ဢသၢၵ်ႈယႂ်ႇယဝ်ႉႁိုဝ်

ဢႃႇယုဢသၢၵ်ႈယဵပ်ႇယၢင်ႈၶဝ်ႈၸူးတူဝ်သွင် ယဵပ်ႇထွင်ၸူးတူဝ်သၢမ်ၼမ်းၼႃႈ တေၸၢင်ႈမီးယူႇဝႃႈ

“ႁဵတ်းႁင်လႄႈၸၢတ်ႈပၢၼ်ႁဝ်းၼႆႉ ဢမ်ႇမီးသင်ၶိုပ်ႈၼႃႈၼေႃ”

“ဢူၺ်းၵေႃႉဢူၺ်းသႄႈ မီးၼႃႈႁေႃတေႃႁိူၼ်း မီးလုၵ်ႈမီးလၢင်းမူတ်းယဝ်ႉ ႁဝ်းသမ်ႉလူး”

“ငိုၼ်းလိူၼ်ဢွၼ်ႇမွၵ်ႈၼႆႉ ၸွင်ႇတေႁွမ်ဝႆႉသိုဝ်ႉလူတ်ႉသိုဝ်ႉၵႃး သိုဝ်ႉႁိူၼ်းသ်ုဝ်ႉယေးမိူၼ်ပိူၼ်ႈယူႇႁ”

“တေလႆၢႈၶႆၢႇၵၢၼ်မိူဝ်ႈလဵဝ်ၼႆႉ ၸွင်ႇတေၶိုတ်းပိူၼ်ႈယူႇႁိုဝ်”

ဝူၼ်ႉၼမ်ၵႂင်ၸႂ်မႃး ယိုင်ႈဝူၼ်ႉယိုင်ႈၶမ်ၸႂ် သေလႄႈ တေဢဝ်ၵႂႃႇၸူးလွင်ႈတုၵ်ႉၸႂ်မႃးယဝ်ႉ။

ၵူၺ်းၵႃႈ…ပေႃးမႃးဝူၼ်ႉတူၺ်းၶိုၼ်း
ၸဵမ်ဝၼ်းဢၼ်ႁဝ်းၵိူတ်ႇမႃးတေႃႇမႃးႁွတ်ႈပၢၼ်ၼႆႉ ႁဝ်းၵေႃႈလႅၵ်ႈလႆၢႈယႂ်ႇသုင်ႁူႉၸေးႁၼ်ၵႂၢင်ႈမႃးၵႃႈႁိုဝ်ယဝ်ႉ?

လုၵ်ႉတီႈလုၵ်ႈဢွၼ်ႇ
ယၢမ်ႈၵူဝ်လွင်ႈလပ်းသိင်ႇၼၼ်ႉသေ
မိူဝ်ႈၼႆႉၵေႃႈ လႆႈႁူပ်ႉၸူးလွင်ႈၶဵင်ႇတႃႉယူႇယဝ်ႉႁိုဝ်

လုၵ်ႉတီႈၵူၼ်းဢၼ်ယၢမ်ႈႁွင်ႉႁႆႈၸွမ်းလွင်ႈလဵၵ်ႉဢိတ်ႉဢွၼ်ႇၼၼ်ႉသေ ႁူႉမေႃပၼ်ႁႅင်းတူဝ်ၵဝ်ႇမႃး

လုၵ်ႉတီႈၵူၼ်းဢမ်ႇမေႃႈႁဵတ်းသင်ၼၼ်ႉသေ မိူဝ်ႈၼႆႉၵေႃႈမီးၼမ်ႉၵတ်ႉမေႃႁဵတ်းမေႃသၢင်ႈမႃး

ဢသၢၵ်ႈ သၢဝ်း သၢမ်သိပ်း ဢမ်ႇၸႂ်ႈဝႃႈသုတ်းတၢင်းယဝ်ႉ မၼ်းယင်းတိုၵ်ႉတႄႇမႂ်ႇလႆႈတႃႇသေႇ

မၢင်ၵေႃႉထူပ်းသဵၼ်ႈတၢင်းၸဝ်ႈၵဝ်ႇ ၸဵမ်မိူဝ်ႈယင်းၼုမ်ႇ၊ မၢင်ၵေႃႉၸၢင်ႈလႆႈၸႂ်ႉၶၢဝ်းယၢမ်းသွၵ်ႈႁႃႁိုင်ယူႇယဝ်ႉ

