သႅၼ်ငဝ်း

လွင်ႈမုင်ႈမွင်းဢၼ်ဢမ်ႇပဵၼ်မႃး ဢမ်ႇမီးၽႂ်ႁဵတ်းႁၢႆႉႁဝ်းလႆႈတၢၼ်ႇလွင်ႈမုင်ႈမွင်းႁဝ်း ယိင်ႈႁဝ်းမုင်ႈမွင်းၼႃႇ မိူဝ်ႈလႂ်မၼ်းဢမ်ႇပဵၼ်မႃးၼင်ႇဢၼ်ဢၢင်ႈဢၢၼ်းဝႆႉ မၼ်းၵေႃႈတေႁဵတ်းႁၢႆႁဝ်း ဢၼ်ႁဝ်းလႆႈဢဝ်ၸႂ်သႂ်ႇမၼ်းၼႃႇၼၼ်ႉယဝ်ႉ။ လွင်ႈဢမ်ႇမိူၼ်ၸႂ်ၼၼ်ႉ မၼ်းမိူၼ်ပဵၼ်မၢၼ်ႇၸမ်ႈဢၼ်ၼႄပၼ်တူဝ်တႄႉႁဝ်းလႄႈတၢင်းၵူဝ်ဢၼ်ႁဝ်းမီး မၢင်ပွၵ်ႈႁဝ်းဢမ်ႇလႆႈတိူဝ်ႉၸႂ် ယွၼ်ႉလွင်ႈဢမ်ႇမိူၼ်    ၼင်ႇဢၼ်ဢၢင်ႈဢၢၼ်း ၵူၺ်းၵႃႈႁဝ်းတိူဝ်ႉၸႂ်ယွၼ်ႉမၼ်းၵႂႃႇတိူဝ်ႉယမ်မႅၼ်ႈၺႃးၶေႃႈဢၼ်ဝႃႈ “ႁဝ်းဢမ်ႇလီပဵင်းပေႃး”။ ႁဝ်းလႆႈၸဵပ်းယွၼ်ႉသႂ်ႇၸႂ်မၼ်းၼႃႇပူၼ်ႉတီႈ မၢင်ပွၵ်ႈၵေႃႈမၼ်းဢမ်ႇလႆႈသူၼ်ၸႂ်ႁဝ်းၶိုၼ်းသင်၊ ၵူၼ်းႁဝ်းၼၼ်ႉတေဢမ်ႇႁၼ်ၵႃႈၶၼ်မိူၼ်ၵၼ်လႄႈ လွင်ႈဢမ်ႇမိူၼ်ၸႂ်ၵေႃႈ...

ႁဝ်းဢမ်ႇလႆႈမုင်ႈမွင်းဝႃႈၸၢတ်ႈပၢၼ်ႁဝ်းၼၼ်ႉဢမ်ႇလူဝ်ႇလႆႈတဵမ်ထူၼ်ႈၵေႃႈလႆႈ၊ ဢမ်ႇၸႂ်ႈဝႃႈၵူႈဝၼ်းတေၵႂႃႇလႆႈလီတႃႇသေႇ။ လိူဝ်သေဝႃႈ ၸူဝ်ႈပၢၼ်ဢၼ်တိုၵ်ႉႁႅင်းဢူၼ်ႈယူႇၼၼ်ႉ ႁႂ်ႈမီးၵူၼ်းၸႂ်လီယူႇႁိမ်းၸမ်ၵူၺ်းၵေႃႈလီၼႃႇယဝ်ႉ။ တႃႇတေၵေႃႉယႂ်ႇမႃးထႅင်ႈၼၼ်ႉ မၼ်းတိုၼ်းႁိူဝ်ႉယူႇယဝ်ႉ တေလႆႈႁဵၼ်းႁူႉ တေလႆႈလႅၵ်ႈလၢႆႈ တေလႆႈႁပ်ႉမိုဝ်းၸွမ်းလွင်ႈလႅၵ်ႈလၢႆႈၵူႈၽၢႆႇၽၢႆႇယဝ်ႉ။ မၼ်းၵေႃႈတေလီယူႇ သင်ဝႃႈၽွင်းဢၼ်ႁဝ်းတိုၵ်ႉႁဵၼ်းႁူႉတေပဵၼ်ၵူၼ်းလူင်ယူႇၼၼ်ႉ မၼ်းတေမီးၵူၼ်းၸွမ်းလၢတ်ႈလီလီတေႃႇႁဝ်း ပွင်ႇၸႂ်ပၼ်ႁဝ်းလႄႈ ဢမ်ႇႁိပ်ႈႁႂ်ႈႁဝ်းၸဵဝ်းၵေႃႉယႂ်ႇၼႃႇ။ ယွၼ်းႁႂ်ႈမီးၽႂ်သေၵေႃႉၼိုင်ႈလၢတ်ႈဝႃႈ “ဢမ်ႇပဵၼ်သင်လေႃႇ ၽိတ်းလႆႈယူႇၵူၺ်း”...

