ဢမ်ႇႁူႉၵွၼ်ႇမၼ်းလီၸိူင်ႉႁိုဝ်တႄႉ မိူဝ်ႈသူမီးၸူႉ မိူဝ်ႈသူႁၵ်ႉၵၼ် ႁဝ်းတမ်ႉဢမ်ႇႁၼ်လူး။
ႁၼ်မိူဝ်ႈသူဢူၵ်းႁၵ်း တိူဝ်ႉၸႂ် ၽိတ်းၵၼ်ၵူၺ်းၼႃႇ။
သူၶိုၼ်းလီၵၼ်ႁဝ်းတမ်ႉဢမ်ႇႁူႉ ၽိူဝ်ႇႁူႉၵေႃႈသမ်ႉပေႃးၽိတ်းၵၼ်ထႅင်ႈယဝ်ႉ။
မၢင်ပွၵ်ႈပေႃးတၢၼ်ႇဝႃႈတေပႅတ်ႈၵၼ် ဢမ်ႇဢၢၼ်းၶႂ်ႈလႆႈၵၼ်ၶိုၼ်းယဝ်ႉ ပႅတ်ႈၵမ်းၼႆႉၵႂႃႈ သမ်ႉဝႃႈတေႇၼႃႈႁိူၼ်းပႅတ်ႈသေၼႆ။
ၶေးတေလီယူႇတေႉ ၽိူဝ်ႇတေႇၼႃႈႁိူၼ်းသမ်ႉ ႁႆၢၵႂႃႇၵေႃႉလႂ်ၵေႃႉၼၼ်ႉၵွၼ်ႇ။
ႁဵတ်းၵႂႃႇႁဵတ်းမႃး သမ်ႉဝႃႈ ၼႃႈႁိူၼ်းဢမ်ႇ ၵုမ်ႇထူၼ်ႈ တႃႇလုၵ်ႈႁႃးပေႃးၵေႃႉယႂ်ႇလႆႈလီမိူၼ်ပိူၼ်ႈ ၼႃႈၵၢၼ်တႃငၢၼ်းပဵၼ်ယႂ်ႇ လိုမ်းသႂ်ႇၸႂ်ၵူၼ်းၸမ်တူဝ် လီၵူဝ်မိူဝ်ႈ
ၽၢတ်ႇၽူဝ်ၽၢတ်ႇမေးၵႂႃႇ လုၵ်ႈဢွၼ်ႇႁဝ်းၼၼ်ႉၵေႃႈလႆႈၽၢတ်ႇယၢၼ်ပႃး။
တူဝ်ႁၢင်ႇၵႆၸႂ်ႁၢင်ႇယၢၼ် တၢင်းႁၵ်ႉၼၼ်ႉႁၢင်ႇဢွၵ်ႇ ၵမ်ႈၽွင်ႈၵႂႃႇပၵ်းမွၵ်ႇထႅင်ႈၵွၵ်းမႂ်ႇ ၵမ်ႈၽွင်ႈသႂ်ႇၼမ်ႉထႅင်ႈၵွၵ်းသွင် ၵမ်ႈၽွင်ႈပွင်ႁႃထႅင်ႈၵေႃႉမိူင်း ၼႃႈႁိူၼ်းၵိူင်းလူႉယၢႆႈ ၵမ်ႈၽွင်ႈဢိမ်ႇမိူဝ်ႇၶႂ်ႈပႆၢႈယၢၼ်။
မိူဝ်ႈၽၢၼ်ႁၵ်ႉမႃးယဝ်ႉၼၼ်ႉ လီၵူဝ်ၼႃႇဢမ်ႇတၢၼ်ႇ ၸွင်ႇမိူၼ်ၵႂႃႇၼိပၢၼ်ႇယဝ်ႉတူၵ်းငရႆၢးတႄႉဢမ်ႇႁူႉ။
ႁၼ်မိူဝ်ႈသူသုမ်းႁၵ်ႉ ႁၼ်မိူဝ်ႈသူသုတ်းႁၵ်ႉ ပေႃးတၢၼ်ႇၵူၼ်းဢမ်ႇယၢမ်ႈႁၵ်ႉၽႂ် ပေႃးတၢၼ်ႇဢမ်ႇဢၢၼ်းႁၵ်ႉလႆႈထႅင်ႈ ၵူၺ်းၵႃႈသူၵေႃႈသမ်ႉၶိုၼ်းၶမ်ၼႅင်ႈမႂ်ႇၵူၺ်းၼင်ႇၵွၼ်ႇ။
မိူဝ်ႈႁၵ်ႉၵေႃႈမေႃၸဵပ်း မိူဝ်ႈၸဵပ်းၵေႃႈမေႃသွၼ်ႇ မိူဝ်ႈသၢင်ႈႁၵ်ႉမႃး ပႃးၵၼ်ၶိုၼ်ႈယႂ်ႇ သႂ်ႇၸႂ်တူၺ်းထိုင်ၵၼ် ၵူၼ်းမၼ်းၵေႃႈမီးႁူဝ်ၸႂ် ပေႃးဢမ်ႇပႆႇတႆၢ တၢင်းႁၵ်ႉၼၼ်ႉလီမီးတူၺ်းယူႇ မၼ်းပဵၼ်သၽႃႇဝၶူင်းၵၢင်ၼႆႉၵူၺ်း။
ၼႃႈႁိူၼ်းလီ ၵေႃႉၵူႈလီၼၼ်ႉၵေႃႈ မီးယူႇၵူၺ်း တၢင်းႁၵ်ႉလီလီၼၼ်ႉၵေႃႈမီးယူႇၵူၺ်း။
မိူဝ်ႈတေႁၵ်ႉၽႂ်ၵေႃႈ ယႃႇလိုမ်းႁၵ်ႉတူဝ်ၵဝ်ႇဢွၼ်တၢင်းၶႃႈ။
သႅၼ်ငဝ်း
29/09/2025
သမ်ႉဝႃႈသူတေလၢတ်ႈတၢင်းႁၵ်ႉမၼ်းလီဢိူဝ်ႈ
