ၸၢတ်ႈပၢၼ်ႁဝ်းၼၼ်ႉ

ႁၢၼ်ႉၸႂ်ၸွမ်းလွင်ႈဢၼ်ႁဝ်းမီးလႄႈ မီးလွင်ႈသင်ၽွင်ႈဢၼ်ႁဵတ်းႁႂ်ႈႁဝ်းယုမ်ႉလႆႈယၢမ်းလဵဝ်ၼႆႉ ၸၢမ်းဝူၼ်ႉတူၺ်းလႄႈ။

ယွမ်းႁပ်ႉလွင်ႈဢမ်ႇတဵမ်ထူၼ်ႈသေ ဢမ်ႇမီးၽႂ်ဢၼ်တဵမ်ထူၼ်ႈၵူႈၸိူဝ်ႉၵူႈလွင်ႈ ႁဝ်းၵူႈၵေႃႉမီးတီႈလီလႄႈတီႈယူပ်ႈယွမ်းယဝ်ႉ။

ပွႆႇဝၢင်းလွင်ႈဢၼ်မုင်ႈမွင်းၼၼ်ႉၽွင်ႈ မုင်ႈမွင်းဢေႇၵေႃႈ ပၼ်ႁႃၼၼ်ႉတေဢေႇမႃးယဝ်ႉ။

ၸႂ်ႉၸၢတ်ႈပၢၼ်ငၢႆႈငၢႆႈ လူတ်းယွမ်းလွင်ႈဢမ်ႇၸမ်ပဵၼ် ၸၢတ်ႈပၢၼ်ၵေႃႈတေဢမ်ႇသုၵ်ႉသၵ်ႉယဝ်ႉ။

သၢင်ႈလွင်ႈၸမ်ၸႂ်လီ ဢူၺ်းၵေႃႉ ၵူၼ်းၼႂ်းၼႃႈႁိူၼ်း ပဵၼ်လွင်ႈဢၼ်လမ်ႇလွင်ႈလိူဝ်ပိူၼ်ႈယဝ်ႉ။

ႁဵတ်းလွင်ႈဢၼ်ႁဝ်းၵျိူၵ်ႈၼၼ်ႉ တေဢမ်ႇလႆႈလီၶၢၼ်ႉ။

တူၺ်းထိုင်ပၢႆးယူႇလီၸဝ်ႈၵဝ်ႇလီလီ ပေႃးတူဝ်ၶိင်းၵႅၼ်ႇၶႅင် ၸႂ်ႁဝ်းၵေႃႈၵႅၼ်ႇၶႅင်ယဝ်ႉ။

မေႃယိုၼ်ႈပၼ်လိူဝ်သေႁပ်ႉ လွင်ႈမေႃယိုၼ်ႈမႅင်ႇၼၼ်ႉႁဵတ်းႁႂ်ႈႁဝ်းမီးတၢင်းသိူဝ်းလႆႈယဝ်ႉ။

ယိၼ်းၸူမ်းၵူႈဝၼ်းၵူႈဝၼ်းဝႃႈ ႁဝ်းမီးသင်ဢၼ်လီလႆႈငိၼ်းၸူမ်းၸွမ်းမၼ်း။

တမ်းဝၢင်းယိူင်းမၢႆဢၼ်ႁဵတ်းလႆႈတေႉ ယႃႇႁႂ်ႈတူဝ်ၵဝ်ႇလႆႈတုၵ်ႉႁႅင်းၼႃႇပူၼ်ႉတီႈ။

လိုဝ်ႈႁိူဝ်ႉႁႂ်ႈပဵင်းပေႃး ၼွၼ်းၼမ်ၼမ်။

ႁဵတ်းၽိတ်းလႆႈၵေႃႈ ႁႂ်ႈမေႃဢဝ်တွၼ်ႈသွၼ်။

ယႃႇဢဝ်ၵႂႃႇတႅၵ်ႈၼိူင်းတင်းၽႂ် ၵူၼ်းၵူႈၵေႃႉၼၼ်ႉႁူႉတိုၼ်းမီးလွင်ႈပႅၵ်ႇပိူင်ႈၵၼ်ယူႇယဝ်ႉ။

