ယႃႇပႂ်ႉဝႃႈပႆႇထိုင်ၶၢဝ်းယၢမ်း ၶၢဝ်းယၢမ်းၼၼ်ႉမီးၵႃႈၶၼ်တႃႇသေႇယဝ်ႉ။
မၢင်ၵေႃႉပႂ်ႉၶၢဝ်းယၢမ်း ထိုင်တီႈပေႃးလိုမ်းဝႃႈ ၶၢဝ်းယၢမ်းၼၼ်ႉဢမ်ႇတွၼ်ႉပႂ်ႉၽႂ်။
မိူဝ်ႈလၢတ်ႈဝႃႈ “ၵမ်ႉၵွၼ်ႇ ပႆႇၽွမ်ႉ” မိူဝ်ႈတိုၵ်ႉၵႂင်ၸႂ်ယူႇၼၼ်ႉ ပိူၼ်ႈပေႃးႁဵတ်းၵႂႃႇယဝ်ႉ။
သမ်ႉဝႃႈတေလူမ်ႉ တေၸဵပ်းၵေႃႈ ၶဝ်လႆႈ ႁဵၼ်းႁူႉ လႄႈ မီးလွင်ႈၶိုပ်ႈၼႃႈမႃး သူသမ်ႉတိုၵ်ႉမီးယူႇတီႈၵဝ်ႇလႄႈ တိုၵ်ႉၵူဝ်တႃႇတေႁဵတ်းယူႇ။
ၸၢတ်ႈပၢၼ်ႁဝ်းၼၼ်ႉပွတ်းပွတ်းဢွၼ်ႇၵူၺ်း တေပႂ်ႉႁႂ်ႈထိုင်ၶၢဝ်းယၢမ်းၽွမ်ႉၼႆၼၼ်ႉ ဢမ်ႇမီး၊ တေၽွမ်ႉလႆႈၵေႃႈ မိူဝ်ႈႁတ်းတႄႇႁဵတ်းၼၼ်ႉၵူၺ်း။
ပေႃးပႂ်ႉႁႂ်ႈၽွမ်ႉ မၼ်းတိုၼ်းတေဢမ်ႇၽွမ်ႉလႆႈ။
ၶၢဝ်းယၢမ်းပူၼ်ႉၵႂႃႇ ဢသၢၵ်ႈၵေႃႈပွတ်းလူင်း ၶၢဝ်းယၢမ်းဢၼ်သဵင်ႈၵႂႃႇ ဢမ်ႇၶိုၼ်းဢဝ်မႃးလႆႈ ၶၢဝ်းယၢမ်းဢၼ်မီးယူႇ တေပႂ်ႉႁႂ်ႈသုတ်းသဵင်ႈႁိုဝ် ၸႂ်ႉႁႂ်ႈမီးၵႃႈၶၼ်။
တိုဝ်ႉတၢင်းၼႆၼၼ်ႉ ဢမ်ႇမီးပႆၢႉတႅမ်ႈဝႆႉဝႃႈ ပဵၼ်တိုဝ်ႉတၢင်းဢိူဝ်ႈၼႆ။
လွင်ႈဢၼ်ပႆႇၽွမ်ႉၼၼ်ႉ တေၸၢင်ႈပဵၼ်တီႈတႄႇၸႃႉႁဵတ်းၵႂႃႇၵေႃႈပဵၼ်လႆႈ။
လွင်ႈဢွင်ႇမၢၼ်ၼၼ်ႉဢမ်ႇယူႇတီႈၵၢမ်ႇ ယူႇတီႈတၢင်းၶတ်းၸႂ်ဢၼ်ဢမ်ႇမေႃယွမ်းၵၢၼ်ႉသေႁဵတ်းယူႇတိၵ်းတိၵ်းၼၼ်ႉၵူၺ်း။
ပိၼ်ႇ – ငဝ်မွင်မိုတ်းမူဝ်း
