ႁႂ်ႈလႆႈပဵၼ်ၵူၼ်းႁတ်းတေႇမႂ်ႇလႆႈတႃႇသေႇ

သဵၼ်ႈတၢင်းၸၢတ်ႈပၢၼ်ႁဝ်းၼၼ်ႉ ဢမ်ႇၸႂ်ႈဝႃႈၵူႈယၢင်ႈယၢင်ႈတေၶိူင်ႇၶမ်ႉၼႃႇ ဢၼ်ႁဝ်းလိူၵ်ႈၼၼ်ႉဢမ်ႇၸႂ်ႈဝႃႈတေထုၵ်ႇတႃႇသေႇလႄႈ ဢမ်ႇၸႂ်ႈၵူႈဝၼ်းဝၼ်းတေပဵၼ်ဝၼ်းလီလႆႈ။

မၢင်ပွၵ်ႈၸၢင်ႈႁဵတ်းၽိတ်းယဝ်ႉ မၢင်ပွၵ်ႈၸၢင်ႈၽိတ်းပိူင်ႈမႃး လႄႈ မၢင်ပွၵ်ႈ ႁဝ်းတေၸၢင်ႈပဵၼ်ဝႃႈ ႁဝ်းဢမ်ႇၵိုတ်းလိူဝ်သင်။

ၵူၺ်းၵႃႈ ဢမ်ႇဝႃႈႁဝ်းတေလႆႈထူပ်းလွင်ႈသင်မႃး ယွၼ်းႁႂ်ႈပဵၼ်ၵူၼ်းၵေႃႉဢၼ်တႄႇမႂ်ႇလႆႈတႃႇသေႇ တႄႇတီႈဢၼ်လဵၵ်ႉလဵၵ်ႉ တႄႇတီႈဢၼ်ၵိုတ်းသုၼ်ဢမ်ႇမီးသင်ၼၼ်ႉလႄႈ။

ဢမ်ႇလူဝ်ႇႁိပ်ႈၵႂႃႇႁႂ်ႈထိုင်ယိူင်းမၢႆယႂ်ႇၼႃႇ မိူဝ်ႈဝၼ်းဢၼ်ဢမ်ႇပဵၼ်လႆႈယဝ်ႉၼၼ်ႉၼႆၵေႃႈ ႁႂ်ႈလုၵ်ႉၶိုၼ်ႈမႃးလႆႈၵေႃႈပေႃးယဝ်ႉ၊ ၵၢၼ်တႄႇမႂ်ႇၼၼ်ႉဢမ်ႇလႆႈပွင်ႇဝႃႈတူၵ်းသုမ်း မၼ်းပဵၼ်ၵၢၼ်ယွမ်းႁပ်ႉဝႃႈ ႁဝ်းယင်းတိုၵ်ႉလဵပ်ႈႁဵၼ်းယူႇ။

ၵၢၼ်လဵပ်ႈႁဵၼ်းၼၼ်ႉဢမ်ႇမီးဝႃႈတူၵ်းလိုၼ်း။

ယႃႇၵူဝ်တႃႇလႅၵ်ႈလၢႆႈ ယႃႇၵူဝ်တေပွႆႇမၢင်လွင်ႈၵႂႃႇ ယႃႇၵူဝ်တေႁၵ်ႉတူဝ်ၵဝ်ႇၼမ်မႃး ယႃႇၵူဝ်တေၸႂ်ႉၸၢတ်ႈပၢၼ်ဢၼ်ဢမ်ႇမိူၼ်ၽႂ်။

ဢမ်ႇဝႃႈမိူဝ်ႈလႂ်ႁဝ်းတႄႇမႂ်ႇ ႁဝ်းၵေႃႈယင်းတိုၵ်ႉပၼ်တိုဝ်ႉတၢင်းပုၼ်ႈတႃႇတူဝ်ၵဝ်ႇထႅင်ႈ တႃႇႁႂ်ႈၵႂႃႇတၢင်းၼႃႈ ပဵၼ်ၵူၼ်းဢၼ်ပွင်ႇၸႂ်တူဝ်ၵဝ်ႇၼမ်မႃးလႄႈ ႁၵ်ႉတူဝ်ၵဝ်ႇဢၼ်ၸဝ်ႈၵဝ်ႇပဵၼ်ယူႇ။

ဢမ်ႇဝႃႈမိူဝ်ႈပူၼ်ႉမႃး တေထူပ်းလွင်ႈသင်ၵေႃႈယဝ်ႉ ယွၼ်းႁႂ်ႈတွင်းဝႆႉဝႃႈ သူယင်းတိုၵ်ႉတႄႇမႂ်ႇလႆႈတႃႇသေႇလႄႈ ပွၵ်ႈၵမ်းမႂ်ႇၵေႃႈ တေၸၢင်ႈပဵၼ်ၵမ်းဢၼ်ႁၢင်ႈလီလိူဝ်ပိူၼ်ႈၼႂ်းၸၢတ်ႈပၢၼ်ၵေႃႈပဵၼ်လႆႈ။

