သင်ထူပ်းၺႃးၵူၼ်းတိုၵ်ႉမွင်ၸႂ်ယူႇ
ဢမ်ႇလၢတ်ႈဝႃႈ “သူတေလႆႈၵႅၼ်ႇၶႅင်ဢိူဝ်ႈ ၽႂ်ၵေႃႈမီးလွင်ႈဢမ်ႇလီၵၼ်ၵူႈၵေႃႉယဝ်ႉ”
သင်ၸၢမ်းလၢတ်ႈဝႃႈ“ႁဝ်းဢမ်ႇႁူႉသူလႆႈထူပ်းလွင်ႈသင်မႃးလၢႆလၢႆ သူပဵၼ်ယူႇယၢမ်းလဵဝ်ၼႆႉလႆႈၵေႃႈ ၶႅၼ်ႇၼႃႇယဝ်ႉဢိူဝ်ႈၼႃႈ”
သင်ထူပ်းၺႃးၵူၼ်းၵေႃႉဢၼ်ဝူၼ်ႉၽိတ်းယူႇ
ဢမ်ႇလၢတ်ႈဝႃႈ “လၢတ်ႈယဝ်ႉဝႃႈယႃႇႁဵတ်းၸိူင်ႉၼၼ်ၼႆ”
သင်လၢတ်ႈဝႃႈ “ၽႂ်ၵေႃႈယၢမ်ႈႁဵတ်းၽိတ်းၵၼ်ၵူႈၵေႃႉယဝ်ႉ ၵူၺ်းၵႃႈ လွင်ႈဢၼ်သူႁတ်းယွမ်းႁပ်ႉမၼ်းၼႆႉၵူၺ်းၵေႃႈ လႆႈဝႃႈသူပဵၼ်ၵူၼ်းမေႃဢဝ်ပုၼ်ႈၽွၼ်းယဝ်ႉ”
သင်ဝႃႈဢမ်ႇမီးႁႅင်းတေၶတ်းၸႂ်
ဢမ်ႇလၢတ်ႈဝႃႈ“ယႃႇယွမ်းၵၢၼ်ႉၼႃႈ မၼ်းၵေႃႈတေလီမႃးယူႇ”
ၸၢမ်းလၢတ်ႈဝႃႈ “ဢမ်ႇႁိပ်ႈႁႂ်ႈမၼ်းလီမႃးၵေႃႈလႆႈ သူယင်းတိုၵ်ႉယူႇ ယူႇတီႈၼႆႈၵူၺ်းၵေႃႈလႆႈယဝ်ႉဝႃႈ ႁဝ်းၵေႃႈတေယူႇတီႈၼႆႉ တေမီးယူႇႁိမ်းသူၵူၺ်း”
သင်ဝႃႈဢမ်ႇႁၼ်ၵႃႈၶၼ်တူဝ်ၵဝ်ႇၼႆ
ဢမ်ႇလၢတ်ႈဝႃႈ“ယႃႇဝူၼ်ႉၸိူင်ႉၼၼ်လႄႈ ဝူၼ်ႉၼမ်ၵႂႃႇႁႃႉ”
လၢတ်ႈဝႃႈ “မိူဝ်ႈလဵဝ်ၼႆႉ သူတေဢမ်ႇႁၼ်ဝႃႈတူဝ်ၵဝ်ႇမီးၵႃႈၶၼ် ၵူၺ်းၵႃႈ ႁဝ်းႁၼ်မၼ်းယူႇဢိူဝ်ႈ သူပဵၼ်တူဝ်သူယူႇၼႆႉၵူၺ်းၵေႃႈ မီးၵႃႈၶၼ်ၼႃႇယဝ်ႉၼႃႈ”
သင်ၶဝ်ၶႂ်ႈလၢတ်ႈၼႄယူႇၵူၺ်းၵႃႈဢမ်ႇႁတ်း
ဢမ်ႇလၢတ်ႈဝႃႈ “လွင်ႈမွၵ်ႈၼႆႉၵူၺ်း ယႃႇဝူၼ်ႉၼမ်လေႃႇ”
ၸၢမ်းလၢတ်ႈဝႃႈ “သင်ၶႂ်ႈလၢတ်ႈမိူဝ်ႈလႂ် ႁဝ်းမီးယူႇတီႈၼႆႈတႃႇသေႇ တေလၢတ်ႈ တေႁွင်ႉ တေယူႇယဵၼ်ယဵၼ်ၵေႃႈ သူႁဵတ်းလႆႈၵူႈလွင်ႈယဝ်ႉ”
သင်ၶဝ်ဝူၼ်ႉဝႃႈဢမ်ႇမီးၽႂ်ပွင်ႇၸႂ်
ဢမ်ႇလၢတ်ႈဝႃႈ “ႁဝ်းယၢမ်ႈထူပ်းလွင်ႈဢၼ်ၼႃႇလိူဝ်ၼႆႉၵွၼ်ႇယဝ်ႉ”
ၸၢမ်းလၢတ်ႈဝႃႈ “ႁဝ်းတေဢမ်ႇပွင်ႇၸႂ်တင်းမူတ်း ၵူၺ်းၵႃႈႁဝ်းယုမ်ႇဝႃႈ သူတေၸဵပ်းတေႉဢိူဝ်ႈ ၸူမ်းယဝ်ႉၼႃႈ…ဢၼ်ဝႆႉၸႂ်ႁဝ်းသေလၢတ်ႈၼႄႁဝ်း”
သင်ၶဝ်ၵုမ်ႇၼႄးတူဝ်ၵဝ်ႇယူႇ
ဢမ်ႇလၢတ်ႈဝႃႈ “ယႃႇဝူၼ်ႉၸိူင်ႉၼၼ်ယူႇယဝ်ႉ မၼ်းဢမ်ႇၸႂ်ႈတၢင်းၽိတ်းသူ”
ၸၢမ်းလၢတ်ႈဝႃႈ “ႁဝ်းဢမ်ႇၶႂ်ႈႁႂ်ႈသူမႅၵ်ႇႁပ်ႉဝႆႉၵေႃႉလဵဝ် သင်ႁိူဝ်ႉၵေႃႈ မႅင်ႇႁဝ်းမႃးၽွင်ႈၵေႃႈလႆႈယူႇၼႃႈ”
ၸၢမ်းဢဝ်ၵႂႃႇၸႂ်ႉတူၺ်းၶႃႈ သင်မီးၶေႃႈၵႂၢမ်းၸိူင်ႉႁိုဝ်ဢၼ်ၸႂ်ႉယဝ်ႉ ႁၼ်လွင်ႈတၢင်းမႃးၵေႃႈ လၢတ်ႈၼႄပၼ်ၵၼ်ၶႃႈၼေႃႈ
ပိၼ်ႇ – ငဝ်မွင်မိုတ်းမူဝ်း
