ႁဝ်းဢမ်ႇၸၢင်ႈလႅၵ်ႈလၢႆႈတၢင်းယၢမ်ႈၽႂ်လႆႈ ၵူၺ်းၵႃႈႁဝ်းႁဵတ်းလႆႈဝႃႈ တေယူႇႁႂ်ႈၸမ်ႁိုဝ်ယူႇႁၢင်ႇၶဝ်လႆႈ။
ပိူၼ်ႈၸႂ်ႉသင်ၵေႃႈ ႁဵတ်းပၼ်တိၵ်းတိၵ်းၼၼ်ႉ မိူၼ်တင်းယွမ်းပၼ်ႁႂ်ႈပိူၼ်ႈၸၼ်ႁႅင်းႁဝ်းၵႂႃႇၼၼ်ႉယဝ်ႉ။
ႁတ်းထဵင်ၶိုၼ်းလွင်ႈဢၼ်ဢမ်ႇလူဝ်ႇၼၼ်ႉလႄႈ မိူဝ်ႈလႂ်မေႃထဵင်ၶိုၼ်း ၸႂ်ႁဝ်းတေလူမ်မႃးယဝ်ႉ။
သင်ထူပ်းသဵၼ်ႈတၢင်းဢၼ်ပၼ်တၢင်းသိူဝ်းတူဝ်ၵဝ်ႇယဝ်ႉၼႆ ၽႂ်တေလၢတ်ႈဝႃႈ မၼ်းဢမ်ႇလီၵေႃႈယဝ်ႉ၊ ယွၼ်းႁႂ်ႈယုမ်ႇၸႂ်တူဝ်ၵဝ်ႇသေ သိုပ်ႇၵႂႃႇသဵၼ်ႈတၢင်းၼၼ်ႉလႄႈ တွင်းဝႆႉဝႃႈ “ႁဝ်းဢမ်ႇလူဝ်ႇလႆႈၸႂ်ႉၸၢတ်ႈပၢၼ်တႃႇၽႂ် ႁဝ်းမီးၸၢတ်ႈပၢၼ်တႃႇတူဝ်ၵဝ်ႇဢိူဝ်ႈ”။
ဢွၵ်ႇႁၢင်ႇပႅတ်ႈသေလႄႈ ၵူၼ်းၵေႃႉဢၼ်တႅပ်းတတ်းၵႃႈၶၼ်သူၼၼ်ႉ ၶဝ်ႈႁႃၵူၼ်းၵေႃႉဢၼ်ႁဵတ်းႁႂ်ႈသူလႆႈယူႇလူမ်ၵူၺ်းၵေႃႈလႆႈယဝ်ႉ။
ၵိုတ်းလိုဝ်ႈႁဵတ်းၸွမ်းလွင်ႈမုင်ႈမွင်းပိူၼ်ႈသေယဝ်ႉ ဝၢႆႇမႃးၸႂ်ႉၶၢဝ်းယၢမ်းတွၼ်ႈတႃႇတူဝ်ၵဝ်ႇၽွင်ႈလႄႈ။
လွင်ႈလႂ်ဢၼ်ႁဝ်းဢမ်ႇလႆႈၸႂ်ၵေႃႈ ပၢႆႈပႅတ်ႈသေလႄႈ ယူႇႁႂ်ႈသိူဝ်းၸႂ်ၼၼ်ႉလီလိူဝ်ပိူၼ်ႈယဝ်ႉ။
ၽႂ်ၵေႃႈဢမ်ႇလႆႈတဵမ်ထူၼ်ႈၵူႈၸိူဝ်ႉၵူႈလွင်ႈ ၵွပ်ႈၼၼ် မေႃၶႂၢင်းပၼ်တူဝ်ၵဝ်ႇၽွင်ႈလႄႈ။
လွင်ႈမေႃႁူႉၵႃႈၶၼ်တူဝ်ၵဝ်ႇၼၼ်ႉ သမ်ႉဝႃႈႁဝ်းဢမ်ႇမီးသင်ၵေႃႈယဝ်ႉ ႁဝ်းယင်းတိုၵ်ႉပဵၼ်ႁဝ်းၵူၺ်းၵေႃႈလႆႈယဝ်ႉ သမ်ႉဝႃႈတေမီးတီႈယူပ်ႈယွမ်းတင်းၼမ် ဢမ်ႇမီးတီႈလီႁၢၼ်ႉၸႂ်သေလွင်ႈၵေႃႈ ႁဝ်းယင်းတိုၵ်ႉယွမ်းႁပ်ႉလႄႈႁၵ်ႉတူဝ်ၵဝ်ႇယူႇၼၼ်ႉ ပဵၼ်ၵၢၼ်ႁၼ်ၵႃႈၶၼ်တူဝ်ၵဝ်ႇယဝ်ႉ။
ၵူၼ်းၵေႃႉဢၼ်ၵေႃႉယႂ်ႇတဵမ်တူဝ်ယဝ်ႉၼၼ်ႉ မေႃႁူႉၸၵ်းတူဝ်ၵဝ်ႇဢမ်ႇဝႃႈလွင်ႈလီလႄႈလွင်ႈဢမ်ႇလီ ယွမ်းႁပ်ႉတူဝ်ၵဝ်ႇလႆႈလႄႈ ပိုတ်ႇၸႂ်ယွမ်းႁပ်ႉတီႈယူပ်ႈယွမ်းပိူၼ်ႈလႆႈယဝ်ႉ။
ပိၼ်ႇ-ငဝ်မွင်မိုတ်းမူဝ်း
