မၢင်ပွၵ်ႈ ၶတ်းၸႂ်လၢတ်ႈၼႄ ၶတ်းၸႂ်ႁဵတ်းႁႂ်ႈပွင်ႇၸႂ်ယူႇဢိူဝ်ႈ ၵူၺ်းၵႃႈ ၶဝ်ၵေႃႈဢမ်ႇယၢမ်ႈပွင်ႇၸႂ်သေပွၵ်ႈလႄႈ ၸိူင်ႉႁိုဝ်ၵေႃႈတိုၼ်းဢမ်ႇပွင်ႇၸႂ်လႆႈ။
ဢမ်ႇၸႂ်ႈဝႃႈ လၢတ်ႈတေႃႇၵၼ်ဢမ်ႇလီ မၼ်းပဵၼ်ယွၼ်ႉၶဝ် ဢမ်ႇဝူၼ်ႉတႃႇတေၶဝ်ႈၸႂ်ၸဵမ်မိူဝ်ႈတႄႇမၼ်းယူႇယဝ်ႉ။
ၵိုတ်းလိုဝ်ႈသေလႄႈ..
ယႃႇၵုမ်ႇႁွင်ႉႁႆႈၼႂ်းလပ်းသိင်ႇဢၼ်ၽႂ်ဢမ်ႇႁၼ်ၼၼ်ႉယူႇယဝ်ႉလႃႈ၊ ယႃႇဢဝ်ႁူဝ်ၸႂ်ၵႂႃႇဝႆႉၽိတ်းတီႈၽိတ်းတၢင်းမၼ်းလႄႈ၊ ၵိုတ်းလိုဝ်ႈမုင်ႈမွင်းၽႂ်သေလႄႈ ႁဝ်းတေဢမ်ႇမီးဝၼ်းလႆႈမၼ်းမႃးလေႃႇ။
ႁဝ်းဢမ်ႇၸမ်ပဵၼ်တေလႆႈတုၵ်းယွၼ်းတၢင်းႁၵ်ႉတီႈၽႂ်၊ ႁဝ်းဢမ်ႇၸမ်ပဵၼ်တေလႆႈသပ်းလႅင်းၼႄႁႂ်ႈၽႂ်ထွမ်ႇ၊ သင်ဝႃႈႁဝ်းပွင်ႇၸႂ်တူဝ်ၵဝ်ႇၵူၺ်းၵေႃႈပဵင်းပေႃးယဝ်ႉ။
တွင်းဝႆႉဝႃႈ ၵူၼ်းၵေႃႉဢၼ်ႁၵ်ႉႁဝ်းၼၼ်ႉ ဢမ်ႇလူဝ်ႇလႆႈသပ်းလႅင်းသင်ၵေႃႈ ၶဝ်တေပွင်ႇၸႂ်ယဝ်ႉ၊ ၵူၼ်းၵေႃႉဢၼ်ဢမ်ႇႁၵ်ႉႁဝ်း သပ်းလႅင်းၼႄပဵၼ်ႁဵင်လၢၼ်ႉပွၵ်ႈၵေႃႈ ၶဝ်ဢမ်ႇမၼ်းဝၼ်းပွင်ႇၸႂ်ယူႇယဝ်ႉ။
ယႃႇယဵၼ်တႃႇၶၢမ်ႇၸဵပ်းယူႇယဝ်ႉ ထွႆဢွၵ်ႇမႃးသေ ဢဝ်ႁႅင်းမႃးႁၵ်ႉတူဝ်ၸဝ်ႈၵဝ်ႇႁႂ်ႈၼမ်ၼမ်လႃႈ။
ပိၼ်ႇ-ငဝ်မွင်မိုတ်းမူဝ်း
