သႅၼ်ငဝ်း

ဝၢႆးသေပုၼ်ႈၽွၼ်းၼမ်မႃး ၵၢၼ်တႅမ်ႈလိၵ်ႈၶႃႈၵေႃႈလႆႈၵိုတ်းၵႂႃႇလႄႈ ၶႃႈႁဵတ်းၵၢၼ်ၵေႃႈဢမ်ႇသိူဝ်းၵျေႃႇမိူၼ်ၵူႈပွၵ်ႈယဝ်ႉ။ ၵူႈဝၼ်းဝၼ်း ဢၼ်ၼင်ႈယူႇၼႃႈၶွမ်းၼၼ်ႉ ၼႂ်းတၢင်းဝူၼ်ႉၶႃႈ မီးၶေႃႈလဵဝ်ၵူၺ်းဝႃႈ “ၵဝ်ယူႇႁဵတ်းသင်လႃႇတီႈၼႆႈ” ၵူႈဝၼ်းၵူႈဝၼ်း...

ၼႂ်းဝၼ်းႁဵတ်းၵၢၼ် ၵူၼ်းၵေႃႈဢွၼ်ၵၼ်မႃးၸေးယဝ်ႉလႄႈ မိူဝ်ႈၽွင်းၼင်ႈၵိၼ်ၶဝ်ႈဝၼ်းႁူမ်ႈမူႇၵၼ်ယူႇၼၼ်ႉ လၢဝ်မိူင်းၵေႃႈတူၺ်းၼႃႈၶႃႈသေ “မိူဝ်ႈၶမ်ႈပီမႂ်ႇ ပီႈၶမ်းၸိုၼ်ႈႁွင်ႉၵႂၢမ်းဝၢၼ်ၼႃႇမေႃႉ” “တေႉႁႃႉ ႁၢင်ႈၶႃႈဢမ်ႇလႆႈငိၼ်းလႃႇ” “မႂ်းယႃႇလၢတ်ႈတိၵ်းတိၵ်းလူး..” ၼႃႈမၼ်းသမ်ႉပေႃးလႅင်ဝၢၼ်းဝၢၼ်းယဝ်ႉ။ ၶဝ်ၸိူဝ်းၼၼ်ႉၵေႃႈ တူၺ်းၼႃႈမၼ်းသေယုမ်ႉယူႇၸုတ်းၵုတ်း မီးၶႃႈၵူၺ်းဢမ်ႇႁူႉလွင်ႈပိူၼ်ႈ...

မၼ်းမိူၼ်ၶႃႈလႆႈတႄႇမႂ်ႇမူတ်းယဝ်ႉ ၶႃႈဢမ်ႇႁူႉဝႃႈၶႃႈတေလႆႈႁဵတ်းၸိူင်ႉႁိုဝ် ၶႃႈႁဵတ်းလႆႈယူႇႁ၊ ၶႃႈႁိူဝ်ႉတေႉယဝ်ႉ ၶႃႈဢမ်ႇၶႂ်ႈႁဵတ်းယဝ်ႉ ၶႃႈဢွၵ်ႇၵၢၼ်ၵႂႃႇလီႁိုဝ် မိူဝ်ႈၼၼ်ႉၶႃႈဝူၼ်ႉၸိူင်ႉၼၼ်ယဝ်ႉ၊ ၽိူဝ်ႇၶႃႈမႃးၼင်ႈ “မိူဝ်ႈၼႆႉလိုဝ်ႈသေလႄႈ” ပီႈၶမ်းၸိုၼ်ႈလၢတ်ႈတီႈၶႃႈ ၶႃႈၸင်ႇတေယၵ်ႉတူၺ်းၼႃႈမၼ်းလီလီသေ...

ႁဝ်းဢမ်ႇလႆႈလိူၵ်ႈသဵၼ်ႈတၢင်းမၢၵ်ႈမီး ဢမ်ႇလႆႈလိူၵ်ႈပႆသဵၼ်ႈတၢင်းပိူၼ်ႈၵျိူၵ်ႈ တိူၵ်ႈတီႈဝႃႈဢမ်ႇမီးၽႂ်ပၼ်ႁႅင်းၵေႃႈ ယင်းတိုၵ်ႉသိုပ်ႇၵႂႃႇယူႇ။ သမ်ႉဝႃႈတီႈႁိူၼ်းဢမ်ႇမီးၾႆးၾႃႉၵေႃႈ မီးၾႆးတဵၼ်းယူႇ သၢႆလႅင်းၾႆးတဵၼ်းႁိူဝ်ႈထွင်ႇဝဝ်းလွႆးလွႆးသေတႃႉၵေႃႈ သဵင်ၵမ်တႅမ်ႈၶိတ်ႇၶဵၼ်လူင်းသႂ်ႇၼိူဝ်မၢင်ၸေႈၼၼ်ႉ ၸိုင်ပေႉမႃးမူၼ်ႈၸႂ်၊ တီႈလႂ်ၽိတ်းၵေႃႈမႄးဢဝ်ၵွၼ်ႈမွတ်ႇထူထွတ်ႇတီႈၽိတ်းဢွၵ်ႇ...