ဢမ်ႇမီးၽႂ်မၵ်းမၼ်ႈလႆႈဝႃႈ ၸၢတ်ႈပၢၼ်လီလီၼႆၼၼ်ႉ ပဵၼ်မဵဝ်းႁိုဝ်

ဢၼ်လမ်ႇလွင်ႈၼၼ်ႉတႄႉ မိူဝ်ႈၼႆႉ
ႁဝ်းႁဵတ်းသင်ယူႇ
ႁဝ်းသမ်ႉၵႂႃႇတၢင်းလႂ်ယူႇ
ႁဝ်းမီးတၢင်းသိူဝ်းၸွမ်းဢၼ်ႁဵတ်းၼႆႉယူႇႁ

ယႃႇပၼ်ႁႂ်ႈလွင်ႈဝူၼ်ႉၼမ်ၼၼ်ႉ မႃးပိၵ်ႉဢိုတ်းပႅတ်ႈတၢင်းသိူဝ်းဢၼ်ႁဝ်းမီးလႄႈ

ယႃႇဢဝ်တူဝ်ၵဝ်ႇၵႂႃႇတႅၵ်ႈၼိူင်းတင်းၽႂ်
ၵေႃႉၼိုင်ႈလႄႈၵေႃႉၼိုင်ႈၼၼ်ႉ ၸၢတ်ႈပၢၼ်ဢမ်ႇမိူၼ်ၵၼ်

မေႃႁၢၼ်ႉၸႂ်တူဝ်ၵဝ်ႇလႄႈ
ၵူႈယၢင်ႈယၢင်ႈၸိူဝ်းပူၼ်ႉမႃးလႄႈတၢင်းၼႃႈၼၼ်ႉ ယၢင်ႈၵႂႃႇႁႂ်ႈၵိုမ်းမၼ်ႈ ၸွမ်းသဵင်ႁူဝ်ၸႂ် ဢၼ်ၵႅၼ်ႇၶႅင်

ဢသၢၵ်ႈၼၼ်ႉ ပဵၼ်တူဝ်ၼပ်ႉၵူၺ်း
ၸၢတ်ႈပၢၼ်ႁဝ်းၼၼ်ႉ မီးလွင်ႈတေလႆႈလဵပ်ႈႁဵၼ်းတင်းၼမ်ယဝ်ႉ

ပိုတ်ႇၸႂ် ႁပ်ႉထွမ်ႇ ၸႂ်ႉၸၢတ်ႈပၢၼ်ပဵၼ်တူဝ်ၸဝ်ႈၵဝ်ႇၵူၺ်းၼၼ်ႉ ၸၢတ်ႈပၢၼ်ပဵၼ်ဢၼ်မီးၵႃႈၶၼ်မႃးယဝ်ႉ

ႁူႉဝႆႉဝႃႈ ဢမ်ႇလႆႈမီးယူႇၵေႃႉလဵဝ် ၼိူဝ်တၢင်းသဵၼ်ႈၼႆႉ မီးထႅင်ႈၵူၼ်းတင်းၼမ် ဢၼ်ထူပ်းလွင်ႈၶဵင်ႇတႃႉဢမ်ႇပိူင်ႈသင်ၵၼ်တင်းႁဝ်း

ယုမ်ႇယမ် တူဝ်ၵဝ်ႇသေ ဢဝ်ၶၢမ်ႈပၼ်ႉမၼ်းၵႂႃႇလႄႈ ၸႂ်ႉၸၢတ်ႈပၢၼ်ႁႂ်ႈတဵမ်တီႈလူး….

