ႁႆႈဢွၼ်ႇႁဝ်း

ၶၢဝ်းၽူၼ်ၵေႃႈၸမ်ၸၢႆး ၼမ်ႉၼၢႆးဢွၼ်ႇၵေႃႈ ႁူင်ႈယွတ်ႇယွႆႉဢွႆမႃးလွႆးလွႆး တၢင်းၵတ်းလူင်မိူင်းၵူၼ်းၵေႃႈ ၵွႆႈယူႇၵွႆႈၸီႈၵတ်းမႃးတိၵ်းတိၵ်းယဝ်ႉ၊ တူၼ်ႈၶဝ်ႈလိူင်ၶွမ်ႈ မဵတ်ႉၶဝ်ႈဢွၼ်ႇၵေႃႈလိူင်ၸိူင်းငိူၼ်း ဢၢႆႁွမ်ၶဝ်ႈၼၼ်ႉၵေႃႈ ထၢၼ်ႈပေႃးႁွမ်ႁူၺ်းႁူၺ်း တူၺ်းၵႂႃႇတၢင်းလႂ်ၵေႃႈ ပေႉၵႅၼ်ႇမႃးၸိုၼ်ႈပၢင်ႇတႃ တၢင်းႁၢင်ႈလီဢွၼ်ႇထုင်ႉႁႆႈၶဝ်ႈႁဝ်း။

ယၵ်ႉယဵမ်ႈဢိမ်ႇယဝ်ႉ ၶဵဝ်းဢွၼ်ႇဢၼ်ၼဵပ်းယူႇၼႂ်းပႅမ်းၼၼ်ႉၵေႃႈ ပၢတ်ႇၵႂၢတ်ႇဢဝ်ၵေႃၶဝ်ႈ ၵမ်ယဝ်ႉၵမ်မတ်ႉတၢင်ႇသႂ်ႇတၢင်ႇသႂ်ႇၼိူဝ်တေႃၽိူင်း၊ တူၼ်ႈၶဝ်ႈၼႂ်းႁႆႈၼၼ်ႉၵေႃႈ ႁၢင်ႈပေႃးပၢတ်ႇၵဵင်ႈလိူမ်ႈလူင်ၵႂႃႇ ၵမ်းလွႆးလွႆးယဝ်ႉ၊ ၵေႃၶဝ်ႈတမ်းတၢင်ႇၼိူဝ်တေႃ ပဵၼ်တုမ်းပဵၼ်တၢမ်း ၶပ်ႉယႆၵၼ်တူဝ်ႈၸႅၼ်ႇႁႆႈယဝ်ႉ မဵတ်ႉၶဝ်ႈဢွၼ်ႇလိူင်လိူင်ၼၼ်ႉၵေႃႈ မၢၵ်ႇမိူဝ်ယူႇၼႂ်းသၢတ်ႇ ၽိူင်းလူင်ၼၼ်ႉၵေႃႈ ၵွင်သၢင်ႉၶိုၼ်ႈသၢင်ႉၶိုၼ်ႈ ၵွင်ၶဝ်ႈလူင်ၼၼ်ႉၵေႃႈ တိူဝ်းမႃးၼမ်မႃး သမ်ႉပေႃးတၼ်းၵႂႃႇမီးယူႇၼႂ်းထူင်ၸၢၼ်ႈယဝ်ႉၼႃႇ။ ဢဝ်ၶဝ်ႈသႂ်ႇထူင်တၢင်ႇၸႅၼ်ႇၶပ်ႉယႆသႂ်ႇၼိူဝ်ၵႃး တေႃႉတၢင်ႇမိူဝ်းၵႂႃႇတၢင်းႁိူၼ်းယဝ်ႉ။

ၵူၺ်းၵႃႈ ႁႆႈဢွၼ်ႇႁဝ်းတႄႉ ငဝ်ယဝ်ႉဢိူဝ်ႈ၊ ပိူၼ်ႈမိူဝ်းပႅတ်ႈမၼ်းၵႂႃႇ ၵိုတ်းၵႅၼ်ႇတေႃၽိူင်းဢွၼ်ႇ ပုတ်းပုတ်းပၢတ်းပၢတ်း ယူႇၸွမ်းပိုၼ်ႉလိၼ်မိူင်းၼၼ်ႉၵူၺ်းယဝ်ႉယိုင် မီးယူႇမၼ်းၵူၺ်း ဢမ်ႇမီးၵူၼ်းတူၺ်းၵူၼ်းလူယဝ်ႉ ငဝ်ယူႇႁိုဝ် ဢမ်ႇၼၼ်တေယဵၼ်ႁူယဵၼ်ၸႂ်ယူႇႁိုဝ် ဢမ်ႇမီးၽႂ်ႁူႉၸွမ်းယဝ်ႉ။

