မီးလွင်ႈယုမ်ႇယမ်ၼပ်ႉထိုဝ်ၵၼ် ယွမ်းႁပ်ႉလွင်ႈပႅၵ်ႇပိူင်ႈ ႁဵတ်းႁႂ်ႈယူႇႁူမ်ႈၵၼ်လႆႈလူမ်ၸႂ်။
ပၼ်ပိုၼ်ႉတီႈသုၼ်ႇတူဝ် ပၼ်ၶၢဝ်းယၢမ်းႁဵတ်းဢၼ်တူဝ်ၸဝ်ႈၵဝ်ႇၵျိူၵ်ႈၼၼ်ႉ ႁဵတ်းႁႂ်ႈလွင်ႈၸမ်ၸႂ်ၵႅၼ်ႇၶႅင်မႃးလႆႈ။
ယုမ်ႉမိူဝ်ႈယၢမ်းတုၵ်ႉ လွင်ႈသုၵ်ႉတေႁၢႆၵႂႃႇ မိူဝ်ႈႁဝ်းယုမ်ႉတေႃႇပၼ်ႁႃ။
ထွမ်ႇလိူဝ်သေလၢတ်ႈ ၵၢၼ်ထွမ်ႇၼၼ်ႉတေႁဵတ်းႁႂ်ႈႁဝ်းပွင်ႇၸႂ်ပိူၼ်ႈလႆႈၼမ်မႃး။
ႁဵတ်းသၢင်ႈၼႄ ၶေႃႈၵႂၢမ်းလၢတ်ႈဢမ်ႇလႆႈလမ်ႇလွင်ႈတၢၼ်ႇလွင်ႈႁဵတ်းသၢင်ႈဢၼ်တဵမ်ၸႂ်။
ဢမ်ႇမုင်ႈမွင်းၼမ်ပူၼ်ႉတီႈ ဝူၼ်ႉပဵၼ်ၽၢႆႇလီလႄႈ ပၼ်တိုဝ်ႉတၢင်းတေႃႇၵၼ်။
ထိင်းသိမ်းဝႆႉတူဝ်ၶွင်တူဝ်ၵဝ်ႇ ယႃႇလိုမ်းဝႃႈႁဝ်းပဵၼ်ၽႂ်ၼႂ်းလွင်ႈၸမ်ၸႂ်ႁဝ်းၼၼ်ႉ။
ပၼ်ၶၢဝ်းယၢမ်းႁႂ်ႈလွတ်ႈလႅဝ်း ၵူႈၵေႃႉၼၼ်ႉတိုၼ်းၶႂ်ႈမီးၶၢဝ်းယၢမ်းသုၼ်ႇတူဝ် တွၼ်ႈတႃႇထႅမ်ႁႅင်းပၼ်တူဝ်ၵဝ်ႇ။
ယွမ်းႁပ်ႉတီႈယူပ်ႈယွမ်း ၵူႈၵေႃႉတိုၼ်းႁဵတ်းၽိတ်းလႆႈလႄႈ ယွမ်းႁပ်ႉၵၼ်ႁႂ်ႈလႆႈ။
သိူဝ်းၸွမ်းၶၢဝ်းယၢမ်းဢၼ်မီးႁူမ်ႈၵၼ် သမ်ႉဝႃႈလွင်ႈတူင်ႉၼိုင်လဵၵ်ႉဢွၼ်ႇၵူၺ်းၵေႃႈ ႁႂ်ႈသၢင်ႈပၼ်လွင်ႈၸမ်ၸႂ်ဢၼ်လီလႆႈ။
ဢမ်ႇႁဵတ်းၸွမ်းလွင်ႈတူင်ႉၼိုင်ၶဝ် ပၼ်ပိုၼ်ႉတီႈလႄႈလွင်ႈဝႆႉဝၢင်းၸႂ်ၼႂ်းၵၢၼ်တႅပ်းတတ်း။
ၵမ်ႉထႅမ်မိူဝ်ႈၸမ်ပဵၼ် ယူႇႁိမ်းၶၢင်ႈသေတႃႉ ဢမ်ႇၶဝ်ႈၸွမ်းၸွႆႈၵူႈလွင်ႈ။
ပိုတ်ႇလၢတ်ႈတေႃႇၵၼ်သိုဝ်ႈယူဝ်း သၢင်ႈလွင်ႈပွင်ႇၸႂ်ပၼ်ၵၼ်။
ဢမ်ႇၸႂ်ႉႁႂ်ႈႁဵတ်းဢၼ်ၽႂ်ဢမ်ႇၶႂ်ႈႁဵတ်း ပၼ်ၶၢဝ်းယၢမ်းၶဝ်မိူဝ်ႈၶဝ်ၽွမ်ႉ။
ယွမ်းႁပ်ႉလွင်ႈဢမ်ႇမိူၼ်ၵၼ် လွင်ႈပႅၵ်ႇပိူင်ႈ ႁဵတ်းႁႂ်ႈၸၢတ်ႈပၢၼ်မီးလွင်ႈႁၢင်ႈလီမႃးထႅင်ႈ။
မေႃယွမ်းၼွမ်းမိူဝ်ႈႁဵတ်းၽိတ်း လွင်ႈမေႃယွမ်းၼွမ်းၼၼ်ႉတေၸွႆႈသၢင်ႈလွင်ႈသႂ်ႇၸႂ်ႁႂ်ႈလီမႃး။
ပၼ်ၶၢဝ်းယၢမ်းႁႂ်ႈလႆႈလိုဝ်ႈ ၵူႈၵေႃႉႁူႉတိုၼ်းမီးၶၢဝ်းယၢမ်းလိုဝ်ႈယူႇယဝ်ႉ။
ယႃႇႁိူဝ်ႉၸွမ်းလွင်ႈၸမ်ၸႂ်ၼၼ်ႉၼႃႇပူၼ်ႉ လွင်ႈၸမ်ၸႂ်လီၼၼ်ႉ ဢမ်ႇမီးဝၼ်းႁဵတ်းႁႂ်ႈႁဝ်းလႆႈႁိူဝ်ႉၸွမ်းယူႇယဝ်ႉ။
ပိၼ်ႇ-ငဝ်မွင်မိုတ်းမူဝ်း
