ဢၼ်ပဵၼ်ယူႇ

ၸူမ်းယဝ်ႉၼႃႈၵူႈၵေႃႉ ဢၼ်ၶဝ်ႈမႃးၼႂ်းၸၢတ်ႈပၢၼ် ၵူၼ်းလီၼၼ်ႉ မႃးႁဵတ်းႁႂ်ႈႁဝ်း မီးတၢင်းသိူဝ်း ၵူၼ်းဢမ်ႇလီ မႃးႁဵတ်းႁႂ်ႈႁဝ်း မီးတူဝ်ထူပ်းမႃးထႅင်ႈ။ ၵူၼ်းလီလိူဝ်ပိူၼ်ႈၵေႃႈ မႃးသၢင်ႈလွင်ႈလီလီပၼ်ႁဝ်း ၵူၼ်းဢမ်ႇလီလိူဝ်ပိူၼ်ႈၵေႃႈ မႃးပၼ်တွၼ်ႈသွၼ်လီလီပၼ်ႁဝ်း။ ဢမ်ႇမီးၽႂ် ဢၼ်ႁဝ်းတေလႆႈၼႄးတၢင်းၽိတ်း...

မၢင်ပွၵ်ႈၸၢတ်ႈပၢၼ်ၼၼ်ႉ ဢမ်ႇႁဵတ်းႁႂ်ႈႁဝ်းလိူၵ်ႈလႆႈတႃႇသေႇ။ ႁဝ်းၵႃႈတေလႆႈႁဵတ်းၸွမ်းလွင်ႈဢၼ်ဢမ်ႇၸၢင်ႈငိူင်ႉဝႄႈလႆႈ။ တေလႆႈႁဵတ်းဢၼ်ႁဝ်းဢမ်ႇၵျိူၵ်ႈ တေလႆႈယဵၼ်ႉယူႇၸွမ်းမၼ်းႁႂ်ႈလႆႈၵူႈဝၼ်း။ လီၶၢၼ်ႉၼႃႇလီမိူဝ်ႇၼႃႇ ၵိၼ်းၸႂ်ၼႃႇၼႆၵေႃႈ ႁဝ်းၵေႃႈတေၵႃႈလႆႈဢဝ်ၶမ်ႈပူၼ်ႉမၼ်းႁႂ်ႈလႆႈ။ မိူဝ်ႈပၢႆႈဢမ်ႇပူၼ်ႉၵေႃႈ ႁူႉၵႃႈတေလႆႈဝႆႉၸႂ်ၵႅၼ်ႇၶႅင်သေႁူပ်ႉတေႃႇၼႃႈႁႂ်ႈလႆႈ။ မဵဝ်းဢၼ်လႅၵ်ႈလၢႆႈၵေႃႈလႅၵ်ႈလၢႆႈသေ လွင်ႈဢၼ်ဢမ်ႇၵႄႈၶႆလႆႈၵေႃႈ ပွႆႇဝၢင်းသေ။ ဢမ်ႇဝႃႈၸိူင်ႉႁိုဝ် ႁဵတ်းၸွမ်းပုၼ်ႈၽွၼ်းႁဝ်းႁႂ်ႈလီလိူဝ်ပိူၼ်ႈ။ ဢမ်ႇႁဵတ်းႁႂ်ႈတူဝ်ၵဝ်ႇတုၵ်ႉႁႅင်းၼႃႇ...

ပဵၼ်ၵေႃႉၵူႈၵၼ်ယဝ်ႉ တေယူႇလွတ်ႈၵႂႃႇလႆႈၼၼ်ႉ ဢမ်ႇလႆႈယူႇတီႈဝၼ်းလိူၼ်ပီဢၼ်ႁၵ်ႉၵၼ်မႃးႁိုင်။ ဢၼ်တေဢွၼ်ၵႂႃႇလွတ်ႈလႆႈယွၼ်ႉၶေႃႈၵႂၢမ်း “ယွမ်းၼွမ်း” ၼႆၵူၺ်းၼၼ်ႉ တေဢမ်ႇၸၢင်ႈလိုမ်းလႆႈဝႃႈ ၽႂ်ယၢမ်ႈႁဵတ်းၽိတ်းတေႃႇၵၼ်မႃး သင်ဢမ်ႇဝူၼ်ႉမႄးတၢင်းယၢမ်ႈ မၼ်းၵေႃႈမေႃသုတ်းသဵင်ႈၵႂႃႇလႆႈယဝ်ႉ။ ဢမ်ႇမီးၵူႈလႂ်ဢၼ်ဢမ်ႇလႆႈထူပ်း...