ပၢၼ်ပဵၼ်ၸွင်ႈ

ဢမ်ႇမီးၸွင်ႈလူင်ႇလႂ် လႆႈၸႂ်ႉတိုဝ်းမၼ်းယူႇတႃႇသေႇ မိူဝ်ႈၾူၼ်တူၵ်း ၸင်ႇတေယိပ်းမႃးၸႂ်ႉၵူၺ်း
ၾူၼ်ႁိူတ်ႇၵႂႃႇၵေႃႈ ၵဵပ်းဝႆႉၶိုၼ်းတီႈၵဝ်ႇၵူၺ်း

ၸွင်ႈတေမီးၵႃႈၶၼ်မိူဝ်ႈၾူၼ်တူၵ်း တေဢမ်ႇမီးၵႃႈၶၼ်မိူဝ်ႈၾူၼ်ႁိူတ်ႇယဝ်ႉ

ႁဝ်းဢမ်ႇႁူႉဝႃႈၶဝ်တေဝူၼ်ႉလီတေႃႇႁဝ်းမိူၼ်ႁဝ်းဝူၼ်ႉတေႃႇၶဝ်ၼၼ်ႉယူႇႁိုဝ် ဢမ်ႇၼၼ်ၵေႃႈၶဝ်တေႁၼ်ႁဝ်းမိူၼ်ၸွင်ႈ ယိပ်းၸႂ်ႉႁဝ်းမိူဝ်ႈမၼ်းမီးၽွၼ်းလီၵူၺ်း

ပေႃးဢမ်ႇၸႂ်ႉလႆႈမိူၼ်ၸႂ်မႃးၵေႃႈ ပွႆႇပိုၼ်ႉပွႆႇပႅတ်ႈသေ ပေႃးလူဝ်ႇၵေႃႈမႃးၸႂ်ႉၶိုၼ်း

မီးၽွၼ်းလီၵူၼ်းၶဝ်ႈႁႃ ဢမ်ႇပၼ်ၽွၼ်းလီ ဢူၺ်းၵေႃႉၵူၺ်းၵေႃႈႁႃဢမ်ႇမႃးၸူးၸိူင်ႉၼၼ်

ပိၼ်ႇ-ငဝ်မွင်မိုတ်းမူဝ်း

လႅၼ်ဢွၵ်းယႃႇႁႂ်ႈဝူၼ်ႉၼမ်

ၸွင်ႇယၢမ်ႈပဵၼ်ႁိုဝ် ယူႇႁင်းၵူၺ်းမိူဝ်ႈလႂ် ၵႆႉၵႆႉဝူၼ်ႉသင်တိၵ်းတိၵ်းၵေႃႈဢမ်ႇႁူႉ ဝူၼ်ႉလူင်ၵႂႃႇၵူႈမဵဝ်းယဝ်ႉ။ ပႃးၸဵမ်လွင်ႈၸိူဝ်းပူၼ်ႉမႃး၊ လွင်ႈဢၼ်လႆႈႁဵတ်းၽိတ်းၵႂႃႇ၊ လွင်ႈဢမ်ႇယုမ်ႇယမ်တူဝ်ၵဝ်ႇ၊ လွင်ႈဢၼ်မႃးပႆႇထိုင်၊ ၸႂ်ၼၼ်ႉၵေႃႈပေႃးဢမ်ႇမေႃလိုဝ်ႈလႆႈသေပွၵ်ႈ။ ဢၼ်ဝူၼ်ႉၼမ်ယူႇၼၼ်ႉ...

ၵွပ်ႈသင်လႄႈႁၢမ်ႈဝႆႉၸူႉမိူဝ်ႈၽွင်းႁဵၼ်း

ပဵၼ်လႆႈဝႃႈ ႁဝ်းတေၸၢင်ႈလိူၵ်ႈၵူၼ်းၽိတ်း ႁဵတ်းႁႂ်ႈလႆႈသုမ်းၶၢဝ်းၸွမ်း လႆႈတိူဝ်ႉၸႂ် တုမ်ႉတိူဝ်ႉပႆၢးၸႂ်ထႅင်ႈ။ သင်ဢဝ် ၶၢဝ်းယၢမ်း ၽိူမ်ႉၼမ်ႉၵတ်ႉတူဝ်ၵဝ်ႇဢမ်ႇလီႁိုဝ်။ ၸွင်ႇသမ်ႉမေႃႁၵ်ႉတူဝ်ၵဝ်ႇယူႇႁိုဝ် တၢင်းႁၵ်ႉဢၼ်လီၼၼ်ႉ...

တွၼ်ႈသွၼ်တီႈလွင်ႈဢမ်ႇမိူၼ်ၸႂ်

လွင်ႈဢမ်ႇမိူၼ်ၸႂ်ၼၼ်ႉ မၼ်းသွၼ်ႁႂ်ႈႁဝ်း လႆႈႁဵၼ်းႁူႉမၼ်းယဝ်ႉ ဢမ်ႇမီးသင်ႁဵတ်းႁႆၢႉႁဝ်းလႆႈပဵင်း ဢၼ်မုင်ႈမွင်းတူဝ်ၵဝ်ႇၼႃႇပူၼ်ႉတီႈ ယိင်ႈၶႂ်ႈလႆႈၶႂ်ႈပဵၼ်ၼမ် ယိင်ႈႁဵတ်းႁႂ်ႈတုၵ်ႉၸႂ်ၼမ် ဢၼ်ႁဵတ်းႁႆၢႉႁဝ်းၼႃႇၼၼ်ႉ ပဵၼ်လွင်ႈဢၼ်ဢဝ်ၸႂ်ပၵ်းၸွမ်းမၼ်းၼမ်ၼႃႇပူၼ်ႉၼၼ်ႉၵူၺ်း။ လွင်ႈဢမ်ႇမိူၼ်ၸႂ်ၼၼ်ႉ မၼ်းၼႄပၼ်လွင်ႈပဵၼ်တေႉႁဝ်းယဝ်ႉ...