ပိၼ်ႇ-ငဝ်မွင်မိုတ်းမူဝ်း

ၵႂၢမ်းလႅၼ်ၽၢင်း

သိုဝ်ႉၵိၼ်ဢမ်ႇမူတ်း ၵူတ်ႉၵိၼ်ဢမ်ႇႁိုင် မိူဝ်ႈထိုင်ၶၢဝ်းယၢမ်း မၼ်းတေၼႄဢွၵ်ႇမႃးၵူၺ်း ၽႂ်ထုၵ်ႇလီလႆႈႁပ်ႉလွင်ႈယုမ်ႇယမ်။ ၵႂၢမ်းလႅၼ်ၽၢင်းၼၼ်ႉ မၼ်းတုမ်ႉတိူဝ်ႉလႆႈၶၢဝ်းယၢဝ်းယဝ်ႉ သမ်ႉဝႃႈဝၼ်းၼိုင်ႈ ၶႂ်ႈလၢတ်ႈလွင်ႈတေႉယူႇၵေႃႈ ဢမ်ႇမီးၼမ်ႉၼၵ်းႁႂ်ႈပိူၼ်ႈပေႃးယုမ်ႇၸႂ်လႆႈ။ ၵႂၢမ်းယွၵ်ႇလႅၼ်...

ၵႂၢမ်းလၢတ်ႈဢၼ်ႁဵတ်းႁႂ်ႈလီထွမ်ႇ

သင်ထူပ်းၺႃးၵူၼ်းတိုၵ်ႉမွင်ၸႂ်ယူႇ ဢမ်ႇလၢတ်ႈဝႃႈ “သူတေလႆႈၵႅၼ်ႇၶႅင်ဢိူဝ်ႈ ၽႂ်ၵေႃႈမီးလွင်ႈဢမ်ႇလီၵၼ်ၵူႈၵေႃႉယဝ်ႉ” သင်ၸၢမ်းလၢတ်ႈဝႃႈ“ႁဝ်းဢမ်ႇႁူႉသူလႆႈထူပ်းလွင်ႈသင်မႃးလၢႆလၢႆ သူပဵၼ်ယူႇယၢမ်းလဵဝ်ၼႆႉလႆႈၵေႃႈ ၶႅၼ်ႇၼႃႇယဝ်ႉဢိူဝ်ႈၼႃႈ” သင်ထူပ်းၺႃးၵူၼ်းၵေႃႉဢၼ်ဝူၼ်ႉၽိတ်းယူႇ ဢမ်ႇလၢတ်ႈဝႃႈ “လၢတ်ႈယဝ်ႉဝႃႈယႃႇႁဵတ်းၸိူင်ႉၼၼ်ၼႆ” သင်လၢတ်ႈဝႃႈ “ၽႂ်ၵေႃႈယၢမ်ႈႁဵတ်းၽိတ်းၵၼ်ၵူႈၵေႃႉယဝ်ႉ ၵူၺ်းၵႃႈ လွင်ႈဢၼ်သူႁတ်းယွမ်းႁပ်ႉမၼ်းၼႆႉၵူၺ်းၵေႃႈ...

ပၢႆးဝူၼ်ႉၵူၼ်းၶႂ်ႈၶိုၼ်ႈယႂ်ႇ

ပေႃးၶႂ်ႈႁႂ်ႈတူဝ်ၵဝ်ႇပဵၼ်ၵူၼ်းလီၼၼ်ႉ ဢမ်ႇလူဝ်ႇလႆႈပႂ်ႉႁႅင်းၸႂ်တီႈၽႂ်သေၸင်ႇတႄႇၵေႃႈလႆႈ ႁဝ်းၸၢင်ႈသၢင်ႈဢဝ်ႁင်းၵူၺ်းလႆႈ ယူႇတီႈတၢင်းဝူၼ်ႉႁဝ်းၵူၺ်း။ ယုမ်ႇယမ်ဝႃႈတူဝ်ၵဝ်ႇ မီးလွင်ႈၶိုပ်ႈၼႃႈလႆႈတႃႇသေႇ ဢမ်ႇဝူၼ်ႉဝႃႈတူဝ်ၵဝ်ႇဢမ်ႇၵတ်ႉၶႅၼ်ႇ မၼ်းယင်းပႆႇထိုင်ၶိင်ႇထိုင်ၶၢဝ်းမၼ်းၵူၺ်း ၵူၼ်းၶႅၼ်ႇၵေႃႈပဵၼ်ၵူၼ်းၵေႃႉဢၼ်ႁတ်းႁဵတ်းႁတ်းၸၢမ်း ဢမ်ႇၵူဝ်ဝႃႈတေၽိတ်း...