ၸွမ်းလူၺ်ႈလွင်ႈဢၼ်ဢမ်ႇလႅင်းၸႂ်ၼၼ်ႉသေ ဢေးၼုမ်ႇၸင်ႇသိုပ်ႇၾူင်းၸူးပီႈဢၢႆႈမၼ်း “ဝႃႈႁိုဝ်ဢေးၼွင်ႉ ပၢၵ်ႇဝၼ်းႁဵင်ပီၸင်ႇသိုပ်ႇၾူင်းမႃး” “ၶႃႈၶႂ်ႈႁူႉဝႃႈ ၵွပ်ႈသင်လႄႈပီႈႁွင်ႉၶႃႈမႃးယူႇၸွမ်းမႄႈႁဝ်းလႃႇ” “ၼၼ်ႁႃႉ” သဵင်တဵတ်ႇယဵၼ်ၵႂႃႇသေ “ၸွင်ႇၼွင်ႉႁၼ်တူၼ်ႈမၢၵ်ႇမူင်ႈၼႃႈႁိူၼ်းၼၼ်ႉႁႃႉ” “ဢိုမ်ႈ! ပီၼႆႉမၢၵ်ႇမၼ်းပူင်းဝႃႈပူင်းယဝ်ႉ” “ၼၼ်ႉပီႈၵႂႃႇဢဝ်မႃးတီႈတၢင်းလင်ႁူင်းႁဵၼ်းၼၼ်ႉ မိူဝ်ႈၼၼ်ႉဝႂ်မၼ်းပေႃးဢမ်ႇၶႂ်ႈမီးႁင်ယဝ်ႉယူဝ်ႉ ၵိုတ်းၵၢၼ်ႈမၼ်းၵူၺ်း...

မိူဝ်ႈၶၢဝ်းယၢမ်းပူၼ်ႉၵႂႃႇ သႅင်ႁွမ်ၵေႃႈ ၵိူတ်ႇဢွၵ်ႇမႃးလုၵ်ႈယိင်းဢွၼ်ႇလီႁၵ်ႉလီပႅင်း မႄႈၶဝ်ၼၼ်ႉတႄႉၵေႃႈ ၸူမ်းဢုမ်ႈၸူမ်းႁွပ်ႇႁၵ်ႉၼႃႇပေႇၸႂ်ယဝ်ႉဝႃႈ၊ ဢမ်ႇဝူၼ်ႉထိုင်မိူဝ်ႈမၼ်းလႃႇသႅင်ႁွမ် မိူဝ်ႈပႃးတွင်ႉၼၼ်ႉ သမ်ႉပေႃးဢမ်ႇတီႈၵိၼ်တီႈယူႇၵွၼ်ႇယဝ်ႉ။ သမ်ႉဝႃႈပဵၼ်မႄႈလဵင်ႉလုၵ်ႈၵေႃႉလဵဝ်ၼႆၵေႃႈ မၼ်းၵေႃႈသႂ်ႇၸႂ်တူၺ်းထိုင်ႁၵ်ႉႁွမ်သိမ်းပႅင်းလုၵ်ႈမၼ်းၼႃႇၼင်ႇၵဝ်ႇယဝ်ႉ၊...