လုၵ်ႈၼၼ်ႉဢမ်ႇၸႂ်ႈဝႃႈၶႂ်ႈလႆႈၶူဝ်းၶွင်ၵႃႈၼႃႇ မၢင်ပွၵ်ႈ ၶဝ်ၶႂ်ႈလႆႈတၢင်းႁၵ်ႉတီႈပေႃႈမႄႈဢၼ်ႁၵ်ႉၶဝ်တေႉတေႉ ၵႆႉၵွတ်ႇလုၵ်ႈ ထွမ်ႇၶဝ်ႁႂ်ႈသုတ်း ယူႇႁိမ်းၸမ်ၶဝ်မိူဝ်ႈၶဝ်ႁွင်ႉႁႆႈ လွင်ႈၼႆႉ မၼ်းလမ်ႇလွင်ႈလိူဝ်သေမီးၾူၼ်းပၼ်ၶဝ်ဢၼ်ၵႃႈၶၼ်ယႂ်ႇၼၼ်ႉလူးၵွၼ်ႇ။ ဢမ်ႇမီးငိုၼ်းၼမ် ဢမ်ႇၸႂ်ႈဝႃႈတေလဵင်ႉလုၵ်ႈဢမ်ႇလီ တၢင်းႁၵ်ႉၼၼ်ႉတေလႆႈသိုဝ်ႉလူၺ်ႈလွင်ႈဢုၼ်ႇၸႂ် ဢမ်ႇၸႂ်ႈတေလႆႈၸၢႆႇလူၺ်ႈငိုၼ်း မီးၸႂ်ၵူၺ်းၵေႃႈလီယဝ်ႉ။ လဵင်ႉလုၵ်ႈႁႂ်ႈမေႃပဵင်းပေႃး ၼၼ်ႉပဵၼ်ၶူဝ်းတွၼ်ႈဢၼ်ယိုင်ႈယႂ်ႇယဝ်ႉ သွၼ်ႁႂ်ႈလုၵ်ႈမေႃႁူႉၸၵ်းၵၢၼ်ပႂ်ႉ...

ႁဝ်းဢမ်ႇၸႂ်ႈၵူၼ်းၶႅၼ်ႇၼႃ ၵူၺ်းၵႃႈ မၼ်းၸမ်ပဵၼ်တေလႆႈႁဵတ်း ႁဝ်းဢူၼ်ႈဢွၼ်ႇဢမ်ႇလႆႈၼၼ်ႉယဝ်ႉ။ ႁဝ်းဢမ်ႇၶႂ်ႈပဵၼ်ၵူၼ်းၵေႃႉဢၼ်ၵႅၼ်ႇၶႅင်ယူႇတႃႇသေႇ ၵူၺ်းၵႃႈၶူင်းၵၢင်ၼႆႉၵေႃႈဢမ်ႇလႆႈၸႂ်လီတေႃႇႁဝ်းသေၵႃႈႁိုဝ်လူး။ ဢမ်ႇမီးပိုၼ်ႉတီႈႁႂ်ႈႁဝ်းၼင်ႈလႆႈၼိမ်ၼိမ်သေ ပႂ်ႉႁႂ်ႈပိူၼ်ႈမႃးၸွႆႈ၊ ဢမ်ႇမီးတွမ်ႇတႃႇႁႂ်ႈႁဝ်းလိုဝ်ႈသေထွႆဢွၵ်ႇမႃး လူၺ်ႈဢမ်ႇလႆႈမႅၵ်ႇႁပ်ႉသင်။ ႁဝ်းဢဝ်ၶၢမ်ႈပူၼ်ႉလွင်ႈဢၼ်ဢမ်ႇဝူၼ်ႉဝႃႈတေဢဝ်ပူၼ်ႉမၼ်းမႃးလႆႈ ထူပ်းပၼ်ႁႃဢၼ်ဢမ်ႇႁူႉဝႃႈတေလႆႈႁပ်ႉမိုဝ်းၸိူင်ႉႁိုဝ်၊ ၵူၺ်းၵႃႈ ႁဝ်းၵေႃႈယင်းတိုၵ်ႉယူႇလႆႈယူႇဢမ်ႇၸႂ်ႈႁိုဝ်လႃႇ။ ဢမ်ႇၸႂ်ႈယွၼ်ႉႁဝ်းၵတ်ႉၶႅၼ်ႇ ယွၼ်ႉႁဝ်းဢမ်ႇမီးတၢင်းလိူၵ်ႈထႅင်ႈတၢင်ႇတၢင်းၼၼ်ႉယဝ်ႉ။ ႁိူဝ်ႉတၢၼ်ႇႁိုဝ်ၵေႃႈႁူႉၵႃႈလႆႈသိုပ်ႇၵႂႃႇ လူမ်ႉလၢႆၵမ်းၵေႃႈၵႃႈတေလႆႈလုၵ်ႉမႃးၶိုၼ်း ယွၼ်ႉႁဝ်းတေဢူၼ်ႈဢွၼ်ႇဢမ်ႇလႆႈ။ မၢင်ပွၵ်ႈႁဝ်းၵေႃႈၶႂ်ႈလိုဝ်ႈ...