ၽူႈယိင်းၼၼ်ႉ ဢမ်ႇၸႂ်ႈဝႃႈတေၵူဝ်လွင်ႈတုၵ်ႉၶ ၵူႈၵေႃႉ


ဢမ်ႇၵူဝ်ဝႃႈ ယူႇၸွမ်းၵူၼ်းၵေႃႉဢၼ်ဢမ်ႇမီးၸၢတ်ႈပၢၼ်တၢင်းၼႃႈ တွၼ်ႈတႃႇၶဝ်ၼၼ်ႉသမ်ႉဝႃႈ ပဵၼ်ႁိုဝ်ၵေႃႈၶဝ်တိုၼ်းတေယူႇ ၵွပ်ႈႁၵ်ႉ။

တေယုမ်ႇဝႃႈ လွင်ႈၸွႆႈၵၼ်ႁဵတ်းႁႂ်ႈၸၢတ်ႈပၢၼ်လီမႃးၼၼ်ႉ မၼ်းလီလိူဝ်ဢၼ်ဝႃႈမၢၵ်ႈမီးလီပဵၼ်ဝႆႉယူႇယဝ်ႉ။

လွင်ႈဢၼ်ၸုင်ယိပ်းမိုဝ်းဢဝ်ၶၢမ်ႈပူၼ်ႉလွင်ႈလီလွင်ႈၸႃႉၸွမ်းၵၼ်ၼၼ်ႉ မၼ်းလီလိူဝ်ပိူၼ်ႈယဝ်ႉ၊ ဢမ်ႇဝႃႈတုၵ်ႉႁိုဝ်သိူဝ်း သင်မီးၵူၼ်းၵေႃႉဢၼ်ႁၵ်ႉယူႇႁိမ်းၸမ်သေၵႂႃႇၸွမ်းၵၼ် ႁဵတ်းႁႂ်ႈႁူႉလႆႈဝႃႈ ဢမ်ႇလႆႈၶဵင်ႇတႃႉယူႇၵေႃႉလဵဝ်။

ၵေႃႉၵူႈၵၼ်ၼၼ်ႉ ႁူႉတေလႆႈဢဝ်ၶၢမ်ႈပူၼ်ႉလွင်ႈယၢပ်ႇၸွမ်းၵၼ်ယဝ်ႉ၊ ဢမ်ႇၸႂ်ႈယူႇၸွမ်းၵၼ်မိူဝ်ႈလီၵူၺ်း။

ဢၼ်ၽူႈယိင်းၵူဝ်လိူဝ်လွင်ႈတုၵ်ႉၶၵေႃႈ လွင်ႈဢၼ်ႁဵတ်းႁႂ်ႈႁူႉဝႃႈ ၶၢမ်ႇၸုၼ်ႉၵူႈလွင်ႈမႃးယူႇၸွမ်းသေ သမ်ႉလႆႈႁပ်ႉလွင်ႈဢမ်ႇလီ မိူၼ်ၼင်ႇ လွင်ႈႁဵတ်းႁႆၢႉပႆၢးၸႂ်ၵၼ်၊ လၢတ်ႈၸႃဢမ်ႇလီတေႃႇၵၼ်၊ ယႃႉလူႉလွင်ႈယုမ်ႇယမ်ၵၼ်၊ ၵဝ်းထႅင်ႈၵေႃႉမႂ်ႇ ႁဵတ်းႁႂ်ႈလႆႈတိူဝ်ႉၸႂ်ၸိူဝ်းၼႆႉ။

ၽူႈယိင်းၵူႈၵေႃႉၼၼ်ႉ ဢမ်ႇၸႂ်ႈဝႃႈၶႂ်ႈလႆႈငိုၼ်းၶမ်း ၶွင်မီးၵႃႈၶၼ်တီႈၵေႃႉၶဝ်ႁၵ်ႉလေႃႇ သင်ဢမ်ႇႁဵတ်းႁႆၢႉၸႂ်ၵၼ်ၵူၺ်းၵေႃႈလႆႈယဝ်ႉ။

ပိၼ်ႇ-ငဝ်မွင်မိုတ်းမူဝ်း

တိုၼ်ႇလႅင်း တွၼ်ႈသၢဝ်းၵဝ်ႈ

ၶမ်ႈၶိုၼ်းလိူၼ်လႅင်းလႅင်း သဵင်ၵွင်သဵင်မွင်းလင်မေႃးဢူၼ် သဵင်ႁုၼ်ႉသဵင်ႁွင်ႉသႅၼ်ႇမေႃး ပၼ်းယူႇၼႂ်းဝၢၼ်ႈၼၼ်ႉ လင်ႁွတ်ႈမိူဝ်းထိုင်တီႈပၢင်သဝ်းၶဝ်ၼၼ်ႉသေ ဢဝ်ၸႂ်ၵူၼ်းသိုၵ်းၶဝ် ၸႂ်ပေႃးဢမ်ႇၼိမ်သဝ်း တိုၼ်ႇတဵၼ်ႈၶႂ်ႈလူင်းလႄႇလဵၼ်ႈပွႆးၼႃႇယဝ်ႉ ၸင်ႇၸူဝ်းၵၼ်ၵႂႃႇယွၼ်းၶႂၢင်ႉတီႈ...

တိုၼ်ႇလႅင်း တွၼ်ႈသၢဝ်းပႅတ်ႇ

ၶမ်းႁွမ်ၵေႃႈ လႆႈဝႃႈသႂ်ႇၸႂ်တူၺ်းထိုင်ၼေႃႇမိူင်းမႃးလိူဝ်သေၵဝ်ႇယူႇယဝ်ႉ၊ ၼေႃႇမိူင်းၼၼ်ႉၵေႃႈ မိူၼ်တေၵျိူၵ်ႈၶမ်းႁွမ်မိူၼ်ၵၼ် ပေႃးဝၼ်းၶိုၼ်ႈႁူင်းႁဵၼ်းၼႆ တေႁဵတ်းၵေႃႉၶမ်းႁွမ်သေ ပေႃးဝၼ်းလိုဝ်ႈၵေႃႈ လႅင်းမိူင်းမႃးႁပ်ႉမၼ်းမိူဝ်းယဝ်ႉ။ ပေႃးဝႃႈၼေႃႇမိူင်းမႃးယူႇၸွမ်းၶမ်းႁွမ်ၼႆ လႅင်းမိူင်းၵေႃႈ...

သင်ဝႃႈ

သင်ဝႃႈႁဝ်းပဵၼ်ၵူၼ်းလီ ၵူၼ်းဢမ်ႇလီၵေႃႈတေဢမ်ႇၶႂ်ႈၶဝ်ႈၸမ် ယွၼ်ႉဢုပ်ႇၵၼ်ဢမ်ႇႁူႉလွင်ႈ။ သင်ႁဝ်းပဵၼ်ၵူၼ်းဢမ်ႇလီ ၵူၼ်းလီၵေႃႈတေဢမ်ႇၶႂ်ႈယူႇၸမ် သင်ယူႇၸွမ်းၵူၼ်းဢမ်ႇလီ မၼ်းၵေႃႈတေၸၼ်ဢဝ်ၸၢတ်ႈပၢၼ်ၵႂႃႇၸူးတီႈတႅမ်ႇၵူၺ်း။ သင်ႁဝ်းပဵၼ်ၵူၼ်းၸိူင်ႉႁိုဝ်ၵေႃႈလႆႈ လီ ဢမ်ႇလီ ၸၢတ်ႈပၢၼ်ၵေႃႈ...