈတၢင်း ယူႇတီႈၵူၼ်းဝၢင်းမိုဝ်းၵူၺ်းၼၼ်ႉယဝ်ႉ။ မိူဝ်ႈမၢၵ်ႇၵွင်ႈလင်မေႃး မၢၵ်ႇတႅၵ်ႇလင်မႃး ၵူၼ်းမိူင်းၸိူဝ်းယူႇႁိမ်းႁွမ်းၸိူဝ်းၼၼ်ႉၵေႃႈႁိုဝ်တေယူႇလႆႈ...