ပွင်ႇလႅင်းထိုင်ၽူႈႁၵ်ႉလိၵ်ႈလၢႆးတႆး

မႂ်ႇသုင်ၶႃႈ

ယွၼ်းပွင်ႇလႅင်းထိုင် ၽူႈႁၵ်ႉလိၵ်ႈတႆးႁဝ်းၶဝ်တင်းသဵင်ႈ ၽူႈလႂ်ၽႂ်သူၼ်ၸႂ် ၶႂ်ႈယုၵ်ႉၸၼ်ႉလိၵ်ႈလၢႆးပၢႆးမွၼ်းတႆးႁဝ်း ၶိုၼ်ႈတၢင်ႇၼိူဝ် ဝႅပ်ႉသၢႆႉ tainovel.com ၼႆႉၼႆၵေႃႈ ယိၼ်းလီႁပ်ႉတွၼ်ႈယူႇဢေႃႈ။

ယူႇတီႈ TN ၸိူင်းတႆး ႁဝ်းၶႃႈသေ ၶႂ်ႈပွင်ႇလႅင်းထိုင် ၽူႈၵေႃႉဢၼ်ပႃးၸႂ်သူၼ်ၸႂ်တႅမ်ႈလိၵ်ႈတႆး ၸိူင်းတႆး၊ ပိုၼ်ႉႁူႉပၢႆးႁၼ်၊ ဝွၵ်း၊ ပွင်ႈၵႂၢမ်းပၢႆးမွၼ်း၊ လွၼ်ႉမွၼ်းၶိုၵ်ႉၶႅမ်ႉ ဢၼ်တေၸုင်ၸၼ်ပၼ်လိၵ်ႈလၢႆးတႆးႁဝ်း ႁႂ်ႈၶိုၼ်ႈယႂ်ႇၶိုပ်ႈၼႃႈလႆႈၼႆၼၼ်ႉ သင်သူၼ်ၸႂ် ၶႂ်ႈဢဝ်ပိုၼ်ႉႁူႉတၢင်းမေႃ ၼမ်ႉၵတ်ႉၸဝ်ႈၵဝ်ႇ ပိုတ်ႇပၼ်တိုဝ်ႉတၢင်း ႁႂ်ႈလိၵ်ႈတႆးႁဝ်းၵႂၢင်ႈၶႂၢင်လႆႈၼၼ်ႉၵေႃႈ ၽၢႆႇတၢင်းႁဝ်းၶႃႈ ယိၼ်းလီ ဢဝ်တၢင်ႇၶိုၼ်ႈပၼ်ၼိူဝ် ဝႅပ်ႉသၢႆႉ  tainovel.com ၼႆႉ ယူႇၶႃႈဢေႃႈ။

ၼင်ႇႁိုဝ်လိၵ်ႈတႆးႁဝ်း ပေႃးတေၵႂႃႇလႆႈၵႂၢင်ႈၶႂၢင်၊ ပေႃးတေႁႃလူဢၢၼ်ႇ လိၵ်ႈလၢႆးတႆးလႆႈငၢႆႈငၢႆႈ၊ ႁႃၶေႃႈမုၼ်း ပိုၼ်ႉႁူႉဢၼ်ပဵၼ်ၽၢႆႇတႆး ၼိူဝ်ဢွၼ်ႇလၢႆးလႆႈၼမ်ၼၼ်ႉ၊ ယူႇတီႈ TN ၸိူင်းတႆးႁဝ်းၶႃႈၵေႃႈ လႆႈၶတ်းၸႂ်ပွင်သၢင်ႈမႃးယူႇဢေႃႈ။ သမ်ႉဝႃႈတေပဵၼ်ဝႅပ်ႉသၢႆႉ ၵဵဝ်ႇၶွင်ႈတင်း “ၸိူင်းတႆး” ၼႆသေတႃႉၵေႃႈ ၽၵ်းပေႃးတေဢမ်ႇၸၢင် ႁႂ်ႈမီႇၵီးမၼ်းပေႃးတေမႃးထႅင်ႈဢရသႃႇၼမ်ႉဝၢၼ်မၼ်းၼၼ်ႉ ဢမ်ႇၵွမ်ႉၵႃး လူဢၢၼ်ႇလႆႈ“ၸိူင်း”မဵဝ်းလဵဝ်ၵူၺ်း  မီးၸဵမ် ပိုၼ်ႉႁူႉပၢႆးႁၼ်၊ လွၼ်ႉမွၼ်းၵႂၢမ်း၊ ပွင်ႈၵႂၢမ်း၊ ဝွၵ်း ၸိူဝ်းၼႆႉပႃး ယူႇယဝ်ႉ။

သင်ဝႃႈသူၼ်ၸႂ်ၶႂ်ႈဢဝ် ပိုၼ်ႉႁူႉပၢႆးႁၼ်၊ တၢင်းမေႃၼမ်ႉၵတ်ႉ ပိုၼ်ၽႄႈၼိူဝ် ဝႅပ်ႉသၢႆႉႁဝ်းၶႃႈၼႆၵေႃႈ ၵပ်းသိုပ်ႇမႃးလႆႈတၢင်း tainovel267gmail.com ဢမ်ႇၼၼ်ၵေႃႈ တူင်ႉတၵ်ႉၶဝ်ႈမႃးတၢင်းၶေႃႈၵႂၢမ်း Facebook Pag TN ၸိူင်းတႆး ၼႆႉလႆႈယူႇဢေႃႈ။

