ဝၼ်းၼိုင်ႈ ႁၢဝ်းတၢၵ်ႇၶူဝ်း ဢၼ်ပဵၼ်မႆႉၵူင်ႁဵတ်းဝႆႉၼၼ်ႉ ထၢမ်ပီႇ ဢၼ်ဢဝ်မႆႉၵူင်ႁဵတ်းဝႆႉမိူၼ်ၵၼ် ၼၼ်ႉ ၼင်ႇဢမ်ႇႁၢၼ်ႉၸႂ်သေဝႃႈ
“သူတင်းႁဝ်းၵေႃႈပဵၼ်မဵဝ်းမႆႉၵူင်မိူၼ်ၵၼ် လုၵ်ႉမႃးတီႈၼႂ်းထိူၼ်ႇၼိူဝ်လွႆမိူၼ်ၵၼ်၊ ယွၼ်ႉသင်ႁဝ်းသမ်ႉပဵၼ်ႁၢဝ်းတၢၵ်ႇၶူဝ်း ဢၼ်တေလႆႈႁူပ်ႉထူပ်းၽႃႈၽိုၼ်ယမ်း လႄႈ တၢၵ်ႇလႅတ်ႇတၢၵ်ႇၽူၼ်ယူႇၵူႈဝၼ်း၊ ၵႃႈတၢၵ်ႇၵူၺ်းၵေႃႈဢမ်ႇမီး ၵူၺ်းၵႃႈ သူသမ်ႉမီးၵႃႈၶၼ်ပဵၼ်ပၢၵ်ႇပဵၼ်ႁဵင်”
ပီႇတူၺ်းႁၢဝ်းတၢၵ်ႇၶူဝ်းၼၼ်ႉသေဝႃႈ
“ယွၼ်ႉသူတေႃႉတေႉထုၵ်ႇတႅပ်းၵူၺ်း ႁဝ်းၼၼ်ႉ ထုၵ်ႇတႅပ်းယဝ်ႉဢမ်ႇၵႃး ထုၵ်ႇတႅင်း၊ ထုၵ်ႇထူ ၊ ထုၵ်ႇဢုပ်ႉသႂ်ႇလၢႆးမၼ်းထႅင်ႈၼၼ်ႉၼႃႇ”
မိူဝ်ႈႁၢဝ်းတၢၵ်ႇၶူဝ်းလႆႈငိၼ်းၵေႃႈ ဢဝ်ၼိမ်ယဵၼ်ၵႂႃႇဢမ်ႇလၢတ်ႈသင်ထႅင်ႈ။
မိူဝ်ႈလႆႈႁၼ်ၽႂ်သေၵေႃႉ ဢၼ်ၶိုၼ်ႈယႂ်ႇယူႇၼၼ်ႉ ယႃႇလႆႈၶွႆၶဝ်ၼႃႇလႄႈ ယွၼ်ႉၶဝ်ၼၼ်ႉ လႆႈၽၢၼ်ႇလူမ်းၽၢၼ်ႇၼၢဝ်မႃးၼမ်လိူဝ်သေသူယဝ်ႉ။
ၸၢတ်ႈပၢၼ်ၵူၼ်းႁဝ်းၵေႃႈပဵၼ်ၸိူင်ႉၼၼ်ၵူၺ်း မိူဝ်ႈယဵၼ်ႉၶၢမ်ႇလႆႈ လွင်ႈတၢင်းယၢပ်ႇ၊ လႆႈႁၢပ်ႇၼႃႈတီႈၵၢၼ်ငၢၼ်း၊ သမ်ႉဝႃႈမၼ်းၼၵ်းၼႃၼႃႇၵေႃႈ ၸၢတ်ႈပၢၼ်ၼၼ်ႉၸင်ႇလႆႈမီးၵႃႈၶၼ်မႃးယဝ်ႉ။
ၵူၼ်းႁဝ်းၵိူတ်ႇမႃးမိူၼ်ၵၼ်ယဝ်ႉသေတႃႉ လွင်ႈဢၼ်လႆႈထူပ်းလွင်ႈလႆႈယူႇသဝ်းၼၼ်ႉမၼ်းၵေႃႈဢမ်ႇမိူၼ်ၵၼ်၊ မၢင်ၵေႃႉလႆႈယူႇတီႈဢၼ်လီ ၸၢတ်ႈပၢၼ်ၵေႃႈလီ မၢင်ၵေႃႉယူႇတီႈဢၼ်ဢမ်ႇလီ မိူဝ်ႈၵိူတ်ႇမိူဝ်ႈတၢႆ ဢမ်ႇမီးၽႂ်သူၼ်ၸႂ်ၵေႃႈမီးယဝ်ႉ။
ဢပုမ်ႇပွတ်းပွတ်းဢွၼ်ႇၵူၺ်းၵေႃႈ ပၼ်တွၼ်ႈသွၼ်လီယဝ်ႉ။
ပိၼ်ႇ – ငဝ်မွင်မိုတ်းမူဝ်း