ပိၼ်ႇ-ငဝ်မွင်မိုတ်းမူဝ်း
01/02/2025

လွင်ႈၶီငဝ်…

လွင်ႈငဝ်ၼၼ်ႉပဵၼ်ပွတ်းဢွၼ်ႇတွၼ်ႈၼိုင်ႈၼႂ်းၸၢတ်ႈပၢၼ်ႁဝ်းယဝ်ႉ မၼ်းပဵၼ်လွင်ႈဢၼ်တေလႆႈႁူပ်ႉၺႃးမၼ်းလႄႈ မၢင်ပွၵ်ႈၸၢတ်ႈပၢၼ်ႁဝ်းၵေႃႈ ဢမ်ႇၸႂ်ႈလွင်ႈလၢၵ်ႇလၢႆးသင် ၵူၼ်းၵူႈၵေႃႉတိုၼ်းတေယၢမ်ႈယူႇႁင်းၵူၺ်းမႃးယဝ်ႉ ဢမ်ႇဝႃႈတေပဵၼ်လွင်ႈၶၢႆႉတီႈယူႇ လွင်ႈလႅၵ်ႈလၢႆႈၸၢတ်ႈပၢၼ် မိူဝ်ႈလႆႈလူႉသုမ်းၽႂ်သေၵေႃႉၵေႃႉၵႂႃႇ။ မိူဝ်ႈယူႇၵေႃႉလဵဝ်ၼၼ်ႉ ဢမ်ႇၸႂ်ႈဝႃႈတေငဝ်ယူႇတႃႇသေႇ...

လီဢမ်ႇမႅၼ်ႈၵေႃႉ

ၸွင်ႇယၢမ်ႈပဵၼ်ႁိုဝ် ၶတ်းၸႂ်ပဵၼ်ၵူၼ်းလီ ၶတ်းၸႂ်ႁၵ်ႉၼမ်ၼမ် ၶတ်းၸႂ်သႂ်ႇၸႂ်တဵမ်တီႈ ၵမ်းလိုၼ်းမႃးၵေႃႈ ပဵၼ်ၵူၼ်းဢၼ်ဢမ်ႇၸႂ်ႈတႃႇၶဝ်။ ဢမ်ႇၸႂ်ႈဝႃႈႁဝ်းဢမ်ႇလီ လိူဝ်သေဝႃႈႁဝ်းလီတေႃႇဢမ်ႇပႆႇထုၵ်ႇၵေႃႉမၼ်းၵူၺ်း လႄႈ လီမိူဝ်ႈၶဝ်ဢမ်ႇၶႂ်ႈထိင်းသိမ်းၽႂ်ဝႆႉၼၼ်ႉယဝ်ႉ။ ယႃႇႁဵတ်းႁဵတ်းႁၢႆႉတူဝ်ၵဝ်ႇယူႇယဝ်ႉလႃႈ...

ၸမ်ၵူၺ်းဢမ်ႇၸပ်း

မီးလွင်ႈယုမ်ႇယမ်ၼပ်ႉထိုဝ်ၵၼ် ယွမ်းႁပ်ႉလွင်ႈပႅၵ်ႇပိူင်ႈ ႁဵတ်းႁႂ်ႈယူႇႁူမ်ႈၵၼ်လႆႈလူမ်ၸႂ်။ ပၼ်ပိုၼ်ႉတီႈသုၼ်ႇတူဝ် ပၼ်ၶၢဝ်းယၢမ်းႁဵတ်းဢၼ်တူဝ်ၸဝ်ႈၵဝ်ႇၵျိူၵ်ႈၼၼ်ႉ ႁဵတ်းႁႂ်ႈလွင်ႈၸမ်ၸႂ်ၵႅၼ်ႇၶႅင်မႃးလႆႈ။ ယုမ်ႉမိူဝ်ႈယၢမ်းတုၵ်ႉ လွင်ႈသုၵ်ႉတေႁၢႆၵႂႃႇ မိူဝ်ႈႁဝ်းယုမ်ႉတေႃႇပၼ်ႁႃ။ ထွမ်ႇလိူဝ်သေလၢတ်ႈ ၵၢၼ်ထွမ်ႇၼၼ်ႉတေႁဵတ်းႁႂ်ႈႁဝ်းပွင်ႇၸႂ်ပိူၼ်ႈလႆႈၼမ်မႃး။ ႁဵတ်းသၢင်ႈၼႄ ၶေႃႈၵႂၢမ်းလၢတ်ႈဢမ်ႇလႆႈလမ်ႇလွင်ႈတၢၼ်ႇလွင်ႈႁဵတ်းသၢင်ႈဢၼ်တဵမ်ၸႂ်။ ဢမ်ႇမုင်ႈမွင်းၼမ်ပူၼ်ႉတီႈ...