ၵေႃႉယႂ်ႇယဝ်ႉ တေႁူႉဝႃႈ တၢင်းႁၵ်ႉၼၼ်ႉဢမ်ႇၸႂ်ႈလွင်ႈႁူဝ်ၸႂ် ၵူၺ်းၵႃႈမၼ်းပဵၼ်လွင်ႈ “ၸႂ်ယဵၼ်” လႄႈ “ပွင်ႇၸႂ်”။
ဢုပ်ႇၵုမ်ၵၼ်မိူဝ်ႈထူပ်းပၼ်ႁႃ ဢမ်ႇၸႂ်ႈႁၢႆၵႂႃႇသေႁဵတ်းႁႂ်ႈဝူၼ်ႉၼမ် ဢမ်ႇၼၼ် တၢင်ႇၾူတ်ႉႁဵတ်းၶိတ်ႈႁဵတ်းပၢႆႇၵၼ်။
ၵေႃႉယႂ်ႇယဝ်ႉ တေပွင်ႇၸႂ်ဝႃႈ ဢမ်ႇၸႂ်ႈၵူႈဝၼ်းတေဝၢၼ် ဢမ်ႇၸႂ်ႈၵူႈၶိုၼ်းတေလၢတ်ႈဝႃႈႁၵ်ႉ ၵူၺ်းၵႃႈ ၶေႃႈၵႂၢမ်းထၢမ်ဝႃႈ “ထိုင်ႁိူၼ်းယဝ်ႉႁႃႉ” ၵၢၼ်ယိုၼ်ႈမိုဝ်းပၼ်မိူဝ်ႈႁိူဝ်ႉမွႆႈယူႇၼၼ်ႉ မၼ်းဢုၼ်ႇၸႂ်လိူဝ်သေၶွင်တွၼ်ႈဢၼ်ၵႃႈၶၼ်ယႂ်ႇၼၼ်ႉလူးၵွၼ်ႇ။
တၢင်းႁၵ်ႉၵူၼ်းလူင်ၼၼ်ႉ ဢမ်ႇလူဝ်ႇလႆႈႁိပ်ႈ ဢမ်ႇလူဝ်ႇဢဝ်ဢွင်ႇပေႉ ဢမ်ႇၸမ်ပဵၼ်တေလႆႈၼပ်ႉသွၼ်ႇၵၼ်ၵူႈဝၼ်း။
ၵူၺ်းၵႃႈ လိူၵ်ႈယူႇၸွမ်းၵၼ် ၼႂ်းဝၼ်းဢၼ်ဢမ်ႇၶႂ်ႈယူႇ ၼႂ်းဝၼ်းဢၼ်ဢမ်ႇလီယူႇ။
ဢမ်ႇၸႂ်ႈၵေႃႉႁၵ်ႉၵူၺ်း ၵူၺ်းၵႃႈ ပဵၼ်ၵေႃႉႁူမ်ႈၸၢတ်ႈပၢၼ် ဢၼ်ယူႇၸွမ်းယဝ်ႉဢမ်ႇလူဝ်ႇလႆႈၶတ်းၸႂ် ဢမ်ႇႁၢႆၵႂႃႇမိူဝ်ႈႁဝ်းယူႇတီႈဢၼ်ဢမ်ႇလီ မိူဝ်ႈႁဝ်းပဵၼ်တူဝ်ၶွင်တူဝ်ႁဝ်း။
မၼ်းဢမ်ႇလူဝ်ႇလႆႈ ရူဝ်းမႅၼ်းတိၵ်ႇ ၵူႈဝၼ်း ၵူၺ်းၵႃႈ ယူႇၸွမ်းၵၼ်ယဝ်ႉ ၸၢတ်ႈပၢၼ်ႁဝ်းမၼ်းဢမ်ႇလႆႈႁိူဝ်ႉမႃး ၼႆၼၼ်ႉၵူၺ်း။
ပိၼ်ႇ – ငဝ်မွင်မိုတ်းမူဝ်း