ဝူၼ်ႉတူၺ်းႁၼ်လွင်ႈလီယူႇတႃႇသေႇလႄႈ ၸၢတ်ႈပၢၼ်ၵေႃႈတေၸိုၼ်ႈသႂ်မႃးယဝ်ႉ။

ၸႂ်ႉၶၢဝ်းယၢမ်းယူႇၸွမ်းသၽႃႇဝ သုတ်ႇလုမ်းၵတ်းလူမ်းယဵၼ်ပၼ်ၽွင်ႈ။

ႁဵၼ်းႁူႉလွင်ႈမႂ်ႇမႂ်ႇယူႇတႃႇသေႇ ၸၢတ်ႈပၢၼ်တေဢမ်ႇလႆႈလီဢိမ်ႇ။

ၸႂ်ႉၶၢဝ်းယၢမ်းၸွမ်းမိူဝ်ႈလဵဝ် ဢမ်ႇမႆႈၸႂ်ၸွမ်းလွင်ႈမိူဝ်းၼႃႈၼႃႇပူၼ်ႉတီႈ။

လွင်ႈလဵၵ်ႉလဵၵ်ႉဢွၼ်ႇၵူၺ်းၵေႃႈမီးတၢင်းသိူဝ်းၸွမ်းမၼ်းလႆႈ။

ပိၼ်ႇ-ငဝ်မွင်မိုတ်းမူဝ်း

ၵႂၢမ်းလႅၼ်ၽၢင်း

သိုဝ်ႉၵိၼ်ဢမ်ႇမူတ်း ၵူတ်ႉၵိၼ်ဢမ်ႇႁိုင် မိူဝ်ႈထိုင်ၶၢဝ်းယၢမ်း မၼ်းတေၼႄဢွၵ်ႇမႃးၵူၺ်း ၽႂ်ထုၵ်ႇလီလႆႈႁပ်ႉလွင်ႈယုမ်ႇယမ်။ ၵႂၢမ်းလႅၼ်ၽၢင်းၼၼ်ႉ မၼ်းတုမ်ႉတိူဝ်ႉလႆႈၶၢဝ်းယၢဝ်းယဝ်ႉ သမ်ႉဝႃႈဝၼ်းၼိုင်ႈ ၶႂ်ႈလၢတ်ႈလွင်ႈတေႉယူႇၵေႃႈ ဢမ်ႇမီးၼမ်ႉၼၵ်းႁႂ်ႈပိူၼ်ႈပေႃးယုမ်ႇၸႂ်လႆႈ။ ၵႂၢမ်းယွၵ်ႇလႅၼ်...

ၵႂၢမ်းလၢတ်ႈဢၼ်ႁဵတ်းႁႂ်ႈလီထွမ်ႇ

သင်ထူပ်းၺႃးၵူၼ်းတိုၵ်ႉမွင်ၸႂ်ယူႇ ဢမ်ႇလၢတ်ႈဝႃႈ “သူတေလႆႈၵႅၼ်ႇၶႅင်ဢိူဝ်ႈ ၽႂ်ၵေႃႈမီးလွင်ႈဢမ်ႇလီၵၼ်ၵူႈၵေႃႉယဝ်ႉ” သင်ၸၢမ်းလၢတ်ႈဝႃႈ“ႁဝ်းဢမ်ႇႁူႉသူလႆႈထူပ်းလွင်ႈသင်မႃးလၢႆလၢႆ သူပဵၼ်ယူႇယၢမ်းလဵဝ်ၼႆႉလႆႈၵေႃႈ ၶႅၼ်ႇၼႃႇယဝ်ႉဢိူဝ်ႈၼႃႈ” သင်ထူပ်းၺႃးၵူၼ်းၵေႃႉဢၼ်ဝူၼ်ႉၽိတ်းယူႇ ဢမ်ႇလၢတ်ႈဝႃႈ “လၢတ်ႈယဝ်ႉဝႃႈယႃႇႁဵတ်းၸိူင်ႉၼၼ်ၼႆ” သင်လၢတ်ႈဝႃႈ “ၽႂ်ၵေႃႈယၢမ်ႈႁဵတ်းၽိတ်းၵၼ်ၵူႈၵေႃႉယဝ်ႉ ၵူၺ်းၵႃႈ လွင်ႈဢၼ်သူႁတ်းယွမ်းႁပ်ႉမၼ်းၼႆႉၵူၺ်းၵေႃႈ...

ပၢႆးဝူၼ်ႉၵူၼ်းၶႂ်ႈၶိုၼ်ႈယႂ်ႇ

ပေႃးၶႂ်ႈႁႂ်ႈတူဝ်ၵဝ်ႇပဵၼ်ၵူၼ်းလီၼၼ်ႉ ဢမ်ႇလူဝ်ႇလႆႈပႂ်ႉႁႅင်းၸႂ်တီႈၽႂ်သေၸင်ႇတႄႇၵေႃႈလႆႈ ႁဝ်းၸၢင်ႈသၢင်ႈဢဝ်ႁင်းၵူၺ်းလႆႈ ယူႇတီႈတၢင်းဝူၼ်ႉႁဝ်းၵူၺ်း။ ယုမ်ႇယမ်ဝႃႈတူဝ်ၵဝ်ႇ မီးလွင်ႈၶိုပ်ႈၼႃႈလႆႈတႃႇသေႇ ဢမ်ႇဝူၼ်ႉဝႃႈတူဝ်ၵဝ်ႇဢမ်ႇၵတ်ႉၶႅၼ်ႇ မၼ်းယင်းပႆႇထိုင်ၶိင်ႇထိုင်ၶၢဝ်းမၼ်းၵူၺ်း ၵူၼ်းၶႅၼ်ႇၵေႃႈပဵၼ်ၵူၼ်းၵေႃႉဢၼ်ႁတ်းႁဵတ်းႁတ်းၸၢမ်း ဢမ်ႇၵူဝ်ဝႃႈတေၽိတ်း...