ယၢမ်းႁူဝ်ၶမ်ႈ ၶၢဝ်းၶိင်ႇၵိၼ်ၶဝ်ႈယဝ်ႉၼႆၵေႃႈ လူင်းၵၢၼ်မႃးယဝ်ႉ ႁဵတ်းၽၵ်းသေ ဢဝ်မိူဝ်းၵႂႃႇတၢင်းႁိူၼ်းဢေးသႅင်ၶဝ်ယူႇယဝ်ႉ။ “ၵဝ်ဝႃႈၵဝ်လူဝ်ႇဢဝ်ၶဝ်ႈၵဝ်မႃးပၼ်မႂ်းႁုင်လဵင်ႉဢဝ်ယူဝ်ႉၼႆႉ” “ၵဝ်ၵေႃႈၶႂ်ႈဝႃႈၸဵမ်လႂ်ယဝ်ႉၵွၼ်ႇ လၢႆလၢႆၶဝ်ႈမႂ်းဢမ်ႇယွမ်းထူင်ႁေပွၵ်ႈၵွၼ်ႇယူဝ်ႉၼႆႉ” “ၶႂ်ႈဝႃႈၵွၼ်ႇဢိူဝ်ႈ” “ၸွင်ႇမႂ်းႁူႉႁႃႉ သႅင်ႁွမ်ၼွင်ႉဢၢႆႈၶိူဝ်းၼၼ်ႉ မၢၼ်းလုၵ်ႈလၢႆပိူၼ်ႈဝႃႇ” “မၼ်းပႃးတွင်ႉဢိူဝ်ႈ ပဵၼ်ၽူႈယိင်းၼင်ႇၵၼ်ၵေႃႈ...

သႅင်ႁွမ်ဢဝ်မိုဝ်းလုပ်ႈတွင်ႉမၼ်းၼင်ႇလၢတ်ႈဢွၵ်ႇသူပ်းယၢပ်ႇၼႃႇၼၼ်ႉယဝ်ႉ ၵူမ်ႈၼႃႈတူၺ်းတွင်ႉဢွၼ်ႇမၼ်းၼၼ်ႉသေ “ဢေႃ..” ၼင်ႇဝႃႈႁူႉၶေႃႈတွပ်ႇယဝ်ႉၼၼ်ႉသေ သဵင်တီႈၼၼ်ႈၵေႃႈယဵၼ်လူင်ၵႂႃႇယဝ်ႉ။ “ပေႃးတီႈႁိူၼ်းႁူႉတႄႉ ၶဝ်တေဢဝ်ၶႃႈတၢႆတေႉဢိူဝ်ႈပီႈ ၶႃႈၵူဝ်တေႉယဝ်ႉ” မိူဝ်ႈၵူၼ်းဢၼ်ထိုင်ၶိင်ႇထိုင်ၶၢဝ်း တေတေႇၼႃႈႁိူၼ်းယဝ်ႉၼၼ်ႉ သမ်ႉဝူၼ်ႉၼမ်ၶမ်ၸႂ်ယူႇ၊ ၵူၺ်းၵႃႈ...

ထိုင်ၼင်ႇမိူဝ်ႈႁိုဝ်းမႃး ယၢမ်းၵၢင်ၶမ်ႈလပ်းၸမ်သိင်ႇ သဵင်ၵူၼ်းဢူၼ်မေႃးပၼ်းယူႇၼႃႈႁိူၼ်းဢေးလိုၼ်းၶဝ်ၼၼ်ႉလႄႈ မီးၸဵမ်လုၵ်ႈဢွၼ်ႇၵူၼ်းလူင် ဢူၼ်ဢၢၼ်သုၵ်ႉသၵ်ႉယူႇႁင်းၽႂ်ႁင်းမၼ်း။ ဢေးၼုမ်ႇၵေႃႈ ပႆမိူဝ်းၵႂႃႇဢဝ်တင်းငိုၼ်းၵဵၼ်ၵဵၼ်သေ ႁွႆႈမတ်ႉသႂ်ႇပၼ်တီႈၶႅၼ်လုၵ်ႈဢေးလိုၼ်း ဢၼ်တိုၵ်ႉလႆႈၶူပ်ႇၼိုင်ႈ...

