ႁဝ်းဢမ်ႇၸႂ်ႈၵူၼ်းၶႅၼ်ႇၼႃ ၵူၺ်းၵႃႈ မၼ်းၸမ်ပဵၼ်တေလႆႈႁဵတ်း ႁဝ်းဢူၼ်ႈဢွၼ်ႇဢမ်ႇလႆႈၼၼ်ႉယဝ်ႉ။
ႁဝ်းဢမ်ႇၶႂ်ႈပဵၼ်ၵူၼ်းၵေႃႉဢၼ်ၵႅၼ်ႇၶႅင်ယူႇတႃႇသေႇ ၵူၺ်းၵႃႈၶူင်းၵၢင်ၼႆႉၵေႃႈဢမ်ႇလႆႈၸႂ်လီတေႃႇႁဝ်းသေၵႃႈႁိုဝ်လူး။
ဢမ်ႇမီးပိုၼ်ႉတီႈႁႂ်ႈႁဝ်းၼင်ႈလႆႈၼိမ်ၼိမ်သေ ပႂ်ႉႁႂ်ႈပိူၼ်ႈမႃးၸွႆႈ၊ ဢမ်ႇမီးတွမ်ႇတႃႇႁႂ်ႈႁဝ်းလိုဝ်ႈသေထွႆဢွၵ်ႇမႃး လူၺ်ႈဢမ်ႇလႆႈမႅၵ်ႇႁပ်ႉသင်။
ႁဝ်းဢဝ်ၶၢမ်ႈပူၼ်ႉလွင်ႈဢၼ်ဢမ်ႇဝူၼ်ႉဝႃႈတေဢဝ်ပူၼ်ႉမၼ်းမႃးလႆႈ ထူပ်းပၼ်ႁႃဢၼ်ဢမ်ႇႁူႉဝႃႈတေလႆႈႁပ်ႉမိုဝ်းၸိူင်ႉႁိုဝ်၊ ၵူၺ်းၵႃႈ ႁဝ်းၵေႃႈယင်းတိုၵ်ႉယူႇလႆႈယူႇဢမ်ႇၸႂ်ႈႁိုဝ်လႃႇ။
ဢမ်ႇၸႂ်ႈယွၼ်ႉႁဝ်းၵတ်ႉၶႅၼ်ႇ ယွၼ်ႉႁဝ်းဢမ်ႇမီးတၢင်းလိူၵ်ႈထႅင်ႈတၢင်ႇတၢင်းၼၼ်ႉယဝ်ႉ။
ႁိူဝ်ႉတၢၼ်ႇႁိုဝ်ၵေႃႈႁူႉၵႃႈလႆႈသိုပ်ႇၵႂႃႇ လူမ်ႉလၢႆၵမ်းၵေႃႈၵႃႈတေလႆႈလုၵ်ႉမႃးၶိုၼ်း ယွၼ်ႉႁဝ်းတေဢူၼ်ႈဢွၼ်ႇဢမ်ႇလႆႈ။
မၢင်ပွၵ်ႈႁဝ်းၵေႃႈၶႂ်ႈလိုဝ်ႈ ၶႂ်ႈၵိုတ်းပႅတ်ႈသေ လၢတ်ႈဝႃႈဢမ်ႇလႆႈယဝ်ႉၼႆယူႇ။
ၵူၺ်းၵႃႈ ႁဝ်းဢမ်ႇမီးၶၢဝ်းယၢမ်း တွၼ်ႈတႃႇလွင်ႈၼၼ်ႉလႆႈလီ လွင်ႈလဵဝ်ဢၼ်ႁဵတ်းလႆႈၵေႃႈ ၵႃႈတေလႆႈသိုပ်ႇယဵၼ်ႉၵႂႃႇ ၶတ်းၸႂ်ႁႂ်ႈလီလိူဝ်ပိူၼ်ႈၼင်ႇၵႃႈဢၼ်ႁဝ်းႁဵတ်းလႆႈ ယွၼ်ႉပိူဝ်ႈ ဢမ်ႇမီးၽႂ်တေမႃးမႅၵ်ႇႁပ်ႉတႅၼ်းႁဝ်းလႆႈယူႇယဝ်ႉ။
ႁဝ်းဢမ်ႇၶႂ်ႈပဵၼ်ၵူၼ်းၵေႃႉဢၼ်ၵႅၼ်ႇၶႅင်လိူဝ်ပိူၼ်ႈ လိူဝ်သေဝႃႈၶႂ်ႈမီးဝၼ်းဢၼ်ဢမ်ႇလႆႈယဵၼ်ႉၵၼ်ႈႁႅင်းၼႃႇလႄႈ တေႃႇထိုင်ဝၼ်းၼၼ်ႉ တေလႆႈၵတ်ႉၶႅၼ်ႇသေႁဵတ်းႁႂ်ႈလႆႈ ယွၼ်ႉလွင်ႈၵႅၼ်ႇၶႅင်ၼၼ်ႉ မၼ်းလမ်ႇလွင်ႈတွၼ်ႈတႃႇႁဝ်းတေႉတေႉယဝ်ႉ။
ပိၼ်ႇ – ငဝ်မွင်မိုတ်းမူဝ်း