မၢႆတွင်း ၽွင်းၶၢဝ်းပၢတ်ႇၶဝ်ႈ

24/10/2023

တႅမ်ႈ − ငဝ်မွင်မိုတ်းမူဝ်း

ႁူမ်ႈငဝ်းမႅတ်ႉတႃႇ တွၼ်ႈသီႇ

ပႃႈသူၺ်ႇၼူႉၵေႃႈ ယိပ်းဢဝ်မၢၼ်ႇတႃမၼ်းမႃးတိုဝ်းသေဢၢၼ်ႇတူၺ်း လိၵ်ႈဢၼ်ၼွင်ႉၸၢႆးမၼ်းပၼ်မႃၼၼ်ႉယူႇ။ ထိုင် ပီႈၼၢင်းႁဝ်းၶႃႈ ပီႈၼၢင်းသူၺ်ႇၼူႉ မိူဝ်ႈလဵဝ်ပီႈၼၢင်း ႁဝ်းၸွင်ႇယူႇလီၵိၼ်ဝၢၼ်ယူႇၶႃႈႁိုဝ်ၼေႃ ႁဝ်းၶႃႈ တေႉ ယူႇလီၵိၼ်ဝၢၼ်ၵၼ်ယူႇၵူႈၵေႃႉၶႃႈ။ ၸႂ်ထိုင်ၵၼ်ယူႇၵေႃႈပႆႇ...

ႁူမ်ႈငဝ်းမႅတ်ႉတႃႇ တွၼ်ႈသၢမ်

ၸၢႆးသၢႆၶိူဝ်းၵေႃႈ လူင်းၵႃးမႃး သေယၵ်ႉတူၺ်းတူင်ႈၼႃးလႄႈ တၢင်းႁၢင်ႈလီဝဵင်းမိူင်းပၼ်ႇၼႆႉယူႇ။ ယၢမ်းၼၼ်ႉၸၢမ်ၶမ်းၸင်ႇဝႃႈ “မႃးလႄႈပီႈသၢႆၶိူဝ်း ႁဝ်းထွတ်ႇၶႅပ်းႁၢင်ႈၸွမ်းၵၼ် ဢေႃႈ..ၼႆႉမႃးၸၢမ် ၶမ်းတေသိုပ်ႇမိုတ်ႈပၼ် တႆးၵေႃႉၸၢမ်ၶမ်းၶႃႉၼႃႉ ၵေႃႉၼႆႉၸိုဝ်ႈႁွင်ႉ...

လွင်ႈမုင်ႈမွင်းဢၼ်ဢမ်ႇပဵၼ်မႃး

ဢမ်ႇမီးၽႂ်ႁဵတ်းႁၢႆႉႁဝ်းလႆႈတၢၼ်ႇလွင်ႈမုင်ႈမွင်းႁဝ်း ယိင်ႈႁဝ်းမုင်ႈမွင်းၼႃႇ မိူဝ်ႈလႂ်မၼ်းဢမ်ႇပဵၼ်မႃးၼင်ႇဢၼ်ဢၢင်ႈဢၢၼ်းဝႆႉ မၼ်းၵေႃႈတေႁဵတ်းႁၢႆႁဝ်း ဢၼ်ႁဝ်းလႆႈဢဝ်ၸႂ်သႂ်ႇမၼ်းၼႃႇၼၼ်ႉယဝ်ႉ။ လွင်ႈဢမ်ႇမိူၼ်ၸႂ်ၼၼ်ႉ မၼ်းမိူၼ်ပဵၼ်မၢၼ်ႇၸမ်ႈဢၼ်ၼႄပၼ်တူဝ်တႄႉႁဝ်းလႄႈတၢင်းၵူဝ်ဢၼ်ႁဝ်းမီး မၢင်ပွၵ်ႈႁဝ်းဢမ်ႇလႆႈတိူဝ်ႉၸႂ် ယွၼ်ႉလွင်ႈဢမ်ႇမိူၼ်    ၼင်ႇဢၼ်ဢၢင်ႈဢၢၼ်း...