ၼပ်ႉယမ်ၽူႈႁၵ်ႉလိၵ်ႈလၢႆးတႆးႁဝ်းၶဝ်တင်းသဵင်ႈယူႇဢေႃႈ

TN ၸိူင်းတႆး

17 August 2023

ဢူၺ်းၵေႃႉလီ

ၵူၼ်းၵေႃႉဢၼ်ႁၼ်လွင်ႈလီလႄႈလွင်ႈဢမ်ႇလီႁဝ်း ၵူၺ်းၵႃႈၶဝ်ယင်းတိုၵ်ႉယူႇၸွမ်းႁဝ်းယူႇၼၼ်ႉ မၼ်းၵေႃႈပဵၼ်ဢူၺ်းၵေႃႉလီတေႉယဝ်ႉ။ တႃႇပဵၼ်ဢူၺ်းၵေႃႉတင်းၽႂ်သေၵေႃႉၵေႃႉ ၼႂ်းၶၢဝ်းယၢမ်းလီၼၼ်ႉ မၼ်းဢမ်ႇၸႂ်ႈလွင်ႈယၢပ်ႇ ၽႂ်ၵေႃႈ ယုမ်ႉၶူဝ်ၵႂႃႇၸွမ်းၵၼ်လႆႈ ၼႂ်းဝၼ်းဢၼ်ၵူႈလွင်ႈသိူဝ်းလႄႈလူမ်ၸႂ် ၽႂ်ၽႂ်ၵေႃႈ...

ၸၢတ်ႈပၢၼ်ၼၼ်ႉႁိုဝ်ငၢႆႈ

ႁဝ်းမီးတၢင်းသိူဝ်းလႆႈယူႇၼႃ လွင်ႈဢၼ်ႁဵတ်းႁႂ်ႈၸဵပ်းၼၼ်ႉ ဝႆႉပဵၼ်လွင်ႈၶဵင်ႇတႃႉတႃႇဢဝ်ၶၢမ်ႈပူၼ်ႉမၼ်းသေ တေႁဵတ်းႁႂ်ႈမေႃယဵၼ်ႉၵၼ်ႈမႃးထႅင်ႈၼၼ်ႉယဝ်ႉ။ ယႃႇၵုမ်ႇၸူမ်ယူႇၸွမ်းလွင်ႈၸိူဝ်းပူၼ်ႉမႃးထိုင်တီႈပေႃးဢမ်ႇမီးတၢင်းသိူဝ်းလႆႈလႄႈ ၸႂ်ႉၸၢတ်ႈပၢၼ်ယူႇၸွမ်းၶၢဝ်းယၢမ်းမိူဝ်ႈလဵဝ်ၼႆႉလႄႈ။ သင်တေႁၵ်ႉပိူၼ်ႈထိုင်တီႈပေႃးလိုမ်းတူဝ်ၵဝ်ႇၼႆ ႁၵ်ႉတူဝ်ၵဝ်ႇၼမ်ၼမ်လႄႈ သမ်ႉဝႃႈဢမ်ႇမီးၽႂ်ၵေႃႈ ႁဝ်းယင်းတိုၵ်ႉမီးတူဝ်ၵဝ်ႇယူႇလူး။ ၵူၼ်းဢမ်ႇလီၵေႃႈဝႄႈသေ သူၼ်ၸႂ်ၵူၼ်းဢၼ်သႂ်ႇၸႂ်မႆႈၸႂ်ႁဝ်းၼၼ်ႉၵူၺ်းၵေႃႈပဵင်းပေႃးယဝ်ႉ။ ၸူဝ်ႈဢသၢၵ်ႈႁဝ်းၼၼ်ႉႁူႉတိုၼ်းတေလႆႈထူပ်း လွင်ႈတုၵ်ႉၶလွင်ႈယၢပ်ႇၽိုတ်ႇ...

ႁိူဝ်ႉယဝ်ႉ

မိူဝ်ႈပဵၼ်လုၵ်ႈဢွၼ်ႇ ႁဝ်းႁိူဝ်ႉၸွမ်းလွင်ႈဢႅၼ်ႇလႅၼ်ႈၸွမ်းဢူၺ်းၵေႃႉ။ ၵေႃႉယႂ်ႇမႃးထႅင်ႈၵေႃႈ ႁိူဝ်ႉၸွမ်းၵၢၼ်လူလိၵ်ႈလႄႈၵၢၼ်တွပ်ႇလိၵ်ႈ။ ၵေႃႉယႂ်ႇမႃးထႅင်ႈၵေႃႈ ႁိူဝ်ႉၸွမ်းၼႃႈၵၢၼ်တႃငၢၼ်းၵူႈဝၼ်းဝၼ်း။ မိူဝ်ႈပဵၼ်ၵူၼ်းလူင်မႃးၵေႃႈ ႁိူဝ်ႉၸွမ်းၼႃႈတီႈပုၼ်ႈၽွၼ်း ။ ဢမ်ႇဝႃႈၸိူင်ႉႁိုဝ် ၸၢတ်ႈပၢၼ်ႁဝ်းၵေႃႈ ႁူႉၵႃႈတေႁိူဝ်ႉယူႇယဝ်ႉ ယူႇတီႈဝႃႈႁိူဝ်ႉၼမ်ႁိုဝ်ႁိူဝ်ႉဢေႇၼၼ်ႉၵူၺ်း။ ၵူၺ်းၵႃႈ...