လွင်ႈဢမ်ႇမိူၼ်ၸႂ်ၼၼ်ႉ မၼ်းသွၼ်ႁႂ်ႈႁဝ်း လႆႈႁဵၼ်းႁူႉမၼ်းယဝ်ႉ
ဢမ်ႇမီးသင်ႁဵတ်းႁႆၢႉႁဝ်းလႆႈပဵင်း ဢၼ်မုင်ႈမွင်းတူဝ်ၵဝ်ႇၼႃႇပူၼ်ႉတီႈ ယိင်ႈၶႂ်ႈလႆႈၶႂ်ႈပဵၼ်ၼမ် ယိင်ႈႁဵတ်းႁႂ်ႈတုၵ်ႉၸႂ်ၼမ် ဢၼ်ႁဵတ်းႁႆၢႉႁဝ်းၼႃႇၼၼ်ႉ ပဵၼ်လွင်ႈဢၼ်ဢဝ်ၸႂ်ပၵ်းၸွမ်းမၼ်းၼမ်ၼႃႇပူၼ်ႉၼၼ်ႉၵူၺ်း။
လွင်ႈဢမ်ႇမိူၼ်ၸႂ်ၼၼ်ႉ မၼ်းၼႄပၼ်လွင်ႈပဵၼ်တေႉႁဝ်းယဝ်ႉ ၼႄပၼ်တၢင်းၵူဝ်ဢၼ်မီးယူႇ၊ မၢင်ပွၵ်ႈႁဝ်းဢမ်ႇလႆႈတိူဝ်ႉၸႂ်ယွၼ်ႉလွင်ႈဢမ်ႇပဵၼ်ၼင်ႇၸႂ် ၵူၺ်းၵႃႈ မၼ်းၵႂႃႇမႅၼ်ႈသႂ်ႇဝႃႈ “ႁဝ်းပႆႇလီပဵင်းပေႃး” ၼႆယဝ်ႉ။
ၶူင်းၵၢင်ၼႆႉဢမ်ႇလႆႈမီးလွင်ႈၽဵင်ႇပဵင်းသေၵႃႈႁိုဝ် ၵူႈၵေႃႉၵေႃႈဢမ်ႇလႆႈႁၼ်ၵႃႈၶၼ်ၵူၼ်းမိူၼ်ၵၼ် ဢမ်ႇပဵၼ်မႃးၼင်ႇၸႂ်ၵေႃႈ မေႃဝႆႉၵႃႈၶၼ်တူဝ်ၵဝ်ႇသေလႄႈ။
ၵႆႉၵႆႉမီးလွင်ႈဢမ်ႇမိူၼ်ၸႂ်ၼမ်မႃးၵေႃႈ တေမေႃပွင်ႇၸႂ်ၶေႃႈၵႂၢမ်းဝႃႈ “ဢမ်ႇပဵၼ်သင်” ၼမ်မႃး လုၵ်ႉတီႈၵႂၢမ်းပၼ်ႁႅင်းၸႂ်သေ တေပဵၼ်ၽႃၵၼ်ႈႁႄႉၸႂ်ဝႆႉ မိူဝ်ႈၶၢဝ်းယၢမ်းႁိုင်မႃး မၼ်းတေၵႅၼ်ႇၶႅင်မႃး။
လွင်ႈဢမ်ႇမိူၼ်ၸႂ်မၢင်လွင်ႈ ဢမ်ႇလႆႈမႃးႁဵတ်းႁႆၢႉႁဝ်း ၵူၺ်းၵႃႈတေၸွႆႈဢဝ်ႁဝ်းၽၢတ်ႇဢွၵ်ႇတီႈဢၼ်ဝႃႈ ဢမ်ႇၸႂ်ႈ၊ မိူဝ်ႈတေႇတႄႉမိူၼ်တေသုတ်းသဵင်ႈယဝ်ႉ ၵူၺ်းတေပဵၼ်တီႈၶိုၼ်းတႄႇမႂ်ႇဢၼ်လီလိူဝ်ၵဝ်ႇၵေႃႈပဵၼ်လႆႈ။
ၽဵင်းၵႂၢမ်းႁူဝ်ၼိုင်ႈ မၼ်းလၢတ်ႈဝႃႈ
သင်ဢမ်ႇပႂ်ႉၵေႃႈ တေဢမ်ႇႁိုင်၊
သင်ဢမ်ႇတွင်းၵေႃႈ တေဢမ်ႇမီးသင်ႁႆၢ၊
သင်ဢမ်ႇၵႂႃႇ ၶၢဝ်းတၢင်းၵေႃႈတေဢမ်ႇၵႆ၊
သင်ဢမ်ႇၵဵပ်းဝႆႉ ဢမ်ႇမီးသင်လႆႈသုမ်းၵႂႃႇ၊
သင်ဢမ်ႇၶႂ်ႈလႆႈၶႂ်ႈပဵၼ်ၵေႃႈ တေဢမ်ႇမီး လွင်ႈဢမ်ႇမိူၼ်ၸႂ်။
ပိၼ်ႇ-ငဝ်မွင်မိုတ်းမူဝ်း
