သဵင်ၾႃႉလင်ၵိုင်ႈၵၢင်ႈ လူမ်းထူဝ်းထွင်းၽတ်ႉ ၽင်ႈတူၽုၺ်ႇပဵၼ်ၵမ်းပဵၼ်ၵမ်း ၶႃႈယူႇႁင်းၵူၺ်းတူၺ်းၸိူင်းယူႇၼႂ်းႁွင်ႈ မိူၼ်ႁၢင်ႈဢမ်ႇသူၼ်ၽႂ် ယူႇယူႇၵတ်းလၢင်ႈမႃးပဵၼ်ၵမ်း သၢၼ်ႈမႃးပဵၼ်ၵမ်း ၶူၼ်တုမ်ႇၼိူဝ်ႉၵီႈမႃးပဵၼ်ၵမ်း၊ ၵွပ်ႈၽၵ်းတူၽူၺ်ႇလႄႈဝႃႈယူဝ်ႉ ၶႃႈၵေႃႈၵႂႃႇမႄးပိၵ်ႉဢိုတ်းသေ ၶိုၼ်းမႃးၼင်ႈတီႈၵဝ်ႇ ၾႆးၵိုင်ႉၵၢင်ႉမွတ်ႇ ၽႃႈၵင်ႈၽၵ်းတူၶုၼ်ႇပိဝ်တူင်ႉမႃး ၾႃႉလင်မႅပ်ႈတၢင်းၼွၵ်ႈၼိုင်ႈၵမ်း ၼႃႈယမ်းယမ်းၵူၼ်းၵေႃႈလူဝ်လူဝ် ဢဝ်ၾႆးၾူင်းပိုတ်ႇတူၺ်းဢမ်ႇလႆႈႁၼ်။
မိူၼ်ၾူၼ်တေထိပ်ႇၶဝ်ႈႁူးလႅင်း ၶႃႈၵႂႃႇပိၵ်ႉႁူးလႅင်းသေ ၾႃႉၶုၼ်ႇမႅပ်ႈလႅင်းထႅင်ႈ ၶႃႈသုတ်ႉၼႃႈႁၼ်ၸမ် ဢဝ်ၶႃႈသမ်ႉပေႃးၶမ်ယူႇႁဵတ်းၼၼ်တေႃႇၼႃႈၽၵ်းတူ တႃလိူၵ်ႇလိူၵ်ႇယုမ်ႉငႅၼ်ႈၶဵဝ်ႈ ၵွႆႈတူၺ်းၵွႆႈႁၼ်ၸမ် ၼႃႈၽိူၵ်ႇလိူတ်ႈလႅင်ၸမ်ႉႁူၺ်ႇတႃယမ်းယွႆႉယွတ်ႇလူင်းတီႈၵႅမ်ႈ ၶဵဝ်ႈမၼ်းၵေႃႈငႅၼ်ႈၶမ်ဝႆႉယူႇ သဵင်ၶူဝ်မၼ်းသမ်ႉမေႃးႁိုဝ်း..ႁိုဝ်ႊ…ႁီး..ႁီႊ…တင်းသဵင်ၾူၼ်သဵင်လူမ်းသေ ၶူၼ်တုမ်ႇၼိူဝ်ႉၵီႈဢမ်ႇၵႃး ၶူၼ်ႁူဝ်ၶႃႈတင်ႈမႃး ပဵၼ်ၾၼ်ႁႃႉၼႆၵေႃႈ တူဝ်ၶႃႈဢမ်ႇႁူႉၼိူဝ်ႉယဝ်ႉ။
သႅၼ်ငဝ်း
7.5.2026
