ၸၢတ်ႈပၢၼ်ႁဝ်း

ၶိင်ႇၶၢဝ်းမႂ်မႆႉလူၼ်ႇၽိူဝ် တီႈၼိူဝ်ၵွင်းသၼ်လွႆၼၼ်ႉၵေႃႈ ၽိူဝ်မႆႉပိဝ်ႁူင်ႈပေႃးမိူဝ် ဢၢႆမွၵ်ႇမႆႉႁွမ်တူဝ်ႈၸွမ်းလွႆပေႃးတဵမ်ၵႂႃႇသဵင်ႈ ၶိင်ႇၶၢဝ်းၵၢင်ဝၼ်းတဵင်ႈမႃးယဝ်ႉ ၸုမ်း ၼူၵ်ႉဢႅၼ်ႇၾႃႉ ၶဝ် ဢၼ်ဢွၵ်ႇၶၢဝ်းတၢင်းၵႂႃႇၼၼ်ႉ...

ၶမ်းႁွမ်ၵေႃႈမႃးယူႇႁိုင်ၼႃႇယဝ်ႉ ဢမ်ႇႁၼ်ဝႃႈ ပိူၼ်ႈတေႁဵတ်းပၢင်ၽိုၵ်းၽွၼ်ႉသေပွၵ်ႈလႄႈ  လႆႈႁဵတ်းၸွႆႈၵၢၼ်သႅင်ၽွင်းယူႇၵူႈဝၼ်းၵူၺ်း ထၢမ်တူၺ်းသႅင်ၽွင်းမိူဝ်ႈလႂ်ၵေႃႈ လၢတ်ႈဝႃႈ “ႁဵတ်းတႄႉႁဵတ်းယူႇ…ဢမ်ႇပႆႇလႆႈၶေႃႈတႅပ်းတတ်းဝႃႈတေပဵၼ်မိူဝ်ႈလႂ်…” ၼႆတႃႇသေႇ။ ဝၼ်းၼိုင်ႈၶမ်းႁွမ်ၵေႃႈ လႆႈၵႂႃႇထၢမ်တူၺ်းထႅင်ႈတၢင်ႇၵေႃႉလႄႈ လႆႈႁူႉလွင်ႈတၢင်းသေ...

ယၢမ်းႁူဝ်ၶမ်ႈ လူမ်းထွင်းယဵၼ်ယဵၼ်တွင်ႉၾႃႉၸိုၼ်ႈသႂ် ၶမ်းႁွမ်လႄႈသႅင်ၽွင်းၵေႃႈၸူဝ်းၵၼ်ဢွၵ်ႇႁႅင်းပႆလဵၼ်ႈၼႆယူႇ လုၵ်ႉတီႈႁူင်းႁဵၼ်းသေၶိုၼ်ႈလူင်မႃးတၢင်းဝၢၼ်ႈယဝ်ႉ သိုပ်ႇၵႂႃႇတၢင်းပၢင်ႇတီႈပိူၼ်ႈႁဵတ်းပွႆးၼၼ်ႉလႄႈ ဢမ်ႇမီးပွႆးယဝ်ႉ တီႈၼၼ်ႈၵေႃႈ ပဵၼ်ပၢင်ႇပဵင်းၵႂၢင်ႈ ႁႅင်ႈႁွင်ႁွင်ဝႆႉၵူၺ်း။...