ၵိုတ်းလိုဝ်ႈဝၢင်းၽႅၼ်ၼမ်ပူၼ်ႉတီႈသေ ႁဵတ်းၵမ်းလဵဝ်လႄႈ ႁဵတ်းႁႂ်ႈၶႂ်ႈသိုပ်ႇႁဵတ်းၵႂႃႇထႅင်ႈတိၵ်းတိၵ်း။
ၵိုတ်းလိုဝ်ႈႁႃၶေႃႈဢၢင်ႈ ၸႂ်ႉၶၢဝ်းယၢမ်းဢၼ်မီးယူႇယၢမ်းလဵဝ်ၼႆႉႁႂ်ႈလီလႄႈ ဢမ်ႇလူဝ်ႇပႂ်ႉသင်ထႅင်ႈယဝ်ႉ။
ၵိုတ်းလိုဝ်ႈသေလႄႈ တၢင်းဝူၼ်ႉဢၼ်ဝႃႈတေလႆႈတဵမ်ထူၼ်ႈၵူႈလွင်ႈ ႁဵတ်းႁႂ်ႈလီလိူဝ်ပိူၼ်ႈသုတ်းယၢမ်းလဵဝ်ၼႆႉလႄႈ ဢမ်ႇလူဝ်ႇပႂ်ႉႁႂ်ႈၵူႈလွင်ႈၽွမ်ႉ။
ၵိုတ်းလိုဝ်ႈပၼ်ႁႂ်ႈမၼ်းပူၼ်ႉၵႂႃႇ ၸၢမ်းၸႂ်ႉၶၢဝ်းယၢမ်းဢိတ်ႉၼိုင်ႈ ႁဵတ်းလွင်ႈဢၼ်ၶႂ်ႈႁဵတ်းၼၼ်ႉတူၺ်းလႄႈ။
ၵိုတ်းလိုဝ်ႈႁဵတ်းၵၢၼ်မိူဝ်ႈၶၢၼ်ႉ လိုဝ်ႈသေၵမ်ႉၼိုင်ႈယဝ်ႉၸွင်ႇၵွႆႈၶိုၼ်းႁဵတ်းၵေႃႈလႆႈ။
ၵိုတ်းလိုဝ်ႈႁဵတ်းလွင်ႈဢမ်ႇလႆႈၸႂ် တႄႇႁဵတ်းလွင်ႈဢၼ်ၵျိူၵ်ႈယဝ်ႉ ၸွင်ႇၵွႆႈႁဵတ်းၵၢၼ်ယၢပ်ႇ။
ၵိုတ်းလိုဝ်ႈသေလႄႈလွင်ႈဝႃႈ တေႁဵတ်းမိူဝ်ႈၽုၵ်ႈၼၼ်ႉ တႄႇႁဵတ်းၵႂႃႇမိူဝ်ႈလဵဝ်ၼႆႉလႄႈ။
ၵိုတ်းလိုဝ်ႈသေလႄႈ ဢၼ်ႁဵတ်းၵၢၼ်ဢမ်ႇမီးၽႅၼ်ၼၼ်ႉ ဝၢင်းၽႅၼ်သေယဝ်ႉၸွင်ႇၵွႆႈႁဵတ်းလႄႈ။
ၵိုတ်းလိုဝ်ႈသေလႄႈ လွင်ႈဢၼ်ဝူၼ်ႉဝႃႈဢမ်ႇမီးၶၢဝ်းယၢမ်းၼၼ်ႉ ႁဵတ်းၵမ်းလဵဝ်လႃႈ။
ၵိုတ်းလိုဝ်ႈ ပႂ်ႉႁႅင်းၸႂ်ယဝ်ႉၸွင်ႇၵွႆႈႁဵတ်းလႄႈ ႁဵတ်းယဝ်ႉမၼ်းတေၸွမ်းမႃးယူႇၵူၺ်း။
ၵိုတ်းလိုဝ်ႈ ဝူၼ်ႉဝႃႈမၼ်းယၢပ်ႇၼႃႇ ၸႅၵ်ႇၵၢၼ်ပဵၼ်ပွတ်းပဵၼ်တွၼ်ႈယဝ်ႉ ႁဵတ်းၵမ်းဢိတ်းၵမ်းဢွတ်းတူၺ်းလႄႈ။
ၵိုတ်းလိုဝ်ႈ ဝႆႉယိူင်းမၢႆသုင်ၼႃႇပူၼ်ႉ တင်ႈယိူင်းမၢႆလဵၵ်ႉလဵၵ်ႉၼၼ်ႉသေ ႁဵတ်းႁႂ်ႈဢွင်ႇမၢၼ်လႄႈ။
ၵိုတ်းလိုဝ်ႈ ၵူဝ်တေတႄႇႁဵတ်း ႁဵတ်းၵႂႃႇလႃႈ ႁဵတ်းမိူဝ်ႈလဵဝ်ၼႆႉလႃႈ။
ၵိုတ်းလိုဝ်ႈ ဝူၼ်ႉဝႃႈမၼ်းတေဢွင်ႇမၢၼ်ၼႂ်းဝၼ်းလဵဝ် ႁဵတ်းပွၵ်ႈဢိတ်းပွၵ်ႈဢွတ်းတူၺ်းၵူႈဝၼ်းလႄႈ။
ၵိုတ်းလိုဝ်ႈယုမ်ႇဝႃႈ တေလႆႈပႂ်ႉၶၢဝ်းယၢမ်းလီသေၵွၼ်ႇ ႁဵတ်းယၢမ်းလဵဝ်ၼႆႉလႃႈ။
ၵိုတ်းလိုဝ်ႈ ႁဵတ်းႁင်းၵူၺ်းသေ ႁႃၵေႃႉမႃးၸွႆႈလႄႈ။
ၵိုတ်းလိုဝ်ႈ မိူဝ်ႈႁိူဝ်ႉပူၼ်ႉၼႃႇၼၼ်ႉယႃႇႁဵတ်းယဝ်ႉ လိုဝ်ႈသေၸွင်ႇၵွႆႈၶိုၼ်းႁဵတ်းထႅင်ႈလႄႈ။
ပိၼ်ႇ-ငဝ်မွင်မိုတ်းမူဝ်း
