မၢင်ဝၼ်းၵေႃႈ တေမီး လွင်ႈလဵၵ်ႉလွင်ႈယႂ်ႇ လွင်ႈဢၼ်ႁဵတ်းႁႂ်ႈၸႂ်ပိူင်ႈငၢႆႈ မၢင်ပွၵ်ႈၵေႃႈလွင်ႈလုၵ်ႈ၊ မၢင်ပွၵ်ႈ လွင်ႈငိုၼ်း၊ လွင်ႈၼႂ်းႁိူၼ်း ၵဵပ်းႁွမ်တွမ်မႃးႁိုင် မိူၼ်မိူဝ်ႈၼႆႉတင်းဝၼ်း မႄႈတေလႆႈတႅပ်းတတ်းလၢႆလွင်ႈယဝ်ႉ။
တေလၢတ်ႈၼႄၽႂ်လီ ဢမ်ႇၼၼ် ၵဵပ်းဝႆႉၵူၺ်းႁိုဝ်၊
တေၸႂ်ယဵၼ်လီႁႃႉ ဢမ်ႇၼၼ်တေၵႅတ်ႇၶႄတူဝ်ၵဝ်ႇၵႂႃႇ။
တေၸွမ်းၸႂ်လုၵ်ႈဢိတ်ႉၼိုင်ႈႁႃႉ ဢမ်ႇၼၼ် တေတၢမ်းဝၢင်းႁႂ်ႈမီးပိူင်တႅတ်ႈတေႃးဝႆႉႁိုဝ်။
မၼ်းဢမ်ႇမီးလွၵ်းလၢႆးပိူင်တၢႆ ဢမ်ႇမီးၽႅၼ်ၵၢၼ်သင် ပေႃးတေႁဵတ်းၵမ်းလဵဝ်ၵေႃႈ ယုမ်ႉဝႆႉၼႆၵူၺ်း။
ယုမ်ႉႁႂ်ႈပေႃးႁၼ်ႁၢင်ႈလီယူႇတႃႇသေႇ သမ်ႉဝႃႈၼႂ်းၸႂ်ၼၼ်ႉ ၼၵ်းယူႇသေၵေႃႈယဝ်ႉ၊ သင်ဢမ်ႇသင် တၢင်းယုမ်ႉမႄႈၼၼ်ႉ မၼ်းၵေႃႈပဵၼ်ႁႅင်းႁႂ်ႈလုၵ်ႈဢုၼ်ႇၸႂ် ၸိုမ်းပၼ်ႁႂ်ႈလုၵ်ႈဢွၼ်ႇလႆႈႁပ်ႉႁူႉၵူႈဝၼ်းဝၼ်း လႄႈ ပဵၼ်ႁႅင်းၸႂ်ပၼ်တွၼ်ႈတႃႇမႄႈယဝ်ႉ။
မႄႈဢမ်ႇၸမ်ပဵၼ်တေလႆႈပဵၼ်ၵူၼ်းၶႅၼ်ႇၵူႈလွင်ႈၼႂ်းဝၼ်းလဵဝ် ဢမ်ႇၸမ်ပဵၼ်တေလႆႈတွပ်ႇၶေႃႈထၢမ်လုၵ်ႈလႆႈၵူႈၶေႃႈ ဢမ်ႇလူဝ်ႇလူမ်းလီယူႇၵူႈယၢမ်းၵေႃႈလႆႈ။
ၶတ်းၸႂ်ပွင်ႇၸႂ်တူဝ်ၵဝ်ႇ တူၺ်းၶူင်းၵၢင်ၼႆႉပႃးတၢင်းသၢႆတႃဢၼ်ဢူၼ်ႈၼူၼ်းသေ ယင်းတိုၵ်ႉယုမ်ႉလႆႈယူႇ သမ်ႉဝႃႈမၼ်းဢမ်ႇတဵမ်ထူၼ်ႈၵေႃႈယဝ်ႉ။
ၼၼ်ႉၵေႃႈပဵင်းပေႃးယဝ်ႉ တႃႇပဵၼ်မႄႈဢၼ်လီလိူဝ်ပိူၼ်ႈတွၼ်ႈတႃႇလုၵ်ႈ ၸွမ်းၼင်ႇမႄႈပဵၼ်ယူႇ။
ယွၼ်ႉမႄႈၵေႃႉၼႆႉဢမ်ႇလူဝ်ႇယုမ်ႉပၼ်ၵူၼ်းတၢင်းလူၵ်ႈၵေႃႈလႆႈ ယုမ်ႉပၼ်ႁႂ်ႈလုၵ်ႈဢုၼ်ႇၸႂ်ၵူၺ်းၵေႃႈပဵင်းပေႃးယဝ်ႉ။
ပိၼ်ႇ-ငဝ်မွင်မိုတ်းမူဝ်း