တၢင်းႁၵ်ႉပဵၼ်ၸိူင်ႉႁိုဝ် တၢင်းႁၵ်ႉမိူၼ်ႁိုဝ်ဝႆႉ တၢင်းႁၵ်ႉမၼ်းလီတေႉႁႃႉ “တၢင်းႁၵ်ႉ” ၵွပ်ႈသင်လႄႈၽႂ်ၽႂ်ၵေႃႈလၢတ်ႈထိုင်မၼ်း ၵွပ်ႈသင်လႄႈလၢတ်ႈပႃးၵဝ် “ဢေးၼုမ်ႇ...မႂ်းဢမ်ႇဢၢၼ်းဝႆႉၸူႉမီးၵေႃႉႁၵ်ႉၸိူင်ႉပိူၼ်ႈၽွင်ႈၼႄႇ” “ၵဝ်ဢမ်ႇမေႃဝႆႉၼေႈမႂ်း...” “တေႁႂ်ႈလႆႈသွၼ်ၵွၼ်ႇႁလွင်ႈၸိူင်ႉၼႆၵေႃႈ” “ပိူၼ်ႈမီးတီႈႁဵၼ်းမၼ်းသေႁမႂ်းဝႃႈ ႁူင်းႁဵၼ်းသွၼ်တၢင်းႁၵ်ႉၼႆ” ဢူၺ်းၵေႃႉမၼ်းဢေးသႅင်ပေႃးဢမ်ႇၶႂ်ႈမေႃလၢတ်ႈၸွမ်းယဝ်ႉ “မႂ်းယၢမ်ႈႁၼ်ယူႇႁ” “ဢမ်ႇယၢမ်ႈ...” “ၽႂ်ဢမ်ႇယၢမ်ႈၶိုၼ်ႈလေႃႇ ၵူၺ်းၵႃႈပိူၼ်ႈၵေႃႈဢွၼ်ၵၼ်မီးမူတ်းဢိူဝ်ႈ ၵိုတ်းမႂ်းၵူၺ်းယဝ်ႉ” “ယႃႇဝႃႈၼၼ်လေႃႇ ၵဝ်ဢမ်ႇလႆႈၸႂ်တႅၵ်ႈၼိူင်းတင်းပိူၼ်ႈဢႄႈ...” “မႂ်းသမ်ႉတေႁဵတ်းႁိုဝ်လႃႇ ၵိုတ်းမႂ်းၵူၺ်းဢိူဝ်ႈမိူဝ်ႈလဵဝ်ၼႆႉ ဢူၺ်းၵေႃႉၵေႃႈတေဢမ်ႉမီးယဝ်ႉ...

ႁဝ်းယၢမ်ႈၸုင်ယိပ်းမိုဝ်းပႆၸွမ်းၵၼ် ႁဝ်းယၢမ်ႈယုမ်ႉၸူးၵၼ်ၶွႆႈၼႂ်းၾၼ် ႁဝ်းယၢမ်ႈဢုပ်ႇလၢတ်ႈယဝ်ႉၵဝ်းၵၼ် ႁဝ်းယၢမ်ႈယူႇႁူမ်ႈၸမ်ဢိူမ်ႈၶၢင်း ၵူၺ်းၵႃႈ ဝၼ်းၼႆႉပဵၼ်ၾၼ်ၵူၺ်း သဵင်တဵတ်ႇယဵၼ် ၶၢဝ်းပိူၼ်ႈလပ်းမွႆႈၼွၼ်းဝၢၼ် ယုမ်ႉသႂ်တိုၵ်ႉႁဵတ်းၵၢၼ်ပွၵ်ႈထိုင်ႁွင်ႈ။ ၵူၺ်းၵႃႈ တီႈၼႂ်းႁွင်ႈၼၼ်ႉၵေႃႈ ပေႃးလပ်းသိင်ႇၽိတ်းၽိတ်း ဢမ်ႇမီးၾႆးထွင်ႇလႅင်း ဢမ်ႇမီးၵေႃႉတၵ်ႉထၢမ်လၢတ်ႈတေႃႇ...

ယွၼ်ႉႁဝ်းပဵၼ်ၵူၼ်းသိုဝ်ႈၼႃႇလႄႈဢမ်ႇႁူႉႁိုဝ် ၵွပ်ႈဢမ်ႇယၢမ်ႈဝႆႉၸူႉလႄႈဢမ်ႇပွင်ႇၸႂ်ႁိုဝ်။ မိူဝ်ႈပွၵ်ႈၼိုင်ႈ ၶိင်ႇၶၢဝ်းႁႅင်ႈ မွၵ်ႇၵေႃႇသွႆႈၵီႈလိူင်ႁၢင်ႈလီလဝ်း ၼူၵ်ႉဢွၼ်ႇႁွင်ႉၸိပ်ႉၸွပ်ႉ ၸွမ်းၵိင်ႇပၢႆၾူၺ်း လီယၵ်ႉလီတူၺ်း လိူၵ်ႈလိူၵ်ႈ ဢူၺ်းၵေႃႉသမ်ႉၸူဝ်းႁွင်ႉၵႂႃႇလႄႇၸွမ်းမၼ်းၼႂ်းဝဵင်း...